Makatukilu 17:13 - O Mikanda Ikola

¹³ Josuué anga u buidisa Amaleke ni mundu uê ku mazu a xibhata.

Makatukilu 17:13 ပူးပေါင်းရင်းမြစ်များ

Makatukilu 17:12

Mozé-phe maku a mu suku; anga a katula ditadi, a mu tela-diu bhu kididi, muene hé u xikama-ku; ni Alá-phe ni Hule a mu fikidila maku, iú ku mbandu imoxi, iú ku mbandu ia mukuá; makuʼê anga a kolokota ni ku a leka katé kia tula o dikumbi.

Makatukilu 17:14

Jihova anga u ambela Mozé, uixi: Kiki soneka-kiu, ki kale musêndu mu divulu, u ki jimbuile ue mu mátui ma Josuué; kuma Amaleke ngi mu jimisa o mbutu, bhoxi a diulu u bhua-bhu.

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.

Josuué 10:28

Mu kizuua kienhókio Josuué u tolola Makeda, oso ala-mu u a bhitisa ku mazu a xibhata; sobha ua mu jimisa mbutu, ni muene ni mienhu ioso iakexi-mu; ka xisa-mu kama ka subhuka; o sobha ia Makeda ua mu bhange kala kia bhangele sobha ia Jedikó.

Josuué 10:32

Jihova anga u bhakula Lakiji bhu lukuaku lua Izalaiele, ki kúkia iú bhu maku, anga, u mu bhitisa kiá ku mazu a mukuale ni muene ni athu oso a kexi-mu; kioso kia bhange mu Libina kiene ue kia mu bhange.

Josuué 10:37

Hebolone a mu kuata, ia a mu bhitisa ku mazu a xibhata, ni sobha muene ni ji sanzala je mu jimbandu, ni athu oso a kexi-mu; ka xisa-mu muthu ni muenhu, ua a bhitisa ku xibhata kala mu Engolone; u a jikinisa muene, ni diembu ni mienhu ioso ia kexi-mu.

Josuué 10:42

Jisobha josuʼojo Josuué ua ji kuatela-bhu kiá muene ni jixi jâ, mu kithangana kimoxi, mbata Jihova Nzambi ia Izalaiele muene ua kexi kuluila Izalaiele o ita.

Josuué 11:12

Josuué anga u tambula o jisanzala josuʼiji ni jisobha jâ, u a bhitisa ku mazu a xibhata, katé kia a jikinisa muene, kala kia tumine Mozé, selevende ia Jihova.

Josuué 8:26

Kuma Josuué hanji kia sunununa lukuaku lua kuata ditoma, nguê ku lu sunga katé kia buidisa akua Hai ene oso.