Makatukilu 15:26 - O Mikanda Ikola

²⁶ Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Makatukilu 15:26 ပူးပေါင်းရင်းမြစ်များ

I Jisobha 11:33

Mukonda Solomá ua ngi xisa iú uaii mu kubheza Axitalote, o nzambi ia muhatu ia akua Sidone, ni Kamo o nzambi ia akua Mouabhe, ni Milikome, o nzambi ia anʼa Amone. Nguaiê kuendela mu njila jami, ni a bhange kia iukila ku mesuʼami, ni kualuka o ijila iami ni itumu iami, kala kia bhanga jinga tatʼâ Davidi.

I Jisobha 11:38

Anga kia kà kala-phe kuma, eie se uívua ioso i ngi ku tuma, ni uendela mu njila jami, nʼu bhange kia iukila ku mesu mami, mu kubhaka o itumu iami ni ijila iami, kala kia bhanga jinga ngunza iami Davidi, eme ue nga kà kala jinga nʼeie, anga nga kà ku tungila inzo ia kuatenena kiambote, kala i nga tungila Davidi, o Izalaiele nga kà ku bhana-nê.

II Jisobha 2:21

Muene anga uia bhu otho, bhua mu fuafua o menha, u takuila-bhu o môngua, uexi: Jihova uambe kiki: O menha iá nga-nda ku a saka; ki muanda kala dingi kalunga né umbaku.

II Jisobha 20:5

Vutuka uambele Ezekiia, o mutumini ua mundu uami, kuila: O Jihova, Nzambi ia tatʼenu Davidi uambe kiki: O musambu ué nga uivu, ni masoxi mé nga a mono; tala-phe eme nga-nda ku ku sakula; o mu kizuua kia katatu ua-nda kubanda mʼonzo ia Jihova.

II Jisobha 22:2

Muene ua bhanga jinga ima ia kuiuka bhu mesuʼa Jihova; uenda jinga mu jinjila joso ja tatʼâ Davidi, ka bhambuka-mu mu ku di-tela ku kiasu mba ku dilu.

Jobe 5:18

Mbata muene se u bhanga fidila, muene-muène u i tumbʼê dingi: muene se ua kuama, maku mê ene muene a saka.

Jisálamu 103:3

Muene u ku loloka ituxi ié ioso; hé u saka mahaxi mé moso;

Jisálamu 147:3

Akexe ni kikote kia muẋima u a saka, hé u a tumba o italákanha ia malamba mâ.

Jisálamu 81:9

Ki bhu kale nzambi iengi muʼaxaxi kenu, kana kufukamena nzambi ia matumbu.

Makatukilu 12:29

Anga ki bhita-phe kuila, o usuku uenhó, mu kaẋi ka kizuua, Jihova u kuama ana oso a phande-kumbi mʼoxi ia Ijitu, tunde ku thungunu ia Falaó, ua xikama bhu kiandu kiê, katé ku monʼa hutile a mu kutila mu kaleia; ni anʼa phande-kumbi ku ibhaku.

Makatukilu 19:5

Kiki-phe, se mu tumaka muene dízui diami, se mu kuata o kikutu kiami, mu kala mu athu ami angene, mua di tungula ku miji ioso; kuma ioso mu ngongo eme muene ia ngi tokala.

Makatukilu 19:6

Enu-phe mu ngi kala mu utuminu ua jinganga jami, mu mundu uami uazele. Enhá ene o maka u ua kà tangela anʼa Izalaiele.

Makatukilu 20:2

Eme Jihova, Nzambi ié, nga ku katula mʼoxi ia Ijitu, mu dibhata dia ubhika.

Makatukilu 23:25

Enu-phe mua kà bhikila ngoho Jihova Nzambi ienu, o muene-phe anga u ta o kizediuise kiê ku mbolo ienu, ni ku menha enu; o mahaxi muʼaxaxe kenu ngi a katula-mu.

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Izaía 57:18

Eme ngala kumona o jinjila jâ, phala ni ngʼa sake, ngʼa batesa ue, hé ngʼa bhana dingi o kukondama ni ene ni mundu uâ ua di-kuata o mukondo ua kudila.

Jelemiia 11:7

Mbata nga lokele kinéne ku jitata jenu, mu kizuua ki nga a katuile mʼoxi ia Ijitu, katé mu kizuua kia lelu, nga kuata o ku di meneka ni ku loka, ngixi: Bhanenu matui ku dízui diami.

Jelemiia 17:24

Jihova uambe uixi: Kia-nda kubhita-phe kiki, se mu ta-bhu makidikidi mu kubhangela ku ngʼivua eme, hé mu fula ku bokuesa imbamba mu mbonge, bhu mielu iii, mu kizuua kia Sabhalu, anga mu kolesa o kizuua kia Sabhalu, ni ku kamba kubhanga-mu kikalakalu kioso-kioso,

Jelemiia 30:17

Mukonda o kudisanza kué nga-nda ku ku vutuila-ku anga ngi saka o itoto ié, eme ngi Jihova, kuma ala ku kuixana: Na kahukunhu, ni kuila exi: Na Ziione, mukonda ka moneka dingi muthu u muʼibhula.

