Makatukilu 17:9 - O Mikanda Ikola

⁹ Mozé anga u ambela Josuué, uixi: Sola makuenze, nda uie u lue ni Amaleke; eme mungu ngʼimana bhu thala ia kalundu, ni mbangala ia Nzambi ngi i kuata bhu maku.

Makatukilu 17:9 ပူးပေါင်းရင်းမြစ်များ

I Malunda 7:27

monʼé Nune, monʼê Josuué.

Makatukilu 17:13

Josuué anga u buidisa Amaleke ni mundu uê ku mazu a xibhata.

Makatukilu 18:21

Sota mu mundu, oso athu a tena, ala ni kilunji, akua uoma ua Nzambi, akua kidi, ka ẋikina kúdia mangonha, u a tese ku pholo; iá a tambula konda ia jimidi, iá a tambula konda ia jihama, iá a tambula konda ia makuinhi atanu, o iá dikuinhi-dikuinhi;

Makatukilu 24:13

Mozé anga u balumuka bhenhobho, ni dikuenze diê Josuué, uene ku mu xibhidila; o Mozé kia mu banda mu mulundu kua Nzambi,

Makatukilu 33:11

Jihova anga u kala mu zuela ni Mozé, pholo ni pholo kala muthu uoso-uoso kia zuela ni kamba diê. Anga u vutuka kuia ku kibangu; maji o dikuenze diê-phe, Josuué, monʼa Nune, munzangala, ka kexile mu tunda-mu mu balaka.

Makatukilu 4:17

Bhu maku uambata o mbangala ienhiʼii, iene i uenda ni kubhanga na-iu o ijimbuete.

Makatukilu 4:2

Jihova anga u mu ambela, uixi: Kima kiahiʼokio ki ua kuata bhu maku? Uixi: Mbangala.

Makatukilu 4:20

Mozé anga u zangula mukajiʼê, ni anʼê a mala, u a ta ku bulu, u katuka mu kuia dingi mʼoxi ia Ijitu, ni mbangala ia Nzambi uê ua i kuata bhu lukuaku.

Dialuilu 11:28

Josuué dia Nune, mukuenze ua Mozé ua mu sola tundé mu undenge, anga u kumuna, uixi: Muadi Mozé, a kidike.

Dialuilu 13:16

Enʼiá o majina a mala a a katula kuala Mozé mu kulonda ixi. Hoxeia dia Nune, Mozé anga u muixana Josuué.

Dialuilu 13:8

Ku muiji ua Ifalaíme, Hoxeia dia Nune.

Dialuilu 27:18

Jihova anga u ambela Mozé, uixi: Kuata Josuué dia Nune, diiala uala ni Nzumbi moxi diê, u mu tule lukuaku lué ku thandu;

Jipoxolo 7:45

O iene kia i lundula o jitata jetu, eza na-iu ni Josuué kia bokona mu bhingana mʼoxi mumu mua kaiesa Nzambi o matumbu ku pholo ia jitata jetu. Anga a kala kienʼiki katé mu izuua ia Davidi.

Matendelelu 32:44

Mozé anga uiza, utangela o kifuẋi maka moso ma mukumbi iú ku mátui mâ, ni muene ni Josuué monʼa Nune.

Jihebeleu 4:8

O ki kala Josuué ua a bhele dinhohenu, Nzambi hinu keji ku di kumuna dingi ku pholo kunu, anga u tanga kizuua kiamukuâ.

Josuué 8:18

Jihova anga uambela Josuué, uixi: Sunununa ditoma di ua kuata bhu lukuaku, u di lungise ku Hai; kuma ngi ku bhana kiá bhu maku o mbonge iê. Josuué anga u sunununa ditoma dia kuata bhu lukuaku, u di lungisa mu mbonge.

Josuué 8:3

Kala kiki, Josuué anga u balumuka, ni makuenze a ita oso, mu kubanda ku Hai, Josuué angʼu tungula-bhu makuinhi atatu a hulukaji ia mala, indànda ioso, u a sulula mu usuku.