Makatukilu 16:3 - O Mikanda Ikola

³ Anʼa Izalaiele anga a zuela kua ene, exi: Tamano tua fuile ku lukuaku lua Jihova, mʼoxi ia Ijitu, kioso ki tua kexile mu xikama bhu mbanduʼa jímbia ja xitu, anga tu dia o mbolo, hé tu i lémbua; enu-phe mua tu katula, enu mua tu bheka mu kikangalakatʼumu, phala kujibha o mundu uosʼú ni nzala.

Makatukilu 16:3 ပူးပေါင်းရင်းမြစ်များ

II Samuuele 18:33

Muenexi anga u kala ni lamba diavulu, u banda mu sabhalalu ku thandu dia muelu, u dila; o kiala mu banda u kala mu kuila kiki: Aiué monʼami Abisalone, monʼami tata, monʼami Abisalone! Tamanu nga ku fuidile bhu kididi Abisalone, tata! Aiué monʼamiʼé monʼamiʼé!

Jobe 3:1

Ki kia bhiti kienhiki, Jobe u kuata kuzuela hé u naka (u ta mázui) kizuua kiê kia mu vuala.

Jobe 3:10

Mbata mabhitu ma divumu dia ngʼimitine ua kambe ku ma jika; mba kubhagesa kuila mesuʼami ka mone ki kala o hadi ni ngongo!

Jobe 3:20

Mbata phalaʼhi ngoho o mukua hadi a mu bhana mukengeji uê, o oso a bhondalala mixima a tambula muenhu,

Jisálamu 107:5

Nzala ia a te, o dinhota dia a kuata, o muenhu uâ moxi ua-lu sota kubhua-mu.

Jisálamu 78:19

A nongena muene Nzambi, exi: Kífua Nzambi u tena ku tu tela meza, mu kikangalakata mu tualʼumu?

Jisálamu 78:25

Athu mu ngongo hé a dia o mbolo ia ji-anjo; u a bhana kúdia katé kiekuta.

Makatukilu 14:11

Anga ambela Mozé, exi; Kifua mu Ijitu mua kambele jimbila, eiʼeie ua tu katula-mu phala ku tu jibhila kunu mu kikangalakata? Ua tu bhangela-hi kiki, ua tu katula ngó mu Ijitu?

Makatukilu 17:3

O mundu-phe bhenhobho dinhota dia a kuata; mundu anga a longolola Mozé, exi: Phala-hi ua tu katula mu Ijitu; phala ku tu jibha ni dinhota, etu ni anʼetu ni ibaku ietu?

Makatukilu 2:23

Mu kubhanga-phe izuua iavulu, muenexiʼa Ijitu u fua; anʼa Izalaiele anga a kema mukonda dia ubhika uavulu, a dikola, o kudikola kuâ anga ku banda kua Nzambi, mukonda dia ubhika uavulu.

Makatukilu 5:21

anga a ambela, exi: Jihova a ki suue, a mi bhange kioso kia tokala; mukonda mua tu nuhisa dizumba diaiibha kua Falaó, ni akua mbèle ku mbanza, kífua mua a bhana xibhata bhu maku, ia ku tu jibha etu.

Jelemiia 2:6

Alembua kuila: Jihova uala kuebhi, ua tu tundisa kʼoxi ia Ijitu? Iú ua tuʼendesa mu ixi ia kisekele, ixi ia manhana ni makungu, mu ixi ia kukuta ia kitombe kia kalunga, oxi kana muthu ua kexi kubhita-mu, mua bhingi monʼa muthu ka tena kutunga-mu?

Jelemiia 42:14

muexi: Kana, kota o kuietu ku ixi ia Ijitu, koko ki tua-nda kumona-ku dingi ita, mba tuà kʼevua mbimbi ia koloneta, mba tua kà kala ni nzala ia kudia inda tua kà kala kuneʼoko.

Jelemiia 44:17

Kota-kota tua-nda kutumaka kizuelu kia tundu mu kanu dietuʼetuene, tuenda ni kuoha jinga o uasu ua dizumba kua sobha ia diulu ia muhatu, ni ku mu bhakuila makúnua, kala ki tuene mu kubhanga kiá etu, ni jitata jetu, ni jisobha jetu, ni ilamba ietu, mu jimbonge ja Juda ni mu jinzunga ja Jeluzaleme; etu tuene mu kala ni kúdia kua di xala ni kusanguluka, kana-ku ue kuiibha kuoso-kuoso ku tua mono.

