Makatukilu 15:7 - O Mikanda Ikola

⁷ Mu kuzangalala kué kuavulu, ua a tolola oso ambe ku ku kitukila; ki ua a tumikisa o njinda ié, ene abhi kala maxinde a kitumba.

Makatukilu 15:7 ပူးပေါင်းရင်းမြစ်များ

Jobe 9:4

Muene njimu ia muẋima, munéne mu kusuina; nanhi muene u zoka-nê mba úlua-nê nʼa kalʼé ni kutululuka?

Jisálamu 148:13

Ene oso Ximanenu o dijina dia Jihova; mukonda diene ngó o dijina dia a tundu ene oso; muene ngó Sukè-ku mu ngongo ni ku maulu.

Jisálamu 59:13

A buidise ni njinda ié, a buidise muene ki ku subhuke muthu; phala a kʼijiie kuma sai-ku Nzambi u tumina mua Jakobo, u tumina muene katé ku maẋokololo a jixi. (Selah.)

Jisálamu 68:33

Mukua kuendela ku matuta ma diulu, o diulu diê-muène tunde mʼukulu-kulu; ivenu-ze o dízui diê, dízui diê di bhana mutendu ua suína.

Jisálamu 83:13

Nzambi iami, a bhange kala mafe a phephuluka ni kitembu, a phephuluke muene kala iangu a i ambata ku kitembu kia nguzu.

Makatukilu 14:27

Bhenhobho Mozé anga u sunununa lukuaku luê ku thandu dia kalunga, kalunga anga ka vutuka ni nguzu bhu kididi kiê, kuila kuma ku kúkia; akua Ijitu anga a sota kulenga, maji Jihova ua bobesa akua Ijitu mu kaẋi ka kalunga.

Makatukilu 5:12

Mukonda dia kiki mundu a muangenena mʼoxi ioso ia Ijitu mu sota iangu ia kuʼmbila jindobhi.

Makatukilu 9:16

maji-phe kiene ki nga ku bhakela ku muenhu, phala ku ku idikiza kutena kuami, mbé o dijina diami di fumane mu ngongo ioso.

Izaía 37:17

Jihova, tata, bhana dítui dié kunu, uive; tona mesu, Ngana, utale; ivua jindumu joso ja Senakedibe, ni mondo ua ku te eie, u Nzambi ia muenhu.

Izaía 37:23

Eie mukuahi ua mu lebhula, ua xingi nanhi? Ua mu mu handekela kiókio ni mesu bhulu, nanhi muene? Muenhó, Lemba dia Izalaiele.

Izaía 37:29

Mukonda-phe dia njinda i ua ngi kuatela eme, mukonda ue o izala ié ia ngi bhixila ku mátui, tala-phe, nga-nda ku ku ta nzolo mu mazulu, anga ngi ku ta o freio iami mu kanu, hé ngi ku vutukisa mu njila mu uejiia.

Izaía 37:36

Bhenhobho anju ia Jihova ua tundu, iu ua nemeka mu kilômbo kia Asídia, hama ni makuinhi-nake a jimidi ni midi jitanu ja makuenze; o kuila muene a balumuka mu kimenemene, talesa, iimbi mu iimbi kiá!

Izaía 37:38

Anga ki bhita-phe kuma, kia bokona iu ua fukama mʼonzo ia Nijiloke, o nzambi iê, Adalameleke ni Salezele dia anʼê-muène, a mu jibha ni xibhata; ene-phe hé alengela kʼoxi ia Alalate, o Ezaladone monʼê, anga uhinga bhu kididi kiê.

Izaía 47:14

Talesa-ze, eneʼó a-nda kuila kala ibhiate, a-nda kúbhia mu túbhia; ka kà tena ku kudila o muenhu uâ ku nguzu ia mulengo; o uene ki ua-nda kuila kala makala ma kuota mba dijiku dia kuila uxikama-bhu.

Izaía 5:16

Maji o Jihova dia Ilômbo Ieta, mu kufundisa kuê, muene u tambula fuma; Nzambi, Ukôla, ua-nda ku di-tungula muene mu kulunga kuê.

Izaía 5:24

Kienhiki-phe, kala ki kuata o dimi dia mulengu ku ibhiaẋi, kala ki uama iangu ku mulengu, kiene ue kianda ku lukuta o lundanji luâ, mukuâ ni kubola; kuuabha kuâ, mbambe ni kitulu, kua kà jimuka kala fufutila: mbata o ngonge ia Jihova dia Ilômbo Ieta a i tènde, o kizuelu kia Dilemba dia Izalaiele a ki sebulula.

Jelemiia 10:6

Kana-ku u di fuangana nʼeie, u Jihova: Eie u munéne, o dijina dié ue di kola mu kuvula o nguzu.

Mikeia 4:11

Kindala, miji iavulu a ku bhongolokela, a di te mu kuzoka nʼeie, iá ala kuila, exi: A mu sebulule muene, mesu etu a ki mone, nda a tane kala kia kiandalele mu kumona bhu suka Ziione.

Zakadiia 14:3

Jihova phe ua kà tunda mu kuzoka ni miji ienhiʼii, muene ua kà lua kala kiene kuzoka mu kumbi dia ita.

Zakadiia 14:8

Mu kizuuʼomo-phe, kia kà bhita kuila mu Jeluzaleme mua kà fuáfua ngiji ia menha ma di sanze, ma kà kungulukila mbandu ku musanza ua kalunga ku mutundila kumbi, o mbandu ia mukuá i kungulukila ku musanza ua kalunga ku mutudila-kumbi; O kienhiki kiene ki kia kà kala, ni bhu mvula ni bhu kixibhu a kunguluka jinga.

Zakadiia 2:8

Mukonda o Jihova dia Ifuẋi, uambe kiki: Phala muene a tambule o fuma, ua ngi tumikisa kua akua jixi a mi bhundu imbamba ienu; mukonda uoso u mi kuata enu, ua kuata mu mona uê-muène ua diesu.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Matesu 3:12

O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.

Jipoxolo 9:4

Muene ua di bhale bhoxi, anga u ivua dizui dia mu ambela, dixi: Saúlu, Saúlu, eme ualù ngi zukutisila-hi?

Matendelelu 33:26

Kazola kami, kana-ku muthu ua di fu ni Nzambi ié! Ukanduka maúlu mu kuiza ku ku banda; o unéne uê u di-leka-na-u ku matuta moso ma beta kuia bhulu.

Matendelelu 4:24

Mbata Jihova Nzambi ié-ze ua di bhanga túbhia tua muzukuta, uene Nzambi ia difuba.

Jihebeleu 12:29

Kuma kidi muene, Nzambi ietu tubhia tua uama, tu buikisa.