Makatukilu 18:16 - O Mikanda Ikola

¹⁶ Kioso, ene kia kala ni maka, eza kokuami, eme ni ngi fundisa bhu kaẋi ka muthu ni mukuâ, hé ngʼa tangela itumu ia Nzambi.

Makatukilu 18:16 ပူးပေါင်းရင်းမြစ်များ

II Samuuele 15:3

Abisalone anga u mu ambela, uixi: Talesa, makʼé auabha, a iuka muene, maji ki bhuala muthu a mu tumu kuala muenexi phala ku ku ivua.

II Malunda 19:10

O mu ima ioso ia katungu iza kokuenu, ia tundu ku jiphange jenu, a tungu mu jimbonge jâ, bhu kaẋi ka mahâẋi ni mahâẋi, ni bhu kaẋi ka itumu ni ijila, ni bhu kaẋi ka jingonge ni mabatuilu, muenda ni ku a bazela mbé ka kale ni mulonga kua Jihova, phala ki kuize njinda ia dikota ku thandu dienu, ni ku thandu dia jiphange jenu; bhangenu kienʼiki, mu kambe ku kala mu akua mulonga.

Jobe 31:13

Se nga di tunu kubhana kima kia tokala ku mubhika uami ua diiala mba ua muhatu, kioso ene kia kexi mu ku ngi dionda,

Makatukilu 18:17

Ukouʼa Mozé-phe, u mu ambela, uixi: Ki ki uabha, ki uala mu bhanga.

Makatukilu 2:13

Kizuua kia kaiadi anga u tunda dingi, u sanga mala kiiadi, Jihebeleu joso, ala kuzoka; anga u ambela ió uoso uala kubhanga kiaiibha kua mukuâ, uixi: Uala mu betela-hi mukuenu?

Makatukilu 23:7

Ku maka ma makutu tunda-ku, a ku xale dikanga. O ua kambe kikuma, ni ió ua iuka, kana ku mu jibha; kuma eme ki ngi ẋikina kulungisa kisuéia.

Makatukilu 24:14

u ambela adiakimi, uixi: Tu kingienu hanji bhenhobho, katé ki tuiza, tu mi sange; talenu-phe, Alá ni Hele ene mua xala-nâ; uoso uala ni maka, eza-nâ kua ene.

Ijila 24:15

Anʼa Izalaiele-phe u a jimbuile, kuamba: Uoso-uoso unaka Nzambi iê, kituxi kiê ki mu xine muene ku thandu.

Dialuilu 15:35

Jihova anga u ambela Mozé, uixi; Muthu ió ua tokala ku mu jibha muene; kilômbo kioso a mu bube ni matadi ku kanga dia kibangu.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

I Kolindo 6:1

Se muthu mudienu u kala ni muiônga kua mukuá, kifua u bhumina kuia kufunda-nê bhu pholo ia isueia, o bhu pholo ia athu a Nzambi nguê kuia-bhu?

Matendelelu 4:5

Mua mono-ze kuila nga mi longesa o jingonge ni mabatuilu, kala kioso kia ngi lekelela Jihova Nzambi iami; kiene-phe kiá ki mu enda jinga ni kubhanga mu ixi i mua-nda kubhingana.

Matendelelu 5:1

Mozé anga uixana Izalaiele ioso uʼambela, uixi: Îvua eie u Izalaiele, o jingonge ni mabatuilu u ngala ku mi tendelela lelu mu mátui menu, muile ni ku di longa-u ni ku ma lunda, mbé o ku ma bhanga.

Matendelelu 6:1

Ienhiʼii-phe iene o ijiia, ni jingonge, ni mabatuilu, a ngi tumu Jihova Nzambi ienu, ku mi longa-u. Imʼiii phala muende ni ku i kumbidila kioso ki mua kà tula mʼoxi i mua-nda kúvua.

I Samuuele 12:23

Eme bhabha ue, ki ngi tena kukala ngi muthu uengi, ni ngi te kituxi kua Jihova mu kuzumbuka ku mi sambela. Eme ngenda jinga muene ni ku mi longa mu njila iauabha, ia kuiuka.