Makatukilu 15:20 - O Mikanda Ikola

²⁰ Bhenhobho o Midiiana, polofeta, phange ia Alá ia muhatu, u kuata kangoma ka manzuela, u tuamena, ahatu oso a mu kaiela ni tungoma tuâ ni kukina.

Makatukilu 15:20 ပူးပေါင်းရင်းမြစ်များ

Dimatekenu 31:27

Ua lengela-hi kiki, ni kuomboloka sé ku ngi lekela, eme hinu ngeji ku ku sulula ni fesa ni mimbu ni kuxika ngoma ni mbanza?

II Samuuele 1:20

Kana ku ki tangele mu Ngate, kana ku ki fumanesa mu nzunga ia Axikilone; sumba anʼahatu ku akua Fidíxia a sanguluka, sumba anʼahatu a matumbu a kola kikoue.

II Samuuele 6:14

Davidi anga u kina, bhu pholo ia Jihova ni nguzu ioso; Davidi ua zuata efodi ia linhu.

II Samuuele 6:16

Mu ku ki bhanga-phe, kioso kiala kubokona álaka ia Jihova mu mbânza ia Davidi, Mikala, monʼa Saúlo ua muhatu, u zongola bhu njanena, anga u mona muenexi Davidi uala mu tuka-tuka, uala mu kina bhu pholo ia Jihova: muene anga u mu tobhesa mu muẋima uê.

II Samuuele 6:5

Ni Davidi-phe, ni dibhata dioso dia Izalaiele, a kala mu sanguluka ni ku xikila bhu pholo ia Jihova, o idifua ioso ia jimuzika ióiudike ni muxi ua mufaia, ni jimbànza ni tukoxi, ni jingoma, ni misaxi, ni jingonge.

II Jisobha 22:14

Bhenhobho o nganga ia dikota Hilikiia, ni Haikane, ni Akebolo, ni Safane, ni Azaiia, ai mu ku di-mona ni musesedi Hulda, muhatuʼa Salume, monʼa Tikiva, o monʼa Halá, o mubhake-a-izuatu (o muene ua tungile ku mbandu ia boloka ia sanzala ia Jeluzaleme) anga a mu zuelesa.

I Malunda 15:16

Davidi anga uambela o ilamba ia akua Levi, kuila: Atungule phala a-te ku pholo o jiphange jâ, o jingimbidi akua kuimba, ni ima iâ ia kuxika jimujika, ni tukoxi, isàka, ni tumbanza, ni jingaieta, phala a xike mu kuzangumuna o dízui ni kusanguluka.

I Malunda 6:3

O ana a Halane, Alá ni Mozé, ni Midiiana. O ana a Alá: Nadabe, ni Abhihú, ni Eleiazale, ni Itamale.

Nehemiia 6:14

Eie Nzambi iami, ni Tobiia ni Sambalate, a te muẋima ku ima iii i a bhange, ni Nouadia ue, o polofeta ia muhatu, ni jiplofeta nʼakuá oso a sotele ku ngi kuatesa uoma.

Jisálamu 149:3

A mu ximane o dijina ni kukina; a mu ximane ni kuxika kisàka ni kakoxi.

Jisálamu 150:4

Mu ximanienu ni ngoma ni kukina; mu ximanienu ni mújika ua jingoji, ni jimbendu.

Jisálamu 30:11

Kudila-phe eie ua ngi katula-ku, mua ngʼiza kukina! ua ngi zula o kidiniaji, eie ua ngi kembesa ni ngalasa.

Jisálamu 68:11

Ngana muene ua bhana o kizuelu kiê; o ahatu a bhana jinga o jingolokela, a kexi kifuxi kia dikota.

Jisálamu 68:25

Akua kuimba a tuamena, akua kuxika a kaiela ku dima; a di ambatesa kumoxi ni ilumba a kuata kuxika o isaka.

Jisálamu 68:26

Tumbulenu Nzambi bhu kionge kia mundu, tumbulenu Ngana, enu mua tundu mbutu bhu otho ia Izalaiele!

Jisálamu 81:2

Tu kuatienu mukumbi, bekenu kangoma, ni mbànza iauabha dízui, ni kakoxi.

Makatukilu 2:4

Kota diê dia muhatu anga u imana mu kanga mu tala kioso kia-nda ku mu bhita.

Ndongixi 3:4

Sai thembu ia kudila ni thembu ia kuolela; thembu ia mukondo, ni thembu ia kutuka-tuka.

