Makatukilu 15:25 - O Mikanda Ikola

²⁵ Muene anga u dikola kua Jihova; Jihova anga u mu idikiza muẋi, o kia u te mu menha, menha mê ala kiá a fema. Bhenhobho bhene bhua a bhela o jingonge ni kijila; anga bhenhobho u a lola hanji.

Makatukilu 15:25 ပူးပေါင်းရင်းမြစ်များ

II Jisobha 2:21

Muene anga uia bhu otho, bhua mu fuafua o menha, u takuila-bhu o môngua, uexi: Jihova uambe kiki: O menha iá nga-nda ku a saka; ki muanda kala dingi kalunga né umbaku.

II Jisobha 4:41

Maji muene-phe, uixi: Ngi bhekedienu-ku, fuba. Hé u i kuua mʼombia, uixi: Tombolenu o kúdia, phala athu a die. Kuabhu-phe; mu imbia ki mu kexile dingi kima kioso-kioso kia ibha.

II Jisobha 6:6

Muthu ua Nzambi hé uibhula, uixi: Dia sonokena bhebhi? Muene anga u mu londokeza o kididi bhu dia laukila, muene hé u batula muxi, u u lauila bhobho, o felu ia dikúua anga i zeluka ku thandu dia menha.

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 66:10

Kuma eie, u Nzambi, ua tu bhitisa hanji ku polova; ua tu kenzulula kala kiene kubhanga o phalata mu túbhia.

Jisálamu 81:7

Ki ua dikola mu lamba, nga ku kudila; nga ku itaiela mu kididi kiòsueke mu tunda o inuminu ia jinzaji; nga ku lola o muẋima bhu menha ma Medibah. (Selah.)

Jisálamu 91:15

Muene kia ngʼixana, eme ngʼitaia; bhu kíbhidi ngi mu kala bhu mbandu; ngi mu kudila, ngi mu jingisa.

Jisálamu 99:6

Jinganga jê sai, ni Mozé ni Alá, o jipolofeta ue sai, Samuuele: ela jinga a dikola kua Jihova, muene u a evua anga uitaia.

Makatukilu 14:10

Kia zukama Falaó, anʼa Izalaiele a zambula mesu, a mona Ijitu ioso ia solomoka mu ku a kaiela; anga a bhuuama ni uoma, a dikola kua Jihova.

Makatukilu 16:4

Jihova bhenhobho anga u ambela Mozé, uixi: Talesa-ze, ngi mi nokesa mbolo i tunda mu diulu; mundu a kale mu tunda izuua ioso mu i nona bhoxi, a fikise ioso ia soko ku i dia kizuua kimoxi, ngʼa lole mba a ẋikina kuendela mu ngonge iami, mba kana.

Makatukilu 17:4

Mozé anga u dikola kua Jihova, uixi: O mundu iú ngʼa a bhanga kiebhi? Kua a xala kia ngó ku ngi bûba ni matadi.

Makatukilu 20:20

Mozé anga u ambela mundu, uixi: Kana kukala ni uoma; kuma Nzambi ueza ku mi lola, phala uoma uê u kale bhu pholo ienu, phala ki mu te ituxi.

Jisabhu 17:3

Phalata a i tunguila bhu dizunzilu, o ulu a u tunguila bhu mbèmbu; maji Jihova muene mukua kutungula o miẋima ia athu.

Jelemiia 15:1

Jihova-phe ua ngambela, uixi: Né-mbe hanji Mozé ni Samuele emanene bhu pholo iami, o muenhu uami ki ueje ku di bunda ni mundu iú; a kaie, bhu pholo iami a tunde-bhu.

Jelemiia 9:7

Kala kiki, Jihova dia Ilombo Ieta uambe, uixi: Talesa-ze, eme nga-nda ku a zunza, anga nga a lola; mukonda-phe, o kilumba kia mundu uami ngeji ku bhanga-nê dingi kiebhi?

Izekiiele 47:7

O ki nga vutuka, nga mono ku kibumu, sámbua ni sámbua, kuezala ndumba dia miẋi ia lebha.

Izekiiele 47:8

Bhenhobho-phe u ngʼambela, uixi: O menha iá a mu kungulukila ku mbandu ia thunda, hé a kulumuka mu musanza ua Kalunga ka di Fuila; o kia zubha o kubhiẋila momo, menha ma kalunga ma iuka kiá.

I Kolindo 1:18

Kuma o maka ma kufua kua Kristu ku dikulusu, phala athu ala mu ku texika, kiedi kala uoua; maji phala etu-phe tuala mù bhuluka, ene o nguzu ia Nzambi.

Matendelelu 13:3

polofeta ió mba ka jinzojiʼó eie ku mu ivue; kuma o Jihova Nzambi ienu, uene ku mi lola nda a mone se kidi kiene Jihova Nzambi ienu mua mu zola muene ni muxima uenu ua muvimba, ni muenhu uenu uoso.

Matendelelu 8:16

Muene ua ku dikila ni maná mu kikangalakata, maná ia kambele adiʼenu ku iʼjiia, phala ku mi tululula ni ku mi lola ni jingongo ja vulu mbé ku dizubhilu a mi bhange o mbote.

Matendelelu 8:2

Xinganeka phala u kale mu lembalala njila ioso ia mi bhitisa Jihova Nzambi ienu, mu makuinhi auana a mivu osoʼâ mu kikangalakata, phala a mi bateke, nda a mi lole, mbé o kuijiia kioso kia mi kala ku miẋima moxi, mba mu xikina kutumaka ijiia iê, mba kana.

Afundixi 2:22

a kale, nda ngi lole-nâ o muẋima ua Izalaiele, mba a xikina kukuata njila ia Jihova ni kuendela-mu, kala kia i kuatele o jitata jâ, mba kana.

Afundixi 3:1

Enhá ene akua ʼxi a xala-ku, a a xi kuala Jihova mu kulola-nâ muẋima ua Izalaiele, oso ku Izalaiele a kambe kuijiia ita ioso ia Kanana;

Afundixi 3:4

Iá a xala, mu kulola-nâ o muẋima ua Izalaiele, phala kuijiia mba a xikina kuívua ijila ia Jihova, ioso ia bhele ku jitata jâ, mu ukunji ua Mozé.