Makatukilu 15:15 - O Mikanda Ikola

¹⁵ Mavunda a Idomo a diuana; mazonda a Mouabhe kua exa kìmbulambula; akuaʼaxi ia Kanana a botomoka.

Makatukilu 15:15 ပူးပေါင်းရင်းမြစ်များ

Dimatekenu 36:15

Enhá ene o mavunda ku a nʼa Izaú; ku anʼa Ilifaji, muene thungunu ia lzaú: o divunda Temane, ni divunda Omale, ni divunda Zefo, ni divunda Kenaji.

Dimatekenu 36:16

O divunda Kola, ni divunda Ngetamo ni divunda Amaleke; ene o mavunda a musala ua Ilifaji mʼoxi ia Idomo, ene anʼa Ada.

Dimatekenu 36:40

O iá ene o majina a mavunda ku músala ua Izaú, ku a endesa ku miji iâ, ni ku ididi iâ, ni ku majina mâ; o divunda Timana, divunda Aleva, divunda Jethethe.

II Samuuele 17:10

Bhenhobho-phe, ni iú uasuina, uala ni muẋima uê mukuâ ni muẋima ua hoji, u botomoka-phe kiá muene kuma akua Izalaiele oso a kʼijiia kuila tatʼenu dizonda, ni athu oso aia-nê kumoxi, mala a nguzu ku ita.

Jisálamu 48:5

Maji edi ngó a mona Ziione, a diuana! A teketa, muene, anga ata lusolo mu kumuangana!

Jisálamu 68:2

Mukuâ ni dixi kia di kaia kuala o kitembu, ene ue a a kaie; mukuâ ni sela ki i sangumuka ku túbhia, kiene ue isuéia i buile bhu pholo ia Nzambi.

Izaía 13:7

Kieneʼokio-phe o maku oso a kà botomoka, ni muẋima ua athu oso ua kà zonda.

Izaía 19:1

Muzambu ua Ijitu. Talesa koko, Jihova iu uiza, ua di-longo mu dituta dia ngelephephe, ua-nda ku tula mu Ijitu; mahamba ma Ijitu a kà ma tungutisa bhu pholo iê, anga muẋima ua akua-Ijitu ua kà botomoka mʼoxi diâ.

Jelemiia 49:23

Bhu kaxi ni Damasku. Ni Hamate ni Alapade sonhi ja a kuata; o kievu njimbu ja ibha, mueza kuambuka; ku musanza ua kalunga kuala phaxi; kutululuka ki ku moneka.

Izekiiele 21:7

Anga kia kà bhita-phe kuila, kioso ene kia kuibhula, exi: Eie-phe ua mu di tudilaʼhi mienhu? Eie-phe ua ambela, kiki: Mukonda dia njimbu, mbata ia-nda kuiza muene; o miẋima ioso ia-nda kuambuka, o maku oso a kà bokotomoka, o mienhu ioso ia kʼèzala kikote, o phuma joso ja kà kituka menha; tala, imʼiii ia-nda kuiza hé ia kà bhita muene, Jihova ua ki tange.

Nahumu 2:10

Ninive ia xala ngó, loló! A i bhûndu, a i nhana, a i muanga-muanga, la di bhange ngundu muene! Muẋima ua botomoka, o jiphuna ji ji di beta-beta, mu miongo ioso muezala misusu, o jipholo jene joso ja kakuka, ja lombo.

Habakuke 3:6

Uemana, anga u kala mu kuzonga ixi; ua tale, iu ua uanununa o miji; o milundu iòkulu i sekumuka anga i kituka fufuta, o tu-thuthulundu tua makulu ni makombe, tu senguluka, anga tu jikinina, maji o jinjila ja Nzambi ja kaiela-ku.

Habakuke 3:7

Nga mono jibalaka ja Kuzane ja disuuata ni malamba; o ibènge ia ixi ia Midiiana i kala mu teketa.

Matendelelu 2:4

O mundu tumina-u, kuila: Muanda kubhita mu jimbambe ja jiphange jenu, o anʼa Izaú, a tungu mu Seíle; ene-phe a-nda ku mi kala ni uoma; maji enu-phe di langienu kiambote.

Matendelelu 20:8

Jifixiiadi a kolokote muene ni kutendelela o kifuẋi ni kuibhula, kuamba: Mukuahi uene ni uoma, uala ni muxima ua botomoka? aie kiá, a vutukile ku bhata diê, tua lengesa kuila uavula kusambukisa akuá o muxima uê ua uoma, anga u botomokesa o muxima ua jiphange jê kala o uê-muène.

Josuué 14:8

Maji-phe, akuetu u ngele-nâ kumoxi, a bhangesa muẋima ua mundu kubotomoka; eme-phe nga jiji ni kukaiela Jihova Nzambi iami ni muẋima uami uoso.

Josuué 2:11

Tuedi tuívua ngó ima ioso iii, miẋima ia tu botomoka, kana-ku dingi diiala u tena kukola muxima bhu pholo ienu; kuma Jihova Nzambi ienu, muene Nzambi ni ku diulu ku thandu, ni mu ngongo bhoxi.

Josuué 2:24

Ambela Josuué, exi: O kutanga kidi, ixi ioso iii Jihova ua i bhana kiá bhu makuʼetu kuma akuaʼxi ene oso iá teketa kiá ni uoma mukonda dietu.

Josuué 2:9

anga u ambela mala, uixi: Eme ngejiia kuma, Jihova ua mi bhana muene ixi ienhiʼii, tua bhuuama kiá ni uoma uenu, akuaʼxi ene oso a botomoka bhu pholo ienu.

Josuué 5:1

Mu kubhanga izuua, jisobha joso ja Mamodi ku sámbua dia Njolodá ku luiji ni jisobha ja ákua Kanana, a zukama ku kalunga, kia zubha kuívua kioso Jihova kia kukutisa menha a Njolodá bhu pholo ia anʼa Izalaiele, katé ki tua zaúka kiambote, miẋima iâ ia botomoka, uiala ki u moneka dingi ua kubhânga ni anʼa Izalaiele.

I Samuuele 14:16

Makuenze a Saúlu-phe ala ku ilangidilu mu Ngibeia ia Bejamí, a tala, hé a mona kifuxi kia jifilisteu kiala kuia ni ku di muanga, a botomoka, iá ela kuku, iá ela kuku, ni kuingajaka.