Makatukilu 16:14 - O Mikanda Ikola

¹⁴ O kia tuka dimume, ku mavu oso a kikangala-kata kua di kuu tumbundu tuofele, tuedi kala tumbuelekese tua matadi mvula, mukuâ ni kiene kuiza mukulakaji ku mbambi iavulu.

Makatukilu 16:14 ပူးပေါင်းရင်းမြစ်များ

Nehemiia 9:15

Anga mu nzala iâ u a bhana kúdia mbolo ia diulu, o mu dinhota diâ u a katuila menha a fuáfua mu ditadi; Eie anga u a tangela kuila a bokone kiá mu tambula o ixi i nga lekela o lukuaku ni kuloka ngixi ngʼa bhana-iu muene.

Jisálamu 105:40

Ene kia mu bhingi, u a bhekela tungumbe; u a ekutisa ni mbolo ia diulu.

Jisálamu 147:16

U lalumuna o neve kala lá, ia kindemba kia jimbudi; u kuua kikulakaji kala utókua.

Jisálamu 78:24

anga u a lalumuina o maná ia kúdia kuâ, u a bhanʼo masa ma tundu mu diulu.

Makatukilu 16:31

Dibhata dia Izalaiele-phe anga exana kudiʼuku, exi, Maná; i di fuangana ku jimbutu ja jikuendulu, izela; o mu kanu u ívua ila kala jimbolo ja uiki.

Matendelelu 8:3

Muene ua mi bateka, ua mi ehela kukala ni nzala, iu ua mi disa ni maná, enu nuka mua ijidile, né jitata jenu ue ka ijidile; phala ku mʼijidisa kuila muthu ka laiela ngó ku mbolo, maji ku ima ioso i tunda ku dikanu dia Jihova kuene kulaiela o muthu.