Makatukilu 18:26 - O Mikanda Ikola

²⁶ Anga enhá a kala mu fundisa o mundu mu thembu joso; maka abhonzo a a bheka kua Mozé, maka ofele-phe ene a a tetulula mudiâ.

Makatukilu 18:26 ပူးပေါင်းရင်းမြစ်များ

I Jisobha 10:1

Anga Na Mvuale ia Sabá kievu o fuma ia Solomá ni kutumbula dijina dia Jihova uiza ku mu lolela mu ifika.

Jobe 29:16

Kua ió a bhindama, nga kexile ngi tata, katé ni iá ki nga ejidile, milonga iâ ngi i thothesa muene ni muanu uoso.

Makatukilu 18:22

ene-phe a kale mu fundisa o mundu iú thembu joso. O maka a makota, a ku bhekela-nâ eie; maka ofele-phe, ene a a tetulule mudiâ; mu kubhanga kienhókio, ua-nda kubhebhulula o kimbamba kié, ene ni a ku kuatekese ku ki ambata.

Ijila 24:11

O mona-diialʼú anga uẋonguena Dijina dia Jihova, u di naka, anga a mu bheka kua Mozé. O dijina dia mamʼâ Selomite, monʼa Divile, ku muiji ua Dane.

Matendelelu 1:17

O ki mu fundisa ki mu suue muthu; ua tolo mu muivua, o ua kulu mu mu ivua; ki bhu kale pholo i mi kuatesa uoma, kuma o kubatula milonga kima kia Nzambi; maji se bhu kala mulonga ua mi bhônzo, muiza-na-u kokuami, eme anga ngi uʼívua.

Matendelelu 17:8

Mu kubatula milonga, se bhu kala diba dia ku bhonzo, hé mvunda ia athu a di jibha mbandu ni mbandu, mba dimânda ni dimânda, mba a di kuama enhoso, mba-phe a di kuata jiphata ia a di bhinjika, muʼaxaxi ka mabhata menu; balumuka-phe, u bande ku kibuta kioso kiasolo kuala Jihova Nzambi ié,