Makatukilu 15:17 - O Mikanda Ikola

¹⁷ Eie hinu u a bokuesa, u a phapha, ku mulundu ué ua undundu. U a bhaka bhu kididi ki ua solo, u Jihova, mu kala kibúta kié, bhu dibezelu dié, Ngana, dia tunga o maku mé.

Makatukilu 15:17 ပူးပေါင်းရင်းမြစ်များ

II Samuuele 7:10

Mundu uami ua Izalaiele nga a bhana kididi, nga-nda ku a phapha phala a tunge a some, ka bhingi dingi kutáula; isuéia ki i kala dingi mu ku a tatesa kala mʼokulu,

I Jisobha 8:13

Ni kidi kiene, eme nga ku tungila inzo mʼu kala jinga, Kuma dibhata dia nangu dié dia kalelà-ku.

Jisálamu 114:2

Juda ua di bhange muiji uê ukôla, o Izalaiele kilômbo kiê.

Jisálamu 2:6

Eme-phe, sobha iami nga muʼundu bhu kididi, ku mulundu uami ukôla ua Ziione.

Jisálamu 44:2

Kioso o lukuaku lué ki lua kaia o matumbu, a kambe kuijiia Nzambi, anga u a phapha ene bhu kididi kiâ; ni kioso akuaʼxi ki ua a takula, hé a muangana; o ene-phe, a kuata, a zande.

Jisálamu 68:16

Eie u mulundu-phe ua lebha o jisungu, uala mu ialela-hi ni dixinga o mulundu ua mukuá ua solo Nzambi kuta-mu dibhata diê? Jihova ua te muene dibhata diê momo, ka di sendumuna dingi, lémbua!

Jisálamu 76:2

Mu Saleme muene mua te o balaka iê, o dibhata diê dia kala mu Ziione.

Jisálamu 80:15

Kixina kia muvide u ua phaphe ni lukuaku lué lua kúdia, ni thangu jê ji ua sase katé ki ja kolo.

Jisálamu 80:8

Eie ua vuza muvide ué mu Ejito; kunu matumbu ua a kaia, muvide ué eie ua u phaphe.

Makatukilu 15:13

Mu kiadi kié uendesa o mundu iú, u ua kula eie-muene (ua di bhange u kilamba kiâ); mu nguzu ié ua ambata Katé bhu kibúta kié kikôla kia kuzela ni kuiuka.

Makatukilu 23:20

Talesa, ngi tuma anju iami ku mi diangela ku pholo ienu, phala a mi lange mu njila iii, mbé a mi bheke ku kididi ki nga mi iudikila.

Makatukilu 25:8

A ngi iudikile kibúta kikôla phala ngi tunge muʼaxaxi kâ.

Makatukilu 32:34

Kala kiki-phe ndeie, u tuamenene o mundu iú, mu ku a bheka kididi kioso ki nga ku tangela; tala-ze, anju iami ia-nda ku ku tuamena jinga ku pholo; maji-phe, bhu kizuua kiami kia ku a zungila, ni kituxi kiki nga-nda ku a bhela-kiu o kaxtiku kê.

Jelemiia 2:21

Eme muène nga ku phaphele kala muvide ua mbutu ia uabha, mbutu ia mbote ia kitongola; ua kituka kiebhi-phe u mbutu ia seluka, kala muvide ua muxitu?

Jelemiia 31:23

Jihova dia ifuẋi, Nzambi ia Izalaiele, uambe kiki: Kizuelu kiki a-nda ku ki tanga hanji mʼoxi ia Juda ni mu mabhata mê, kioso ki nga-nda kuzubhaku o ubhika ua uhutile uê, kuila: Jihova a ku zediuise, eie dibhata dia kubatula o milonga mu kidi, eie u mulundu uê ukola!

Jelemiia 32:41

Anga ngʼenda ni ku sanguluka muene mukonda dia ene, kioso ki ngiia ni ku a bhanga o mbote, hé ngʼa kuna muene mu ixi muenhumu, ku kidi kiene, ni muẋima uami uoso ni muenhu uami uoso.

Izekiiele 37:26

Anga nga kà ta-nâ kikutu kia uembu; kiene ue kia kà kala kikutu ki nangenena; nga kà a phapha muene, nga kà a sokolola, o kididi kia dibhezelu diami hé nga kà ki tula muʼaxaxe kâ katé ku hádia ni hádia.

Izekiiele 37:28

Anga akua jixi a kà kʼijiia kuila eme-muène Jihova, ngene kuzelesa Izalaiele kioso kia-nda kukala o dibhezelu diami muʼaxaxe kâ, katé ku hádia ni hádia.

Matendelelu 33:19

Enhá kiiadi kiâ a kʼexana ifuẋi ku mulundu. Kuenhoko kuene kua kà bhakuila mibhaku ia kuiuka. Mbata a kà bha jimbote janzungule jene ku misanza ia kalunga, ni ma-umvama mʼosueke mu museke.

Josuué 22:19

O ki kala-phe mua mono kuila oxi ia mi bhana mu ubhinganu iezala lufuku luoso, ia kasana, sembele-phe mu bhite kunu kʼoxi ia undundu, ua Jihova, Zaúkenu kunu, kua phaphe o balaka ia Jihova, mu tambule ubhinganu muʼaxaxi ketu; maji kana ku kitukila Jihova, etu ue né ngó bhuofèle ki mu tu kitukile, anga mu di tungila ni kalatódio kenu, anga muila enu ni kalatódio kenu, Jihova Nzambi ietu, ni kalatódio kê.