Makatukilu 18:12 - O Mikanda Ikola

¹² Jetulu, ukouʼa Mozé, anga u kuata kibhaku kia kuoha, ni jisata ja Nzambi; Alá anga uiza, ni adiakimi oso a Izalaiele, a dia fesa ni ukouʼa Mozé, bhu pholo ia Nzambi.

Makatukilu 18:12 ပူးပေါင်းရင်းမြစ်များ

Dimatekenu 12:7

Jihova anga u tukulukila Mbalamu, u mu ambela, uixi: O mbutu ié-eie hinu nga kà a bhana o ixi ienhiʼii. Muene anga u tunga-bhu kalatódio, phala Jihova ua mu tukulukila.

Dimatekenu 26:25

Izake anga u tunga kalatódio bheneʼobho, u hingila dijina dia Jihova, hé u ximbika-bhu o balaka iê; o jiselevende ja Izake anga a kanda-bhu ue kixima.

Dimatekenu 26:30

Bheneʼobho Izake uà bhangela kizokola ene hé a dia a nua.

Dimatekenu 31:54

Jakobo anga u jibha ibhaku, u bhanga sata mu mulundu muenhomo, hé uixana phange jê mu kúdia kizokola.

Dimatekenu 4:4

Abele ue u bheka ku anʼa jimbudi mu kilunga kiê oso a dianga ku a vuala, ni ku misuinhi ianete. Ngana anga u suua Abele ni ujitu uê,

Dimatekenu 43:25

Ene anga a iudika o ujitu uâ, phala Zuze, kia-nda kuiza ku mediia; kuma evu exi a-nda ku di mosala muenhomo.

Dimatekenu 8:20

Noué anga u tunga kalatódio ka Ngana; u kuata ku jixitu joso jazele, ni ku jinjila joso jazele, anga u bhana jisata ja kuoha ku thandu dia kalató dio.

II Samuuele 9:7

Davidi hé u mu ambela, uixi: Ku kale ni uoma; kuma ngi ku idikiza henda muene, mukonda dia Jonata, tatʼenu; ngi ku bhana dingi mikáu ioso ia kukuʼenu Saúlo; eie-muène u kala jinga mu kúdia mbolo ku meza mami izuua ioso.

II Malunda 30:22

Ni kulenduka kuoso, Ezekiia anga u zuelesa jilevita joso a kexile ni kilunji mu kuijiia kiambote Jihova. O maujitu ma fesa anga a ma dia mu sambuadi dia kizuua, ni kubhakula maujitu ma uembu, ni kuximana Jihova, Nzambi ia jitata jâ.

Jobe 1:5

Jobe anga uia ni kuila, kioso ana oso kia zubha kubhanga o jifesa, u a exana anga u a lumbila kua Ngana; kuma u balumuka mu kimenemene, anga uia mu kubhana jisata ja soko ni diauilu dia ene, mukonda, uixi: Sumba anʼami a te kituxi, a ẋonguena Nzambi ku muẋima uâ. Kienhiki kia kexi mu bhanga jinga Jobe thembu joso.

Jobe 42:11

Bheneʼobho-phe kiá, phange jê joso ja mala ni ja ahetu, jiza anga ji mu bhongolokela, ni oso kiá a diʼjidile-nâ mʼukulu, anga a dia-nê mbolo mʼonzo iê, anga a mu kala ni henda, hé a mu konda malamba ma ima ioso ia ibha ia mu tumikixine Ngana; eneʼoso ela, iú ua mu bhana kitadi ni nela ia ulu, iú ua mu bhana kitadi ni nela ia ulu.

Jobe 42:8

Kuatenu-phe, sambuadi dia tuana tua ngombe ni sambuadi dia ilumbe ia jimbudi, muie kua mubhikʼami Jobe, mua kà di bhele jisata. Mubhikʼami Jobe muene ua kà mi sambela; mukonda nga-nda kuẋikina kudionda kuê, phala eme ki ngi mi bhange kala kia fuama mu ulaji uenu. Mbata enu ku mu ngi zuela kioso kia iuka, kiókio kia fuama, kala o mubhikʼami Jobe.

Makatukilu 18:13

Anga kibhita-phe kuila, ki kuáki, Mozé u xikama mu fundisa o mundu; mundu uemana ua mu bhongolokela tunde kimene katé ngoloxi.