Kuditenda 4:9

Afu ku xibhata a beta ujitu, dikue ió afu ku nzala, tata! Mbata iá a fu ku nzala, a tuama o kuhoha ni ku di xibha kala a a kubula, mukonda dia kukamba o ima ia kúdia i tunda ku mábhia.

Dialuilu 11:15

Hé kiene ki u ngi bhanga, ngi jibhe kiá, nga ku diondo, se nga sange kiadi ku mesu mé; ki ngi kale ngó ni ku ngi tatesa kiki!

Dialuilu 11:20

mu i dia mu mbeji ia muvimba katé xitu i mi tundila mu mazulu, i mi bhekela fôkoso; mukonda Jihova mua mu tènde uala muʼaxaxi kenu, mua mu didila, muixi: Phalahi ua tu katula mu Ijitu?

Dialuilu 14:2

Anʼa Izalaiele oso anga a longolola Mozé ni Alá: Kilômbo kioso anga a ambela, exi: Tamanu tua fuidile mʼoxi ia Ijitu! Mba tu fuila ngó mu kikangalakatʼumu!

Dialuilu 14:3

Jihova ua tu bhekela-hi kʼoxi kunu, phala ni tu fuile ngó ku xibhata? Ni ahatuʼetu ni anʼetu nʼa di bhange mbole; manhi ki kota tu vutukila mu Ijitu?

Dialuilu 16:13

Manhi kia ku tolela, ki ua tu bhangesa o kutunda mu ixi izunzumuka lete ni uemba, phala ni u tu jibhile mu kikangalakata mumu, anga u mesena u di bhanga dingi u ngana ietu?

Dialuilu 16:41

Maji mu kizuua kia kaiadi, o kilômbo kioso kia anʼa Izalaiele a kuata o kulongolola Mozé ni Alá, exi: Enu mua jibha o mundu ua ngene ua Jihova.

Dialuilu 21:5

Kifuẋi anga a longolola Nzambi ni Mozé, exi: Mukonda diahi ua tu katula mu Ijitu, ni tu fuile ngó mu kikangalakatʼumu? Ki mu moneka mbolo, ki mu moneka menha; ima ia maná iii ia tu kumu!

Jipoxolo 26:29

Kuala Phaulu: Nginda muene ki ku bhite, né mu kindala, né ku hádia, kuma kiene ki nga mu bhinga kua Nzambi, kuila ni eie kiá, ni ene oso a ngʼivu lelu, mu kale muene kala ki ngalʼ eme,—maji mu kamba ngoho o malubhambu iá.

I Kolindo 4:8

Enu ioso i mua bhindamena, muala na-iu kiá! Muala kiá mu jimvuama! Mua tambula kiá ungana, etu-phe kana! Tamanu mua kexile mu jisobha mu kidi kiene, mbé etu uetu ni tu kale ku ungana mu kutumina kumoxi ni enu.

II Kolindo 11:1

Tamanu mu ngi lendukila mu maka iá edi kala a uoua. Nga mi diondo ngi lendukidienu muene!

Matendelelu 28:67

Kuma ki kúkia, uixi: Uá! kumbi difuê luua; tamanu ngi bhiẋila ku ngoloxi, amoxi usuku kimuua! O kʼiza ngoloxi, uixi: Kúkie, tata! Kuma, sembele muanha! mukonda-phe dia uoma, muxima uenda ni kuilʼê ngó kenené ni kimbuua kia uoma, kingumba o isunji i ua kʼènda ni kudiuana ni mesu mé.

Matendelelu 8:3

Muene ua mi bateka, ua mi ehela kukala ni nzala, iu ua mi disa ni maná, enu nuka mua ijidile, né jitata jenu ue ka ijidile; phala ku mʼijidisa kuila muthu ka laiela ngó ku mbolo, maji ku ima ioso i tunda ku dikanu dia Jihova kuene kulaiela o muthu.

Josuué 7:7

Josuué anga u samba, uixi: Aiué! Ngana Jihova, tata! Kia bhiti kiebhi, kifuẋi kiki ua ki zaúkisa Njolodá, mbé ku tu bhakula bhu makuʼa Mamodi, nʼa tu buikise? Tamanu se tua kexidietu kiá ku sámbua koko dia Njolodá!