Makatukilu 15:11 - O Mikanda Ikola

¹¹ Ku jinzambi nanhi muene u soka ni eie u Jihova? Mukuenu nanhi u kôla kiki mu kuzela ni kuiuka, kilamba ki kuata uoma, mukua kubhanga madiuanu?

Makatukilu 15:11 ပူးပေါင်းရင်းမြစ်များ

II Samuuele 7:22

Kala kiki, eie ukôla, Ngana iami, Jihova! ku moneka mukuenu u soka-nê, ki kuene dingi Nzambi iengi, kala ki tua mu kʼivua jinga mu mátui metu.

I Jisobha 8:23

Uixi: Eie u Ngana, Nzambi ia Izalaiele, kana-ku Nzambi kala eie, né bhulu ku maúlu mba mu ngongo bhoxi, eie u bhakela abhikʼé o kikutu ni mbote, oso enda ni muẋima ua kidi bhu pholo ié.

I Malunda 16:25

Kuma Jihova Munéne, uafuama ku mu ximana kiavulu, mukonda muene ukôla o jinzambi joso ndenge.

II Malunda 2:5

O inzu-phe i nga-nda kutunga, ia-ndu kala ia dikota, mbata o Nzambi ietu Munéne o jinzambi joso ndenge.

II Malunda 6:14

uixi: Eie Jihova, Nzambi ia Izalaiele! Kana-ku Nzambi uedi kala eie, kixi mu diulu kixi mungongo, u tena kubhaka o kikutu ni ku kuatela henda ku abhikʼé oso enda ni muẋima ua kidi bhu pholo ié;

Jisálamu 113:5

Kadi nanhi, u soka ni Jihova, Nzambi ietu? uala ni kiandu kiê bhu ditala dia di leka.

Jisálamu 119:120

Xitu ja ngi teketa mukonda dia uoma ué, kuma o kufundisa kué, Ngana, ku kôla.

Jisálamu 136:4

U bhanga madiuanu, muene ubheka uê; kuma kulenduka kuê ki kuene kúbhua.

Jisálamu 145:17

Jihova mukua kidi mu njila jê joso, muene ukôla mu ikalakalu iê ioso.

Jisálamu 22:23

Enu mu akua uôma ua Jihova, ndokuenu mu mu ximane; enu oso mu mbutu ia Jakobo, mu tangienu o fuma; mu ẋidienu, enu mu mbutu ioso ia Izalaiele.

Jisálamu 35:10

Ngevu muene katé ni ifuba iami i ki tanga, kuma eie u Jihova ku moneka luiadi! Nanhi u soka-nê mu kubhulula ió uatâte, xi, ni phulungu ni ngadiama, kua ió a mesena o ku a bhûnda?

Jisálamu 60:2

Ixi ua i teketesa, ua i tandujula; saka, Ngana, o misula iê, kuma hanji iii tunguta.

Jisálamu 66:5

Zenu, mu tale o ikalakalu ia Nzambi; muene kilamba mu kutumina anʼathu!

Jisálamu 77:11

Ngi tanga o iphata ia bhanga jinga Jihova; ngi kuata ku madiuanu mé ma xahulu.

Jisálamu 77:14

Eie eie Nzambi ia kubhanga o madiuanu; ifuẋi ia athu ua idikiza o nguzu ié.

Jisálamu 77:19

Uendelu ué, Ngana, ua bhiti mu musanza ua kalunga, njila jé ji tandula mu kaxi ka mabhuku, manhanhu mé ka tena ku a mona.

Jisálamu 86:10

Mukonda eie, Ngana, u kôla! U mukua kubhanga madiuanu! eie ngó ubheka ué u Nzambi!

Jisálamu 86:8

Mu jinzambi kana-mu, Ngana, ua soko ni eie; kana-ku ue ikalakalu kala o ikalakalu ié.

Jisálamu 89:18

Kuma ngubu ietu ia tu xitila, u Jihova, eie ua i kuata; ni sobha ietu ua tu kala ku pholo, isèngele ia ngene ia Ngana Ukôla ia Izalaiele.

Jisálamu 90:11

Nanhi-phe ua te muẋima mu kuijiia kuila njinda ié i nema? o kuluuala kué nʼa ku kala ni uôma kala kia tokala?

Makatukilu 18:11

O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.

Makatukilu 20:3

Kana kukala ni nzambi jengi bhu pholo iami.

Makatukilu 3:20

Maji eme nga kà sununa lukuaku luami, Ijito ngi mu kuama muene ni madiuanu mami oso u ngi kalakala muʼaxaxi kê; katé ki a bhua kubhita, kiene kiua ki a mi eha.

