Makatukilu 18:19 - O Mikanda Ikola

¹⁹ Ivua-phe dízui diami, ngi ku bhane kaiula, Nzambi a ku kuatekese, eie u imanena o mundu bhu pholo ia Nzambi, maka mâ uenda ni ku a bheka kua Nzambi,

Makatukilu 18:19 ပူးပေါင်းရင်းမြစ်များ

Dimatekenu 39:2

Jihova anga u kala ni Zuze, katé ioso ia bhanga ienda kiambote; anga u kala mʼonzo ia ngana iê mukua Ijito.

II Samuuele 14:17

Bhenhobho, kùku, ngi kahatu ké, ngixi dingi: Kizuelu kia muenexi ki kale kia kutululuka; kuma ki ualʼokio, kùku, ua di bhange mukuâ ni anjo ia Nzambi mu kutongolola kiauabha ni kiaiibha. O Jihova Nzambi ié a ku kuatekese.

Makatukilu 18:15

Mozé anga u ambela ukouʼê, uixi: Mukonda o mundu iú eza kokuami, mu kuibhula kua Nzambi.

Makatukilu 18:20

uenda ni ku a longa o itumu ni ijiia, hé u a edikiza o njila ia tokala kuila, ni kikalakalu kia tokala kubhanga.

Makatukilu 18:24

Mozé anga u ívua dízui dia ukouʼê, u bhanga ioso kala kia mu ambela muene.

Makatukilu 20:19

Anga ambela Mozé, exi: U tu zuelesa eie, tu ku ivue; kana dingi Nzambi ku tu zuelesa, phala ki tu fue.

Makatukilu 3:12

Kuala Nzambi, uixi: Ni kidi kiene, Eme ngà kala ni eie; o kiki kiá kala kijimbuete, kuma eme muene nga ku tumu: Kioso ki ua kà tundisa o mundu mu Ijitu, Nzambi hinu mu mu bhezela mu mulundu muenhumu.

Makatukilu 4:12

Kiki-phe ndé kindala, eme muene ngi kala ni dikanu dié, ngi ku longesa kioso ki ua kà zuela.

Makatukilu 4:16

Muene u kala muzumbu ué uakuzuela ni mundu; o ki muia ni kuenda, muene u kala diaknu dié, eie-phe u mu kala mukuâ ni Nzambi.

Jisabhu 9:9

O njimu mu longe, muene ua-nda ku beta dingi kudimuka, muthu ua iuka mu tetulule, u mu mone kiʼaia ku pholo ni kutongoloka.

Dialuilu 27:5

Mozé anga u bheka maka mâ bhu pholo ia Jihova.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Matendelelu 20:1

Kioso ki u tunda mu kuia kúlua ita ni jinguma jé, anga u mona jikabalu, ni makalu, ni makuenze mabeta kuvula eie ndenge, kana ku a kuatela uoma; mbata o Jihova Nzambi ié, uoso ua ku katula kʼoxi ia Ijito, ua ku bande.

Matendelelu 5:5

Thembu ienhoio eme ngemanene bhuʼaxaxi kenu o kuku Jihova, o koko enu, mbé o kuenda ni ku mi tudila izuelu ia Jihova; mukonda túbhia tua mi kuatele uoma, enu mua lembuele kubanda ku mulundu; o muene-phe, uexi:

Josuué 1:9

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.