Jelemiia 33:6

Maji tala-ze, nganda ku bheka ku thandu diâ, kudisanza ni kuiluka anga ngʼa saka muene, anga ngʼa tukuluila jinzungule ja kutululuka ni ja kidi.

Jelemiia 7:23

Maji eme nga a tendelele kiki, ngixi: Bhanenu mátui ku dízui diami, eme ngi kale ngi Nzambi ienu, enu mu kale mu mundu uami; endenu ni kuendela mu njila ioso i ngi mi tuma eme, nda mu bhanduluke.

Jelemiia 8:22

Manhi mu Ngiliiade kana-mu unguendu? Inga ki muala kimbanda kia kusaka? Phalaʼhi-phe a kambe kusaka o monʼa kilumba kia mundu uami?

Izekiiele 18:5

Kuma o muthu se ua iuka, nʼende ni kubhanga ima ia kilunji ni kufundisa mu kidi,

Hozeia 11:3

Sumbala kiene, maji Eme Ifalaíme nga mu longo kuenda; nga a lela bhu maku mami, maji ene a lémbua ku kʼijiia kuila eme ngala mu ku a sasa.

Hozeia 6:1

A kèla: Izenu, tu alukile kua Jihova, mukonda muene ua tu sasujula, muene ue ua-nda ku tu ilula; kia tu kuamʼiki, kiene ue kia tumba o fidila ietu.

Ijila 26:13

Eme-muene-ze ngi Jihova Nzambi ienu, nga mi katula kʼoxi ia akua-Ijitu, phala ki mu kale mu abhika a-ene; o ʼphapha ja ophi ia kexile bhu xingu ienu nga ji bukujula, eme nga mi bhetula phala mu ende kiambote o nzánza.

Ijila 26:3

Se mukuata kuendela mu jingonge jami, ni mu aluke o ijiia iami, anga muenda ni ku i bhanga,

Dialuilu 12:13

Mozé anga u di kola kua Jihova, uixi: Nzambi, mu sake, nga ku diondo.

Matendelelu 12:25

Ku a dié-ze; bhanga muene kioso kiaiuka ku mesu ma Jihova, nda ubonge ujitu, ukale ni kuzediua nʼeie ni anʼé oso a-nda ku ku bhingana kioso eie ki u bhanga kiaiuka bhu pholo ia Jihova.

Matendelelu 12:28

O ki ngala kuzuelʼiki ivenu-kiu muene kiambote, mu ki lunde ku muxima, phala mu bonge ujitu, mu kale ni kuzediua nʼenu ni anʼenu oso ʼa-nda ku mi bhingana katé ku hádia ni hádia, kioso ki mu kuata kubhanga ima iaiuka ku mesu ma Jihova Nzambi ienu.

Matendelelu 13:18

kioso eie ki u tumaka kiambote o dízui dia Jihova Nzambi ié, anga ukuata o kualuka ijla iê i ngala ku ku tendelela leluʼiii, ni uende ni kubhanga kioso kiaiukila ku mesu ma Jihova Nzambi ié.

Matendelelu 28:27

Jihova u ku tatesa ni mikôngo ia tokala akua Ijito; anga ku di ta matute ni jihana ni madiazela, ma ku kuatela ku mataku, anga uila o saké, lémbua.

Matendelelu 28:58

Se ua kambe kualuka ni ku kumbidila o maka moso ma Kitumu kiki, mòsoneke mu Ndunda ienhiʼii, anga u kamba kuxila o dijina diangene dikola, di kuatesa uoma, o dijina dia Jihova Nzambi ié,

Matendelelu 28:60

Jihova ua kà bhangesa kuila o kikote kioso ni mauhaxi oso a ku kuatele uomʼô, a bhiti na-u akua Ijito, a kà ku vutukila eie, hé a ku naminina muene, anga u di bonga na-u.

Matendelelu 32:39

Mu ngi tala-phe kiá: Eme, Eme-muène ngó Nzambi; ki ngala dingi ni mukuetu, Eme ngi jibha, Eme ue ngi phaphumuna; Eme ngi kuama, Eme ngi saka; ki kuala u ngi ẋangumuka bhu lukuaku luami.

Matendelelu 5:1

Mozé anga uixana Izalaiele ioso uʼambela, uixi: Îvua eie u Izalaiele, o jingonge ni mabatuilu u ngala ku mi tendelela lelu mu mátui menu, muile ni ku di longa-u ni ku ma lunda, mbé o ku ma bhanga.

Matendelelu 7:15

O Jihova u ku saka anga uilukila-ku kiá muene, kuma u kuebhesa ku ma-uhaxi moso; ka ku ehela ku kata uhaxi u difangana ni ma-uhaxi ma akua Ijito, u uejiiʼó; inda ma-uhaxiʼomo ua-nda ku ma tuika oso a ku zembe.