Makatukilu 16:8 - O Mikanda Ikola

⁸ Mozé anga u kumbulula dingi, uixi: Mu ki mona, Jihova kianda ku mi bhana kúdia xitu mu ngoloxi, ki kukia anga mu dia mbolo katé muekuta; mukonda Jihova ua mʼivu o kuzuela kuenu, ku mua mu longolola na-ku muene. Mbata etu, etu akua-hi? Ki etu mua tu longolola, kuma mua longolola Jihova.

Makatukilu 16:8 ပူးပေါင်းရင်းမြစ်များ

Makatukilu 16:12

Ngʼevu o kulongolola kua anʼa Izalaiele; a ambele-phe, kuila: Lelu mu ngoloxi iii, kumbi ki di koloka, mu dia xitu, o ki kúkia mu dia mbolo, mu ikuta; phala enu mu kʼijiie kuma eme Jihova, Nzambi ienu.

Makatukilu 16:9

Mozé anga u ambela Alá, uixi: Ambela kionge kioso kia anʼa Izalaiele, a zukame bhu pholo ia Jihova; mukonda ua mʼivu o kulongolola kuenu.

Makatukilu 17:2

Bhenhobho o povo anga a di kuata ni Mozé, exi: Tu bhane menha, phala tu nue. Mozé anga u a ambela, uixi: Mua di kuatela-hi ni eme? Phala-hi mu bhumina Jihova?

Izaía 32:6

Mbata o seletete uzuela useletete uoso, o muẋima ue u bhanga ima ia kubhuma, ndunge iê o kubhanga mangonha, katé ni Jihova u mu tanga ibhengèle, ukakula mukua-nzala, o mukua-dinhota u mu kambesa o menha.

Izaía 37:29

Mukonda-phe dia njinda i ua ngi kuatela eme, mukonda ue o izala ié ia ngi bhixila ku mátui, tala-phe, nga-nda ku ku ta nzolo mu mazulu, anga ngi ku ta o freio iami mu kanu, hé ngi ku vutukisa mu njila mu uejiia.

Dialuilu 11:18

Kifuẋi-phe a ambele: Di bônzienu phala o kizuua kia mungu, mua-nda kúdia xitu; kuma mua didila mu mátui ma Jihova, muixi: Nanhi u tu bhana xitu ia kúdia? Muixi: Inda mu Ijitu tua bhandulukile; Jihova-phe ua-nda ku mi bhana xitu, i mu dia.

Dialuilu 14:27

Mbambe bhebhi bhu nga kà suka ni kuxididikila kilômbo kiki kiaiibha, a kuata ku ngi longolola? Ngevu kulongolola kua anʼa Izalaiele, kioso kiala ku ngi longolola eme.

Dialuilu 21:7

Kifuẋi anga eza kua Mozé, exi: Tua te kituxi, mukonda tua longolola Jihova ni eie; tu sambele kua Jihova, a tu katule jinhoka ja túbhia. Mozé anga u sambela o kifuẋi.

Matesu 10:40

Uoso u mi tambululʼ enu, ua ngi tambulula eme; uoso-phe u ngi tambululʼ eme, ua tambulula ió ua ngi tumu.

Matesu 9:4

Jezú kuma uejiia mabanzelu mâ, uixi: Phala-hi muala mu xinganeka kiaiibha mu miẋima ienu?

Luka 10:16

Bhenhobho Jezú anga u ambela o maxibuluʼê, uixi: Uoso u mʼívua enu, eme a ngʼivu; uoso u mi tènda, eme a ngi tènde; o uoso-phe u ngi tènda eme, ua tènda ió uoso ua ngi tumu.

Nzuá 13:20

Mukonda ni kidi kiene, ngi mi ambela: Uoso u tambulula muthu nga mu tumu, eme-muène a ngi tambulula; o uoso ua ngi tambulula eme, ua tambulula ue uoso ua ngi tumu.

Loma 13:2

Mu kieniiki, uoso u ẋinukina o ungana, ua ẋinukina kima kia tumu Nzambi. Oso-phe a ximika kiki, andu di bhekela kaxtiku ku thandu diâ.

I Kolindo 10:10

Kana ue kulongolola, kala kia longoluele ene amoxi-mu, anga a a jima mbutu kuala o Anju ia Mubuikixi.

I Tesalonika 4:8

Uila kiki, uoso ua ditunu o ulongelu iú, ki muthu a mu ditunu, maji ua ditunu Nzambi mukua ku mi tumikisa o Nzumbi iê Ikôla.

I Samuuele 8:7

Jihova anga u ambela Samuuele, uixi: A evue; dízui dia mundu ku di tènde, mu ioso ia ku ambela; kuma ki eie a ku ditunu, a ngi ditunu Eme, mbé ki ngi kale dingi ngi sobha iâ.