Makatukilu 17:11 - O Mikanda Ikola

¹¹ Anga kiia ni kubhita kuila, kioso Mozé kia leka o lukuaku, Izalaiele ala kota ku nguzu; o kia lu tulula o Amaleke muene u kala kota.

Makatukilu 17:11 ပူးပေါင်းရင်းမြစ်များ

Jisálamu 44:6

Uta uami ua mufula ki uene u ngi dielela, o xibhata iami ki iene i ngi bhana o muenhu.

Jisálamu 56:9

Kioso eme ki ngi di kola kokué, jinguma jami kiene ki ji vutuka ku dima; mukonda nga kʼijiia kiambote, kuma eie Nzambi uala ku mbandu iami.

Makatukilu 17:10

Josuué anga u bhanga kala kia mu tumu Mozé, u lua ni Amaleke; ni Mozé-phe ni Alá, ni Hule, anga a banda bhu thala ia kalundu.

Makatukilu 17:12

Mozé-phe maku a mu suku; anga a katula ditadi, a mu tela-diu bhu kididi, muene hé u xikama-ku; ni Alá-phe ni Hule a mu fikidila maku, iú ku mbandu imoxi, iú ku mbandu ia mukuá; makuʼê anga a kolokota ni ku a leka katé kia tula o dikumbi.

Luka 18:1

Jezú anga ua tela kifika phala ku a longa kuma a tokala kusamba jinga, sé kubhuila;

I Timote 2:8

Uila kiki, nga mesena kuila athu oso a di bhakula kua Ngana Nzambi, a sambe jinge ku ididi ioso, o mu kusamba a tena kuleka o maku mazele sè kizembu sè jimvunda.

Tiiaku 5:16

Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.

Josuué 8:26

Kuma Josuué hanji kia sunununa lukuaku lua kuata ditoma, nguê ku lu sunga katé kia buidisa akua Hai ene oso.