Makatukilu 17:14 - O Mikanda Ikola

¹⁴ Jihova anga u ambela Mozé, uixi: Kiki soneka-kiu, ki kale musêndu mu divulu, u ki jimbuile ue mu mátui ma Josuué; kuma Amaleke ngi mu jimisa o mbutu, bhoxi a diulu u bhua-bhu.

Makatukilu 17:14 ပူးပေါင်းရင်းမြစ်များ

II Samuuele 1:1

Anga ki bhita-phe kuila, kia bhiti o kúfua kua Saúlo, ni kia vutuka Davidi mu kujibha akua Amaleke ku ita, kuila ua bhange kiá izuua iiadi mu Zikilake;

II Samuuele 8:12

ni ku Sídia, ni ku Mouabhe, ni ku anʼa Amone, ni ku akua Fidíxia, ni ku Amaleke, kumoxi ni iii ia tambula madibhundila kua Hadadezele, monʼa Lehobo, sobha ia Zoba.

I Malunda 4:42

Muʼaxaxe kâ ene ue, ku ana a Ximinhá kukala hama jitanu ja mala, aia ku milundu ia Seíle; anga ambata Pelatiia, ni Nehadiia, ni Iefaia, ni Uziiele, o ana a Izi hé a ata ku pholo mu kukala jikabhitangu ja ku a tuamenena.

I Malunda 4:43

Oso a subhukile kua iá a bhulaka ku akua Amaleke ene a a buba ene oso muene, ia a tungu ene muenhomo katé mu kizuua kia lelu.

Ejidala 9:14

Tu tona dingi kulueza o ijila ié, hé tu kuata undandu ni ifuẋi a bhanga o isunji kala iii? Kiki-ze Ngana, ki ki ku bhekela njinda ia ku tu lungulukila, anga u tu buikisa katé ki ku subhuka dingi muthu mba uoso ngó u tena kubhulaka?

Jobe 18:17

Mu ngongo ki mua kà kala dingi u mu xinganeka, o mu jinzunga dijina diê-muène ki dia kà kala-mu.

Jobe 19:23

Tamanu kindala maka mami a ma soneka! Tamanu a ma xinda muene mu divulu!

Jisálamu 9:6

Jinguma jami ja buila, eie ua a katula kijingo; o jimbanza jâ eie ua ji sengulula, bhu ja kexile bhua di bhange jingundu, ni muthu u a xinganeka dingi ka moneka.

Makatukilu 12:14

Kizuua kienhiki ki mi kala kizuua kia di tungula, mu kiʼimununa jinga ni kizokola kia Jihova; ku miji ienu ioso katé ku hádia ni hádia, mu kuata jinga fesa iê, ki kale kijila kia mi bhana.

Makatukilu 13:9

Kia kà kala kidimbu ku lukuaku luenu, ni kijimbuete bhu dibhomo, phala ngonge ia Jihova i mi kale mu kanu; kuma Jihova ua mi katula ni lukuaku lua nguzu mu Ijitu.

Makatukilu 17:13

Josuué anga u buidisa Amaleke ni mundu uê ku mazu a xibhata.

Makatukilu 24:4

Mozé anga u soneka maka moso ma Jihova, anga u di meneka mu kimene, u tunga kalatódio mu betekete ia mulundu, u imika kuinhi dia philadi ni kiiadi, ua fikisa mu kuinhi dia muiji ni Kiiadi ia Izalaiele.

Makatukilu 32:33

Jihova anga u ambela Mozé, uixi: Uoso ua ngi te kituxi, muene ngi mu jimuna mu divulu diami.

Makatukilu 34:27

Nzambi anga uambela dingi Mozé, uixi: Maka oso iá, soneka-u. Mukonda, kala kia lombolola o maka enhá, nga te kikutu kiami ni eie ni Izalaiele.

Jisabhu 10:7

Delembalelu dia muthu uaiuka di kala dibesá, maji o majina a isuéia-phe a kà di bhanga kala kima kia bolo.

Jelemiia 30:2

Jihova, Nzambi ia Izalaiele, ua zuela kiki, uixi: Maka oso u ngene ku ku tangela, soneka-u mu divulu.

Jelemiia 36:2

Katula dilanda dia divulu nda u soneke muenhomo o maka oso u ngène ku ku zuelela, a tokala Izalaiele, ni a Juda, ni a jixi joso tunde mu kizuua ki nga kuzuelela eie, tundé mu izuua ia Joziia ndú mu lelu.

Dialuilu 24:20

Anga u tala kua Amaleke, u kuata kifika kiê, uixi: Amaleke ua kexile ku pholo, ku ifuẋi ioso; maji o ku dizubhilu kua kàia-phe, u buika.

Dialuilu 33:2

Mozé anga u soneka ididi iâ ia kukatuka ni ia kutula, kala kia mu tumu Jihova; iene-phe iii, kioso kiende jinjila jâ.

Matendelelu 31:9

Mozé anga usoneka kitumu kiki, u ki bhana ku jinganga, anʼa Levi, oso akexe kunhata o álaka ia kikutu kia Jihova, ni ku adiakimi oso a Izalaiele.

Josuué 4:7

Kienhókio mua kà a tangela, muixi: Mukonda menha a Njolodá a batukile bhu pholo ia álaka ia kikutu kia Jihova; kioso ki ia zaukile Njolodá, menha a Njolodá a batukile ku thala iê; matadi enhá-phe a kala dixinganeku di nangenena dia anʼa Izalaiele.

I Samuuele 15:18

Jihova-phe iú ua ku tumu njila iii, uixi: Ndeie, ua kà buikise akua ituxi ió abhukumuka akua Amaleke, ua kà lua-nâ katé a buila ene oso muene.

I Samuuele 30:1

Anga ki bhita kuila, kia zubha-phe Davidi ni makuenze-mê kubhiẋila ku Zikilake, mu kizuua kia katatu, a sanga akua Amaleke a vubuka mʼoxi ioso ia sulu, ni sanzala ia Zikilake a i beta; a i oha mu túbhia,

I Samuuele 30:17

Davidi anga ua beta tunde mu mixinda ia maku katé mu ngoloxi ia kizuua kiamukuá; ki bhuala diiala ua tundu-bhu, kikale ngó hâma jiuana ja minzangala a mondala jikamelu, ene ngó a lenge.