Makatukilu 16:4 - O Mikanda Ikola

⁴ Jihova bhenhobho anga u ambela Mozé, uixi: Talesa-ze, ngi mi nokesa mbolo i tunda mu diulu; mundu a kale mu tunda izuua ioso mu i nona bhoxi, a fikise ioso ia soko ku i dia kizuua kimoxi, ngʼa lole mba a ẋikina kuendela mu ngonge iami, mba kana.

Makatukilu 16:4 ပူးပေါင်းရင်းမြစ်များ

Nehemiia 11:23

Mukonda dia ene, sobha ua bhele mutendelu ua kuila, jingimba a a bhana kúdia kuâ, kizuua ni kizuua,

Nehemiia 9:15

Anga mu nzala iâ u a bhana kúdia mbolo ia diulu, o mu dinhota diâ u a katuila menha a fuáfua mu ditadi; Eie anga u a tangela kuila a bokone kiá mu tambula o ixi i nga lekela o lukuaku ni kuloka ngixi ngʼa bhana-iu muene.

Nehemiia 9:20

Anga u a bhana o Nzumbi ié iambote, mbé i a longe; o maná ié, ku a katula-iu mu kanu diâ; anga u a bhana menha mu dinhota diâ.

Jisálamu 105:40

Ene kia mu bhingi, u a bhekela tungumbe; u a ekutisa ni mbolo ia diulu.

Jisálamu 78:23

Maji-phe ua tumu o matuta ku thandu, u jikula o mielu ia diulu;

Makatukilu 15:25

Muene anga u dikola kua Jihova; Jihova anga u mu idikiza muẋi, o kia u te mu menha, menha mê ala kiá a fema. Bhenhobho bhene bhua a bhela o jingonge ni kijila; anga bhenhobho u a lola hanji.

Makatukilu 16:15

Anʼa Izalaiele kia zubha ku ki mona, a dibhula mudiâ exi: O kiki kima kia-hi? kuma ka kʼijiia, kiluua a ki mona. Mozé anga u a ambela, uixi: O iii iene o mbolo, ia mi bhana Jihova phala ku i dia.

Jisabhu 30:8

ngixi o ukumbu ngi sandule-u, ni kuzuela kua kutanga makutu; kana ku ngi bhana uadiama, kana ue ku ngi bhana umvama; inda ngi bhane ngó o kúdia kuoso kua tokala ku ngi soka.

Matesu 6:11

Kúdia kuetu kua nzala ia kizuua ni kizuua, tu bhane-ku lelu.

Luka 11:3

Tu bhane o kúdia kuetu kua kizuua ni kizuua ku tua bhindamena.

I Kolindo 10:3

Ene oso a dile kudia kuene kumoxi kua Nzambi.

Matendelelu 8:16

Muene ua ku dikila ni maná mu kikangalakata, maná ia kambele adiʼenu ku iʼjiia, phala ku mi tululula ni ku mi lola ni jingongo ja vulu mbé ku dizubhilu a mi bhange o mbote.

Matendelelu 8:2

Xinganeka phala u kale mu lembalala njila ioso ia mi bhitisa Jihova Nzambi ienu, mu makuinhi auana a mivu osoʼâ mu kikangalakata, phala a mi bateke, nda a mi lole, mbé o kuijiia kioso kia mi kala ku miẋima moxi, mba mu xikina kutumaka ijiia iê, mba kana.

Josuué 24:15

Maji-phe, se kia mi ibhila ku mesu menu o kubhikila Jihova, leluʼidi-phe Solenu kiá uoso mua fuama o ku mu bhikila: se muedi mu xingidisa o mahamba a xingidisa jinga o jitata jenu kia kexi mu sámbua dia ngiji ia Ufalate, mba-phe mu xingidisa o mahamba ma akua Mamodi avu o ixi iii mu mua tungʼumu, enu kiá! Maji eme-phe ni dibhata diami, tu bhikila Jihova.