Makatukilu 17:6 - O Mikanda Ikola

⁶ Eme-ze ngi ku tuamenena kuenhoko, nga kèmana bhu ditadi bhu Holebe; eie-phe ua kà beta ditadi, mua kà fuafua menha, phala o mundu uoso a nue. Mozé anga u ki bhanga ku mesu a adiakimi a Izalaiele.

Makatukilu 17:6 ပူးပေါင်းရင်းမြစ်များ

Nehemiia 9:15

Anga mu nzala iâ u a bhana kúdia mbolo ia diulu, o mu dinhota diâ u a katuila menha a fuáfua mu ditadi; Eie anga u a tangela kuila a bokone kiá mu tambula o ixi i nga lekela o lukuaku ni kuloka ngixi ngʼa bhana-iu muene.

Jisálamu 105:41

Ua jikula mu ndanji, hé mu fuáfua o menha; mu jihonga jakukuta anga mu kunguluka jingiji.

Jisálamu 114:8

Ua tenene kuila, o ndanji i kituka dijiia, o ditadi diakolo di di bhanga otho ia ngiji.

Jisálamu 46:4

Sai-ku ngiji o milombo iê i tekela o mbanza ia Nzambi; kididi kiangene kia mabhata ma Sukè-ku.

Jisálamu 74:15

Eie ua jikula otho phala mu fuafue menha ma di bhange ngiji; eie ue ua kukutisa jihonga nuka mua kambele menha.

Jisálamu 78:18

Nzambi a mu lokalala mu mixima iâ, a bhinga kúdia kua jivondadi ja ene.

Jisálamu 78:20

Iala-ze! ndanji ua i bulu, hé mu fuafua o menha, a kala muene mu kunguluka jingiji; o kuila u tena ue kubhana mbolo? O mundu uê na a sotela xitu?

Jisálamu 81:7

Ki ua dikola mu lamba, nga ku kudila; nga ku itaiela mu kididi kiòsueke mu tunda o inuminu ia jinzaji; nga ku lola o muẋima bhu menha ma Medibah. (Selah.)

Makatukilu 14:16

eie-phe, zenga o mbangala ié, u sununune o lukuaku lué ku thandu dia kalunga, u ka uanunune mu kaẋi o anʼa Izalaiele a bhite muene mu kaẋi ka kalunga, bhoxi dia kukuta.

Makatukilu 16:10

Anga ki bhita-phe kuila, kioso Alá kiala kuzuela ni kionge kioso kia anʼa Izalaiele, ene oso kiedi sui ku mbandu ia kikangalakata a mona kubenha kua Jihova kua monekena mu dituta.

Izaía 48:21

Ene ka tatele ni dinhota, kioso kia endesa mu kikangalakata, ua a tubhuilile menha mu ndanji. Kioso muene kia budile o ndanji, anga o menha a buabumuka, a mu tunda muenhomo.

Dialuilu 20:8

Katula mbangala, u bhongolole o kilômbo, ni eie ni phangʼié Alá, anga bhu mesu mâ, mu zuelela o ndangji o iene i bhane o menha mê; kienhiki mua-nda ku a katuila o menha mu ndanji, anga mua kà bhana kúnua ku kifuẋi ni ibhaku iâ.

Nzuá 4:10

Jezú anga u mu vutuila, uixi: Eie se uejidile o ujitu uene mù bhana Nzambi, o ua ku bhingi menha ue, se ua mu ijidile, eie ueji ku mu bhinga muène, nʼa ku bhane menha ma muenhu.

Nzuá 4:14

Maji uoso u nua o menha mu ngi mu bhana, nuka a kala dingi ni dinhota. Mukonda menha mu ngi mu bhana, ma-ndu biluka fixi moxi diê, i fuáfua menha ma kalelà-ku ndú ku muenhu ki uábhua.

I Kolindo 10:4

Ene oso a nuine kunua kuene kumoxi kua nzumbi. Kuma a nuine jinga ku ndanjiʼ oio ia nzumbi ia kexi mù kuenda na-iu. O ndanji-phe muene Kristu.

Matendelelu 1:2

Tunde bhu Holebe, mu njila ia kubhitila ku mulundu ua Seíle, katé bhu Kadexe-Baneia, bhuala kuinhi dia fundu ni imoxi.

Matendelelu 8:15

Kuma Muene ua mi endesa mu kikangalakata kiosuʼokio, kikangalakata kia dikota ki kuatesa uoma, kiezala jinhoka ja uama túbhia ku maju, ni jinvuanga, ixi ia kikaku, ia bhingi menha ka moneka, anga a ku katuila menha ku ndanji mu ditadi phala eie kúnua.

Dijingunuinu 22:17

Ni Nzumbi ni Dibhanga, edi: Izá! Uoso ue uívua imʼíii, ele: Izá! Uoso dinhota dia mu kuata, eze. Uoso uandala, a tambule o menha ma muenhu mu ngoho.