Makatukilu 2:16

Bhenhobho nganga ia Midiiana, u kala ni sambuadi dia mona, ahatu oso; anga eza mu teka menha, ezalesa maulungu mu kunuisa ibhaku ia tatʼâ.

Makatukilu 2:20

Muene anga u ambela anʼê a ahatu, uixi: Muene-phe iú kuebhi? kifua diiala u bhanga kiki mu mu xienu bhobho? mu ixanienu phala adiê mbolo.

Makatukilu 20:24

U ngi tungila kalatódio ka mavu, anga u ngi satela ku thandu diê; o sata jê ja kuoha, ni sata ja paze, ni ja jimbudi jé, ni ja jingombe. Bhuoso bhu kididi bhu ngi bhangesa dijina diami kufumanena-bhu, ngi ku sanga bhenhobho, anga ngi ku bhana kuzediua.

Makatukilu 24:11

Adiakimi enhá, a a solo mu anʼa Izalaiele, muene ka a zengela lukuaku luê; bhenhobho a mona Nzambi, anga a dia, a nua.

Makatukilu 24:5

Anga u tuma minzangala ku anʼa Izalaiele, kuia mu kubhakula jisata ja kuoha, a jibha jisata ja paze, ja jingombe ja satela Jihova.

Makatukilu 3:1

Kiki-phe o Mozé u kala mu kuinga ibhaku ia Jétulu ukouʼê, nganga ia Midiiana. Kizuua kimoxi anga uambata o kilunga, uia na-kiu kuema dia kikangalakata, u bhiẋila ku mulundu ua Nzambi, ku Holebe.

Makatukilu 33:7

Mozé anga u katula o balaka, hé u i ximbika mu kanga, bhu kibangu u xia-bhu muene kadikanga; u ixana kiá balaka ia kutakanena. O uoso uedi u sota Jihova, u xia bhu kibangu uia ku balaka ia kutakanena iala mu kanga.

Daniiele 10:3

Ki nga kexe kúdia makudia ma ngi tula ku muẋima, ni xitu ni vinhu ue mu kanu diami ki ia bokona-mu, né ngó ku di uaia ni maji. Anga ngi kala kienhiki katé ki nga tenesa jisemana jitatu.

Dialuilu 10:29

Mozé anga u ambela Hobabe monʼa Leuele mukua Midiiane, ukouakime ua Mozé, uixi: Tuala mu njila ia kuia ku kididi kia tu ambela Jihova, kuma: Ngi mi bhana-kiu; zá tuile kumoxi, tu ku bhange mbote; kuma Jihova ua tange kubhanga mbote kua Izalaiele.

Luka 14:1

Kizuua kimoxi, kia Sábhalu, Jezú u bokona mʼonzo ia dikota dimoxi dia jifalizeu, phala kùdia-nê mbolo. Anga mundu a kala mù tonginina Jezú.

Luka 14:15

Ki evu o makʼama, muthu uamukuá uala-nê ku meza, u zuela, uixi: Ua zediua uoso u dia mbolo ku meza mu Utuminu ua Nzambi.

I Kolindo 10:18

Xinganekenu hanji o muiji ua Jijudé: Oso akua kudia o ima iobhane mu jisata, manhi ka tokala ue mu kisangela mu Kultu ia kubheza Nzambi bhu kalatodio?

I Kolindo 10:21

Enu ki mu tena kunua mu kopho ia Ngana, ni mu kopho ia madimonho. Ki mu tena ue kudia ku meza ma Ngana ni ku meza ma madimonho.

I Kolindo 10:31

Uila kiki, kixi mu kudia, kixi mu kunua, mba mu kubhanga kima kiosokioso, iene ioso i kale ia kuximanesa Nzambi.

Matendelelu 12:7

Ima ienu ikôla bhene bhu mu i dila, bhu pholo ia Jihova Nzambi ienu, anga mu sanguluka mu ima ioso i mu tula o lukuaku luenu, nʼenu ni mabhata menu, mu ima ioso iejila mu dibesá dia Jihova Nzambi ienu.

Matendelelu 27:7

Usatela jinga ue jisata ja paze anga bhenhobho údia, usanguluka bhu pholo ia Jihova Nzambi ié.