Makatukilu 16:32 - O Mikanda Ikola

³² Mozé anga u amba, uixi: Kiene kia tumu Jihova ʼiki: Mu kuata nganza imoxi ia maná, mu i bhake katé ku miji ni miji, phala a mone kúdia ku nga mi dikila na-ku mu kikangalakatʼumu, kioso ki nga mi katula mʼoxi ia Ijitu.

Makatukilu 16:32 ပူးပေါင်းရင်းမြစ်များ

Jisálamu 105:5

Xinganekenu o madiuanu mê ma bhanga jinga; ni isuma iê, ni kuzuela kuê mu batula o milonga,

Makatukilu 16:16

Jihova ua mi tumu kiki: Nonenu-ku, kala muthu kioso kia mu soko mu kudia kuê; kifua kala muthu nganza, kala kia soko athu uala-nâ mʼonzo; muthu ni muthu nganza, oso kiá a mu kala mu balaka iê.

Makatukilu 16:31

Dibhata dia Izalaiele-phe anga exana kudiʼuku, exi, Maná; i di fuangana ku jimbutu ja jikuendulu, izela; o mu kanu u ívua ila kala jimbolo ja uiki.

Makatukilu 16:33

Mozé anga u ambela Alá, uixi: Kuata ímbia ia mavu, u te-mu nganza imoxi ia maná, u i bhake bhu pholo ia Jihova, ia kulunda ku miji ioso katé ku hádia ni hádia.

Jelemiia 7:23

Maji eme nga a tendelele kiki, ngixi: Bhanenu mátui ku dízui diami, eme ngi kale ngi Nzambi ienu, enu mu kale mu mundu uami; endenu ni kuendela mu njila ioso i ngi mi tuma eme, nda mu bhanduluke.

Hozeia 11:4

Mu ku a kuata, nga a kuata jinga ni uthu, nga a tekula ni henda, mu ku a babata nga di bhange kala kifulu ki tula ni kulembakata, mu pholo iâ; nga a disa jinga.

Luka 22:19

Anga u katula o mbolo, u sakidila Nzambi, anga u i uana, u i bhana o maxibulu, uixi: Iú uene o mukutu uami, [uòbhane mukonda dienu. Bhangenu jinga kienhiki mu ku ngi banza eme.

Jihebeleu 2:1

Uila kiki, tua fuama tu kuata dingi muanu ua ima ioso ia kidi i tuevu, sumba se tu di ehelela, tu kunguluka.

Jihebeleu 9:4

Muene mua kexi o kalatodio ka ulu, ka fumasa ia dizumba, ni álaka ia kikutu, iene ioso iofolale ulu, o moxi dia álaka mua kexile ni imbia mua bhake o maná, ni mbangala ia Alá ia buingitile mafe, ni matadi ma iadi ma basakasa, kuosoneke o ijila.