Makatukilu 18:11 - O Mikanda Ikola

¹¹ O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.

Makatukilu 18:11 ပူးပေါင်းရင်းမြစ်များ

I Jisobha 17:24

Bhenhobho muhatu uambela Elija, uixi: Mu kiki ki ua bhange ngʼejiia kiá kindala kuma eie u muthu ua Nzambi muene, ni kuila ue o kizuelu kia Ngana, mu dikanu dié, kia kidi.

II Jisobha 5:15

Bheneʼobho u vutuka kua muthu ua Nzambi, ni muene ni oso a kexile mu kuenda-nâ, hé uiza, uimana bhu pholo iê, uixi: Tala, nga kʼijiia kiá kuila mungongo ioso kana-mu Nzambi, kikale ngó mua Izalaiele, kuabhu! O kindala-phe, nga ku diondo, tambula ujitu kua mubhikʼé.

I Malunda 16:25

Kuma Jihova Munéne, uafuama ku mu ximana kiavulu, mukonda muene ukôla o jinzambi joso ndenge.

II Malunda 2:5

O inzu-phe i nga-nda kutunga, ia-ndu kala ia dikota, mbata o Nzambi ietu Munéne o jinzambi joso ndenge.

Nehemiia 9:10

Anga Falaó u mu idikiza ijimbuete ni madiuanu, ni akua mbèle iê oso, ni akua ixi iê oso; mukonda eie uejidile kuma ene a bhangele phulu iavulu ku jitata jetu; eie mu kubhanga kienhiki ua di bhekela dijina dinangenena, kala ki tua mu ki mona leluʼiki.

Nehemiia 9:16

Ene-phe, o jitata jetu, kua eza ukumbu; anga a kolokotesa o xingu jâ, a fula o kuxikana, hé a dituna kubhana o mátui ku ijila ié.

Nehemiia 9:29

Anga u kala mu ku a bazela, mbé ene a lungulukile ku kitumu kié; maji ene-phe a bhanga ima ia ukumbu uoso, anga a dituna kuívua o ijila ié, a bhukumukina-phe o jiphangu jé, ja bhingi muthu se u ji kuata, ji mu bhana muenhu; anga a thuthujula o isuxi iâ, a kolokotesa xingu jâ, ni kudituna kuívua.

Jisálamu 119:21

Eie, Ngana, u bazela akua izala ni kuhalumuka kuoso; u a ta mázui, oso a dianguka ni kuxibhaka o ijila ié.

Jisálamu 135:5

Kuma eme ngejiia kuila, Jihova u kôla; o Ngana ietu Nzambi, ua tundu o jinzambi joso.

Jisálamu 31:23

Jihova mu zodienu, enu oso mu athuʼê ósole; kuma Ngana u tambula konda ia jifiiele. Maji akua izala-phe u a bhesa kaxtiku kasoko.

Jisálamu 95:3

Kuma o Jihova, kota dia Nzambi, Ngana ia dokota ua tundu o jinzambi joso.

Jisálamu 97:9

Kuma, eie Jihova, eie-muène ngó Suke-ku mu ngongo ioso, eie kujinga kué jinzambi joso ja xala bhoxi.

Makatukilu 1:10

ndokuenu tu a bhange ndunge, phala ka di vuale, imoxi kia sokoloka kiavulu, hinu ku tuiza ita, enʼiá-phe a di bânda ku jinguma, hé a tu kitukila, a tu lua anga mʼoxiʼumu a tunda-mu.

Makatukilu 1:16

uixi: Kioso ki mu bhanga ufunu uenu ni ahatu a Jihebeleu, se ala bhu muanza, se monʼa diiala mu mu jibha, se monʼa muhatu a kale ni muenhu uê.

Makatukilu 1:22

Falaó anga u tuma mundu uê uoso, uixi: Uoso monʼa diiala a mu vuala mu mu takula mu honga ia Nilo, o mona muhatu mu mu bhaka ni muenhu.

Makatukilu 10:3

Mozé ni Alá anga aia a bokona kua Falaó, a mu ambela, exi: O Jihova, Nzambi ia Jihebeleu uambe kiki: Eie u dituna katé bhebhi kutoloka bhu pholo iami? Eha o mundu uami, phala aie a ngi bhikile.

Makatukilu 12:12

Mbata mu usuku uenhó eme ngi bhita mʼoxi ioso ia Ijitu, ngi beta-mu ana oso a phande-kumbi òvualele mu Ijitu, ni ku athu ni ku ibhaku; o jinzambi joso ja Ijitu ngi ji bhana njumbu; eme ngi Jihova.

Makatukilu 14:18

O akua Ijitu à kʼijiia kuma eme Jihova, kioso ki nga-ndu tambula o fuma ku thandu dia Falaó, ni ku makalu ê, ni ku jikavalelu jê.

Makatukilu 14:8

Kuma Jihova ua kolesa o muxima ua Falaó, muenexiʼa Ijitu, anga u kaiela anʼa Izalaiele, mukonda muene ua fika kuma anʼa Izalaiele a mu baluka; manhi sai lukuaku lua nguzu lua a katula.

Makatukilu 15:11

Ku jinzambi nanhi muene u soka ni eie u Jihova? Mukuenu nanhi u kôla kiki mu kuzela ni kuiuka, kilamba ki kuata uoma, mukua kubhanga madiuanu?

Makatukilu 5:2

Kuala Falaó-phe: Jihova nanhi muene, phala eme ngi mu ivue dízui, ni ngehe Izalaiele? Eme, Jihova ki nga mu ijiia; kia mukuâ dingi, Nga ditunu kueha Izalaiele.

Makatukilu 5:7

Kana dingi kubhana mundu iangu ia kuʼmbila o jindobhi, kala ki mua bhange mazá ni mazadinha; ene a muangane, a sote ene o iangu iâ.

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Dialuilu 33:4

kioso akua Ijitu kiala mu funda anʼa phande-kumbi a a beta kuala Jihova mu kaẋi kâ; katé ni jinzambi jâ, Jihova ua ji elêsa.

Luka 1:51

Ua bhange ima ia nguzu ni lúkuaku luê, ua muanganesa akua izala mu ikutu ia miẋima iâ.

Tiiaku 4:6

Maji o dikuatekesu di tu bhana Nzambi phe, dia beta kota mu ujitu. Mukonda o Mikanda ia Ngana, iexi: Nzambi u zoka ni akua izala, maji oso a batama u a kuatekesa ni kiadi kiê.

I Phetele 5:5

Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.

I Samuuele 2:3

Kana kuvudisa dingi kuzuela kuenu kua ukumbu, ki mu tunde dingi ima ia izala mu kanu dienu, kuma Jihova muene Nzambi ia unjimu ni kuijiia, ima i bhanga athu Muene uene ku i pezala ku dipezalelu