Makatukilu 16:35 - O Mikanda Ikola

³⁵ Anʼa Izalaiele anga a dia maná mu makuinhi auana a muvu, katé kia bhiẋila ku ixi ia tungu athu; iá a dia jinga o maná katé kieza mu jimbámbe ja ixi ia Kanana.

Makatukilu 16:35 ပူးပေါင်းရင်းမြစ်များ

Nehemiia 9:15

Anga mu nzala iâ u a bhana kúdia mbolo ia diulu, o mu dinhota diâ u a katuila menha a fuáfua mu ditadi; Eie anga u a tangela kuila a bokone kiá mu tambula o ixi i nga lekela o lukuaku ni kuloka ngixi ngʼa bhana-iu muene.

Dialuilu 32:13

Njinda ia Jihova anga i uama kua Izalaiele, anga u a nhungisa mu kikangalakata mu makuinhi auana a muvu, katé muiji uosuʼô ua bhangele kiaiibha ku mesu a Jihova, ua jila.

Dialuilu 33:38

Nganga Alá anga u banda mu mulundu ua Hole, kala kia mu tumu Jihova, anga u fuila momo, makuinhi auana a muvu a tena tundé kia tunda anʼa Izalaiele mu Ijitu, bhu mbeji ia katanu, kizuua kiê kia kamoxi.

Jipoxolo 7:36

Muene muthu ua katula anʼ a Izalaiele mu Ijitu, iú ua endesa jinjila, kia zubha kubhanga madiuanu ni isuma mu Ijitu, ni mu Kalunga Kakusuka, ni mu kikangalakata, mu makuinhi a uana a muvu.

I Kolindo 10:3

Ene oso a dile kudia kuene kumoxi kua Nzambi.

Matendelelu 1:8

Talesenu, oxi ioso iii nga mi bhana-iu enu; bokonenu muʼvue oxi ia lokela Jihova ku jitata jenu, Mbalahamu ni Izake ni Jakobo, ku a bhana-iu ene ni mbutu iâ kuema diâ.

Matendelelu 2:7

Kuma Jihova Nzambi ié ikalakalu ioso ia maku mé ua i zediuisa muene; muene ua kʼijiia kiambote kuila eie u ngenjiʼa-thumba uala kuenda mu kikangalakata kia dikotʼiki; o mu makuinhi auana a mivu oso iá, Jihova Nzambi ié ua ku bande muene, ki kuala kima kia ku kambe.

Matendelelu 29:4

maji-phe Jihova ka mi bhana o muxima ua kutetuluka, ni mesu phala kumona, ni mátui phala kuívua katé mu kizuua kia lelu.

Matendelelu 8:4

Izuatu ienu ki ia kuka ku mukutu, inama ienu ki ia jimbi ni kuenda, mu makuinhi auana a mivu osoʼá.

Josuué 5:12

O kia zubha kúdia ku idima ia mavu a Kanana, kimene kiê ni maná ia batuka; tunde kienhókio anʼa Izalaiele ka kala dingi ni maná ia kúdia; muvu uosʼó-phe a di kiá ku idima ia ixi ia Kanana.