Makatukilu 17:4 - O Mikanda Ikola

⁴ Mozé anga u dikola kua Jihova, uixi: O mundu iú ngʼa a bhanga kiebhi? Kua a xala kia ngó ku ngi bûba ni matadi.

Makatukilu 17:4 ပူးပေါင်းရင်းမြစ်များ

Jisálamu 99:6

Jinganga jê sai, ni Mozé ni Alá, o jipolofeta ue sai, Samuuele: ela jinga a dikola kua Jihova, muene u a evua anga uitaia.

Makatukilu 14:15

Jihova anga u ambela Mozé, uixi: Uala ku ngi kolelaʼhi eme? Ambela anʼa Izalaiele ende ni kuenda;

Makatukilu 15:25

Muene anga u dikola kua Jihova; Jihova anga u mu idikiza muẋi, o kia u te mu menha, menha mê ala kiá a fema. Bhenhobho bhene bhua a bhela o jingonge ni kijila; anga bhenhobho u a lola hanji.

Dialuilu 11:11

Mozé anga u zuela kua Jihova, uixi: Mubhikʼé ua mu bhangela-hi kiki? Ihi kia ngi kambesa kusanga kiadi ku mesu mé, ki ua ngi tuika kimbamba kia kifuẋi kioso kiki ku thandu diami?

Dialuilu 14:10

Kilômbo kioso kia Izalaiele-phe amba, exi: A bubienu ni matadi. Kubenha kua Jihova anga ku dʼidikiza mu balaka ia kutakanena ku mesu a anʼa Izalaiele oso.

Dialuilu 16:19

O Kola anga kilômbo kioso u ki bhongoluela bhu muelu ua balaka ia kutakanena mu kuzoka-nâ; bhenhobho o kubenha kua Jihova anga ku tukulukila ku kilômbo kioso.

Nzuá 10:31

Jijudé bhenhobho anga a bonga matadi ma ku mu jibha na-u.

Nzuá 8:59

Ene a bonga matadi ma ku mu takula, maji Jezú-phe u di sueka, anga u tunda mu Tembulu.

Jipoxolo 14:19

Kueniuku-phe ue kueza Jijudé ji tunda ku Andiioka ni ku Ikônio. Anga a bhomba mundu, hé a bûba Phaulu ni matadi, a mu koka katé ku mukau, kuma a fika uafu.

Jipoxolo 7:50

Manhi lukuaku luami ki luene lua bhange o imbamba ioso iii?

I Samuuele 30:6

Davidi anga u tata kiavulu, kuma mundu a tele maka a ku mu bûba ni matadi, mukonda muẋima ua mundu uoso uala ni malamba, kala muthu uala mu kuxinganeka anʼê a mala ni a ahatu. Maji Davidi-phe u di kolesa muẋima mua Jihova Nzambi iê.