Makatukilu 15:14 - O Mikanda Ikola

¹⁴ O ifuẋi iamukuâ a kʼivu, a teketa; a tunga mu Fidíxia mika ia a kuata.

Makatukilu 15:14 ပူးပေါင်းရင်းမြစ်များ

I Malunda 14:17

Kienhiki dijina dia Davidi difumana mu jixi joso jenhojo; o Jihova anga uta uoma uê ku thandu dia mundu uoso uenhó.

Jisálamu 48:6

Mueza kimbulambula, ni misusu kala ia muhatu ua mu vuala.

Jisálamu 48:7

Eie, hinu ua kà bula o jinaviiu ja Talxixi, u ji muanga ni kitembu kié kiasuína kia mubhetukila-kumbi.

Izaía 14:29

Eie Fidíxia ku sanguluke, kuile uixi, mbangala ia kexe ku ku kuama lelu ia bukujuka; kuma bhu kixina bhua tundu o nhoka, bhua kà tunda dizuua-mbinga, o kibundu kiê-phe, njiiu i tukila kuása.

Izaía 14:31

Eie u dibhitu, dila kala kimbùngu; eie u diembu, dikole; kiene ki ualʼokio, eie Fidíxia, ua sengumuka muene; mbata ku suku kua-nda kutunda dixi, ki bhua-nda ku kala muthu ubhulaka.

Izaía 23:5

Kioso kianda kuiza njinbu ia Tilu, bhua-ndu kala misusu kala kiejile jinjimbu ja divuua dia Ijitu.

Izekiiele 32:9

O muẋima ua mundu uavulu nganda kua kà u tatesa, kioso eme ki nganda kubheka o kibuika kié-eie muʼaxaxe ka miji, ku jixi eie ku jʼijiia.

Habakuke 3:6

Uemana, anga u kala mu kuzonga ixi; ua tale, iu ua uanununa o miji; o milundu iòkulu i sekumuka anga i kituka fufuta, o tu-thuthulundu tua makulu ni makombe, tu senguluka, anga tu jikinina, maji o jinjila ja Nzambi ja kaiela-ku.

Habakuke 3:7

Nga mono jibalaka ja Kuzane ja disuuata ni malamba; o ibènge ia ixi ia Midiiana i kala mu teketa.

Dialuilu 14:14

akua-xi mumu a-nda ku a tangela-kiu. A kʼivu kiá kuma eie, Jihova, ua tungu muʼaxaxi ka kifuẋi kienhiki, a kʼivu ue kuma, eie Jihova, uala ku a tukulukila pholo ni pholo, dituta diê diemana ku thandu diâ, u mukua ku a tuamenena mu philadi ia dituta mu muanha, ni philadi ia túbhia mu usuku.

Dialuilu 22:5

Anga u tuma jiphunga kua Balamu monʼa Beola, bhu Petolo, bhu mbandu ia njila, iene ixi ia undundu uê, phala ku mu kolomona, uixi: Kunu-ze kueza kituxi kia tundu mu Ijitu; a tula ixi ioso, o bhua tula a ngi zukama kiá.

Matendelelu 2:25

Tunde lelu dienhidi nga-nda kuandeka kuta kimbuua ni uoma ué ku thandu dia mundu uoso bhoxʼabha; oso kiá a ku ivua o fuma, enda ni kuteketa bhu pholo ié a bhondalala ni uoma, mukonda dié-eie.

Josuué 10:2

uoma ua a kuata kinéne; mbata Ngibiione uakexi kidiembu kiónene, mukuâ ni diembu dia muenexi, Hai muene ndengi ʼèlele, o mala ê oso, mazonda.

Josuué 2:11

Tuedi tuívua ngó ima ioso iii, miẋima ia tu botomoka, kana-ku dingi diiala u tena kukola muxima bhu pholo ienu; kuma Jihova Nzambi ienu, muene Nzambi ni ku diulu ku thandu, ni mu ngongo bhoxi.

Josuué 9:24

Ene-phe a kumbulula Josuué, exi: Etu, o kia tu bhangesa kiki, uoma ua kúfua, mbata kutanga o kidi, tuevu a tu kundu-kiu muene kuma o Jihova Nzambi ié ua tangela Mozé, selevende iê, kuila oxi ioso iii hinu u mi bhana-iu enu, o mundu uoso ua tunga-mu u u jikinisa; tuexi-phe, etu tuafu-ó.

Josuué 9:9

Ene anga a mu vutuila, exi: Abhikʼé atundu kanga dia lebha muene, mbebu o dijina dia Jihova Nzambi ié; mbata fuma iê tua ivu, ni ima ioso ia bhange mu Ijitu tua ivu ue;

I Samuuele 4:7

Akua Fidíxia anga a kala ni uoma, kuma exi: Nzambi ueza bhu kibangu. Anga ela, exi: Kokolo dietu! Kiluua ku kala kima kala kiki!

I Samuuele 4:8

Kokolo dietu! Nanhi u tu kudila bhu maku a jinzambi jiji jasuina? Jiji jene o jinzambi ja betele akua Ijitu ni mabhebhu moso mu kikangalakata.