Jelemiia 31:4

Hanji nga-nda ku ku tunga dingi, ua kà kala ua tungiua, eie u muzeletete ua Izalaiele! Hanji ua-nda ku kemba ni isaka ié, ua kà tunda kumoxi ni iá a mu kuimba ni kukina.

Mikeia 6:4

Eme, ni kidi kiene, nga ku tombola mu ixi ia Ijitu; mu inzu ia ubhika mu ua kexile, nga ku kulamu; Eme nga katula Mozé, ni Alá, ni Midiiana, ià u nga tumine ku ku tuamenena o njila.

Dialuilu 12:1

Ni Midiiana ni Alá a di kuata ni Mozé Ni Midiiana ni Alá anga a di kuata ni Mozé mukonda dia muhatu, mukua Kuxi a mu sakana kuala Mozé, mukonda ua sakana ni muhatu mukua Kuxi.

Dialuilu 12:2

Anga a zuela, exi: Kifua Jihova ua zuelela ngó mua Mozé ubheka uê? Ka zuelela ue moʼmuetu? Jihova anga u kʼivua.

Dialuilu 20:1

Ana Izalaiele, kilômbo kiâ kioso, anga a bhiẋila mu kikangalakata kia Zini, bhu mbeji ia kamoxi; mundu anga a bhanga izuua bhu Kadexi; Midiiana anga u fuila bhobho, hé a mu funda bhenhobho.

Dialuilu 26:59

Analá, muhatuʼê dijina diê Jakobede, monʼa Levi ua muhatu; Levi ua mu vualela mu Ijitu; Jakobede, muhatu ua Analá, anga u mu vualela Alá, ni Mozé, ni Midiiana, phange iâ ia muhatu.

Luka 2:36

Anga bhu kala ue Ana, polofeta ia muhatu, monʼa Fanuuele, mukua diembu dia Asele. Muenhó mukua mivu iavulu kiá, kuma ua bhangele sambuadi dia muvu ni munumiʼê tunde ku ukaza uê;

Jipoxolo 21:9

Muenʼ iú u kala ni anʼ ê auana a ahatu, hanji ala ilumba, akua uanji ua upolofeta.

I Kolindo 11:5

Muhatu uoso-phe u kala mù samba mba mù tula o Njimbu Iambote ia Nzambi bhu ionge ia kubheza, nʼ a kambe kufuta o mutue uê, muhatu ió ka bhana ujitu kua muadi uê. Muenʼió ua sokoʼ ê ngó ni muhatu a mu bhutu o mutue, mukonda muène ka di tungulanê ni kima.

I Kolindo 14:34

Kala ki ene kubhanga mu Jingeleja joso ja akua Ngana, ahatu enu a fuama a di xibha mu Jingeleja, kioso ki mu bhongoloka jinga mu kubheza. Kuma ene ka a bhana disesa dia kuzuela. Kala kiambe o Kitumu kia Jijudé, ene ka tokala ku a bhana kididi kia kutumina.

Afundixi 11:34

Jefete anga u vutuka bhu Mixipa bhu bhata diê; bhenhobho-ze monʼê ua muhatu u tunda mu ku mu kauidila ni isaka ni kukina; muene-phe muene monʼê ngó umoxi-elèle, ka moneka dingi mona, né ua diiala, mba ua muhatu.

Afundixi 21:21

o ki mu mona anʼa ilumba mu Silu a tundu mu kukina mu fesa, enu-phe mu tunda mu mivide, kala diiala u kuata-bhu muhatuʼê ku anʼa ilumba ia akua Silu, muie-nâ ku ixi ienu ia Bejami.

Afundixi 4:4

Kiki-phe Debola, polofeta ia muhatu, ua sakana ni Lapidote, u kala mu fundisa Izalaiele thembu ienhoio.

I Samuuele 10:5

Kutunda bhobho ua kà bhita kalundu ka Nzambi, bhuala o kibangu kia akua Fidíxia; kia kà bhita-phe kuila, mu kutula bhu bhata bhobho, ua ka takana ni kibuka kia jipolofeta, ala mu tunda ku thala ni kuxika kakoxi, ni ngoma, ni mbéndu, ni mbanza, a kà kala mu zuela ni uanji ua upolofeta.

I Samuuele 18:6

Anga ki bhita-phe kuila, kilômbo kioso kia ita mu kubhongoloka ku bhata kia tundu Davidi mu kujibha Ngoliia dia mukua Fidíxia, kuma ahatu oso a tunda mu mbahata moso ma izalaiele, ni kuimba ni kukina mu kauidila sobha Saúlu, ni kusanguluka ni kuxika tungoma ni isaka.