Makatukilu 16:28 - O Mikanda Ikola

²⁸ Jihova anga u ambela Mozé, uixi: Katé bhebhi bhu mu suka ni kuxibhaka o itumu iami ni ijiia?

Makatukilu 16:28 ပူးပေါင်းရင်းမြစ်များ

II Jisobha 17:14

Maji ene-phe nguaʼiê kubhana mátui; inda a ngangamanesa o jixingu jâ kala kia ngangamana jinga o jixingu ja jitata jâ, a kambele o kuxikana kua Jihova, Nzambi iâ.

II Jisobha 17:15

Iá a tènde o jingonge ni kikutu kia Jihova, kia tele ni jitata jâ, kiene ue kimoxi ni maumbangi mê ma a bazela jinga na-u kuala Muene; iá a kaiela ngó ukumbu, a kituka kingoho; a kaiela ue miji ia matumbu ia kexile mu jimbandu jâ, ioio ia ambelele Jihova, kuila: Kana ku a fikisa ni kubhanga ima kala ene.

Jisálamu 106:13

Kindala-phe o ikalakalu iê ia a jimbiʼê kiá; nguauâ dingi kubhinga o kaiula kê.

Jisálamu 78:10

Kukuata o kikutu kia Nzambi, a ki lémbua, a di tunu kuenda mu ngonge iê.

Jisálamu 78:22

Mukonda nguauâ kuxikana Nzambi, nguâ kudielela mu kubhanduluka kuê.

Makatukilu 10:3

Mozé ni Alá anga aia a bokona kua Falaó, a mu ambela, exi: O Jihova, Nzambi ia Jihebeleu uambe kiki: Eie u dituna katé bhebhi kutoloka bhu pholo iami? Eha o mundu uami, phala aie a ngi bhikile.

Makatukilu 16:27

Kutula-phe kizuua kia kasambuadi bhu kala athu amoxi-mu a tunda mu kunona, maji a lémbua; ka i sange-ku.

Makatukilu 16:29

Talenu kuma Jihova ua mi bhana o sabhalu, kiene kia mi bhela kizuua kia kasamanu kúdia kua izuua iiadi; Xalenu kala muthu bhu kididi kiê, kana muthu utunda bhu kididi kiê kizuua kia kasambuadi.

Izaía 7:13

Muene-phe, uixi: Kindala ivuenu, enu mu dibhata dia Davidi: O ki mua mu tatesa athu ki kia mi soko, hanji mu tatesa dingi Nzambi iami?

Izaía 7:9

Hé kima, o Dikota mu Ifalaími ua ká kala Samádia, o muadiakimi mu Samádia o monʼa Lemadiia; O kienhiki, se mu kamba ku ki xikana, ki mu tena dingi kunangenena.

Jelemiia 4:14

Sukula o muẋima ué ku usuéia, eie u Jeluzaleme, nda u tene kubhuluka; katé bhebhi u jijila momʼué o ixinganeku ié ia ibha?

Jelemiia 9:6

Eie-phe ua tungu muʼaxaxi ka mangonha; o mu mangonha mâ a di tunuʼâ muene ku ngʼijiia, Jihova ua ki tange.

Izekiiele 20:13

Maji-phe o dibhata dia Izalaiele a ngi ẋinukina mu kikangalakata, hé a di tuna o kuenda mu jingonge jami, o mabatuilu mami a ma tènde, a bhingi se o muthu u aiuka, muene mua muena o muenhu; o jisabhalu jami a ji sebulula kinéne; anga ngiia ngixi: nga-nda ku lundulula o njinda iami ku thandu diâ mu kikangalakatʼumu, phala ku a jikinisa.

Izekiiele 20:16

kuma o mabatuiluʼami a a tènde, ia a fulu kuenda mu jingonge jami, o jisabhalu jami a ji sebulula; mukonda o muẋima uâ ua kexile mu kaiela o iteka iâ.

Izekiiele 5:6

Maji muene-phe o mabatuilu mami ua ma lungulula mu ufusa, miji ioso ndenge, ni jingonge jami ue ua beta ku ji lungulula o jixi ja mu kala mu jimbandu ndenge; mukonda a tènde mabatuilu mami, nguâ kuenda mu ijila iami.

Dialuilu 14:11

Jihova anga u ambela Mozé, uixi: Mbambe bhebhi bhu suka kifuẋi kiki, ni ku ngi tènda? Katé bhebhi ni kukamba ku ngi xikana, ku thandu dia isuma ioso i nga kalakala muʼaxaxi kâ?

Dialuilu 20:12

Maji o Jihova uambela Mozé ni Alá, uixi; Tala, mukonda mua kambe ku ngi xikana eme, phala ku ngi kôlesa bhu mesu ma anʼa Izalaiele, mukonda dia kienhiki ki mua-nda kubokuesa dingi o kilombo kiki mu ixi i nga a bhana.

Marku 9:19

Muene u a kumbulula, uixi: Enu tata! Muiji ua kambe o kuxikana, tu kalaʼdi kate bhebhi? Kate bhebhi, ki ngi mi lendukila? Ngi bhekele-nê kunu.