Makatukilu 16:23 - O Mikanda Ikola

²³ Muene anga u a ambela, uixi: Kiene muene kia zuela Jihova; uixi: Mungu kizuua kiangene kia kunhoha, sabhalu ikola ia Jihova; kangenu ioso i mua mesena kukanga, lambenu ue ioso i mua mesena kulamba; o futa ioso i mu xia-ku, bhakenu-iu, phala enu mungu ki kúkia.

Makatukilu 16:23 ပူးပေါင်းရင်းမြစ်များ

Nehemiia 9:13

Anga u tuluka ku mulundu ua Sinai, hé u a zuelesa tunde ku diulu; anga u a bhana mabatuilu ma iuku, ni itumu ia kidi, ni matendelelu ni ijila iambote.

Nehemiia 9:14

Anga u a ejidisa o sabhalu ié ikôla; hé u a tumikisa o matendelelu, ni jingonge, ni ijila, ni kitumu mu ukunji ua mubhikʼé Mozé.

Makatukilu 16:19

Mozé anga u a ambela, uixi: Ibhue lelu ni ku i dia, kana muthu u zekesa-ku phala mungu.

Makatukilu 23:12

Izuua isamanu i u kalakala o thonga ié ioso, kia kasambuadi-phe u ki nhoha; phala ni ngombe ié ni bulu ié i nhohe; phala ue ni monʼa kahatu kê ni nzuángiza a sunge nguzu ióbhe.

Makatukilu 31:15

Mu kalakala mu izuua isamanu, o kia kasambuadi-phe kiene kia sabhalu ia dinhohenu di kôla; ki kôla kua Jihova; o uoso u bhanga kima kioso-kioso mu kizuua kia Sabhalu, muthu ua ku mu jibha.

Jelemiia 17:22

Kana ue kutunda ni imbamba mu jinzu jenu mu kizuua kia Sabhalu, né kuila mu bhanga kima kioso-kioso: Hé kima kolesenu kizuua kia Sabhalu, kala eme ki nga lekelela o jitata jenu.

Ijila 23:3

Ikalakalu ia tokala izuua isamanu, maji o kia sambuadi kikale jinge sabhalu ia dinhohenu, kionge kikôla; ki bhu kale midimu ia kima; ikale sabhulu iangene ia Jihova, ku madiembu menu moso-lolo.

Dialuilu 11:7

Kuma o maná i difuangana kala mbutu ia jikuendulu, o ku mesu ila kala uasu ua bidéliu.

Dialuilu 11:8

Athu anga a kala mu di muanga ni ku i nona, a i huha ku ditadi, mba a i zuka mu kinu, a i lamba mu jímbia, a i bhanga íkuanga; mu kanu uívua kala a i lungu ni maji a uisu.

Luka 23:56

Anga a vutuka ku bhata, hé a iudika ima ia uabha o mazumba phala o mukutu ua Jezú. Kia Sábhalu anga a ki nhoha, kala kia tumu o kijila.

Matendelelu 5:12

Aiuka kizuua kia sabhalu, ki ku kale kizuua kikôla, kala kia ku lekelela Jihova Nzambi ié.

Dijingunuinu 1:10

Nga kexile mu Nzumbi kizuua kia Ngana, anga ngʼivua ku dima diami dízui dia suina mukuâ ni koloneta,