Makatukilu 15:21 - O Mikanda Ikola

²¹ Midiiana anga u tambuijila, uixi: Imbidienu Jihova o kikóue kia undanda; kuma ni kabalu ni iú ua sambela-ku, ua a texi mu menha.

Makatukilu 15:21 ပူးပေါင်းရင်းမြစ်များ

II Samuuele 1:20

Kana ku ki tangele mu Ngate, kana ku ki fumanesa mu nzunga ia Axikilone; sumba anʼahatu ku akua Fidíxia a sanguluka, sumba anʼahatu a matumbu a kola kikoue.

II Samuuele 6:14

Davidi anga u kina, bhu pholo ia Jihova ni nguzu ioso; Davidi ua zuata efodi ia linhu.

II Malunda 5:13

Ene há a tongesa muene mu kuxikila jikoloneta kumoxi, ni mu kuimba ue, embila mbimbi imoxi ngó i uivua, mu ku tumbula o mbote ni kuximana Jihova; o kioso ene kia zangula o mbimbi kumoxi ni jikoloneta ni jingoma ja ngòndo ni ima dingi ia mukuá ia kuxika o mimbu, ni kutumbula Jihova kuma mukua Mbote, mukonda o kulenduka kuê ki kuene kúbhua, inzu ioso muene iezala ni dituta, o inzu ia Jihova.

Jisálamu 76:6

Eie, u Nzambi ia Jakobo, ki ua a temena, ni dikalu, ni kabalu, ene oso aia kilu kia muiokoioko.

Makatukilu 15:1

Kizuuʼokio Mozé ni anʼa Izalaiele emba muimbu iú, mu kuximana Jihova, exi: Ngʼimbila Jihova, kuma Muene ua di jingisa kinéne; ni kabalu ni iú ua sambela-ku ua a texe mu menha.

Makatukilu 15:4

O makalu a Falaó ni kilômbo kiê ua a texe mu menha; o ilolo iê, ia tungula, a boba mu Kalunga Kakusuka.

Dijingunuinu 14:3

O hâma ia midi ni makuinhi auana a midi ni midi jiuana, anga emana bhu pholo ia kiandu, ni bhu pholo ia iama iuana ia muenhu, ni ia ikulakaji, anga emba o muimbu uâ uobhe. O muimbu uenhó, kana muthu dingi u tena kudilonga-u, kikale ene ngó ió oso a a kula mu ngongo.

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.

Afundixi 5:3

Ivenu, enu mu jisobha; bhanenu mátui enu mu anʼa jinganga; ngimba, eme bhabha ngimbila muene Jihova, ngimba mu ximana Jihova, Nzambi ia Izalaiele.

I Samuuele 18:6

Anga ki bhita-phe kuila, kilômbo kioso kia ita mu kubhongoloka ku bhata kia tundu Davidi mu kujibha Ngoliia dia mukua Fidíxia, kuma ahatu oso a tunda mu mbahata moso ma izalaiele, ni kuimba ni kukina mu kauidila sobha Saúlu, ni kusanguluka ni kuxika tungoma ni isaka.

I Samuuele 18:7

Ahatu anga a di tambuijila mu kuimba, kioso kiala kuxika, exi: Saúlo ua jibha jimidi, Davidi-phe makuinhi a jimidi.