Makatukilu 8:10

Muene, uixi: Mungu. Mozé uixi: Ki bhita muene, kala ki ua tange eie; phala eie u kʼijiie kuma kana-ku dingi u soka ni Johova, Nzambi ietu.

Makatukilu 8:6

Alá anga u sununa lukuaku luê ku thandu dia menha ma Ijitu; mazote anga a banda, hé ezalesa ixi ioso ia Ijito.

Makatukilu 9:14

Mukonda o kiki kiá nga-nda kutumikisa o mabhebhu ami oso ku thandu dia muxima ué, ni ku thandu dia akua mbèle ié, ni ku mundu ué; phala eie u kʼijiie kuma eme ki ngi moneka mukuetu nga soko-nê mu ngongo ioso.

Izaía 30:11

Njila xenu-iu bhu mbandu, abhukenu mu kikoka: bhangesenu-kiu muene kuila o Dilemba dia Izalaiele ka kale dingi bhu mesuʼetu.

Izaía 40:18

Enu-phe mukuahi mu mu di-fuanganesa ni Nzambi? Mba mu mu fikisa ni kima kiahi?

Izaía 40:25

Mua-nda ku ngi sokesa-phe ni mukuahi, ngi tena ku di fuangana-nê? Kiene kiambe Nzambi Ukôla.

Izaía 46:9

Lembalalenu ima ia bhita tundé mu xiahulu; Kuma eme-muène ngi Nzambi, kana-ku Nzambi iengi, kana-ku ua soko nʼeme,

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 6:3

Anga jikuata ku di tambuijila, kuila: Ukôla, Ukôla, Jihova dia Ilômbo Ieta! Oxi ioso iezala ni fuma ié!

Jelemiia 10:16

O dikanda dia Jakobo-phe, ki dia di fuangana ni iá; kuma muene-muène mubhangi a ima ioso, o Izalaiele muene mbangala ia undundu uê; Jihova dia Ilombo Ieta, diene o dijina diê.

Jelemiia 49:19

Kuma mukuá ni hoji ki i tunda ni kubanda ku Njolodá, iendela kubula dibhata dia dizonda; mbata mu kithangana kiofele ngó, bhua kexile ngi mu kaiesa-bhu, o ngi mu sola eme nanhi, ni ngi mu te ditala dia ku mu tumina? Mukonda, nanhi ua di fuangana nʼeme? Nanhi u ngi xindila kithangana? Mubidi nanhi u tena kuimana bhu pholo iami?

Ijila 19:2

Ambela o kionge kioso kia anʼa Izalaiele, u a tangela kiki: Kibhinga muzela, mukonda Eme, ngi Jihova Nzambi ienu, ngazela.

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Luka 12:5

Eme ngi mi londekesa-phe uoso mu mu kuatela uôma: Mu kala ni uôma ua Nzambi, ió kia zubha kujibha o mukutu, u tena ue ku mi takula mu ʼalunga ka túbhia. Xi, nga mi ambela muene: Kalenu ni uôma ua Nzambi! Muenió mu ẋidienu.

Matendelelu 1:30

Jihova Nzambi ienu, uoso ua-nda ku mi tuamenena, muene ua-nda ku mi bhangela o mvunda, kala kia mi bhange mu ima ioso ia bhange kiá, ki mua di muena ku mesuʼenu mu Ijito;

Matendelelu 3:24

Muadi Jihova, tata! Eie u Ngana uakalelà-ku, selevende ié uandeka kiá o ku mu londekeza kijingo kié, ni kioso kiene o lukuaku lué lua suina; kuma Nzambi kuẋi mu diulu ni mu ngongo, u kala ni uzonda kala o uzonda ué ni kubhanga o ima ia makota kala o ikalakalu ié ia nguzu i uene kubhanga?

Matendelelu 33:26

Kazola kami, kana-ku muthu ua di fu ni Nzambi ié! Ukanduka maúlu mu kuiza ku ku banda; o unéne uê u di-leka-na-u ku matuta moso ma beta kuia bhulu.

Matendelelu 4:34

Inga kua kexi kiá Nzambi ua xikina o kutambula kifuẋi phala muene nuʼaxaxe ka athu engi, ni jipolova ni isuma, ni madiuanu, ni kúlua mvunda, ni lukuaku lua suina, lua sununuka, ni ima iavulu i kuatesa uoma kala ia bhange Jihova Nzambi ienu, ku mesuʼenu, mu Ijito?

Dijingunuinu 13:4

Ene oso anga a bheza o mudikixi, mukonda muène ua bhana o kijingo kiê ku kiama. Anga a bheza ue o kiama, exi: Nanhi ua soko ni kiama mu nguzu? Ua tena kùlua-nê, mukuahi?

Dijingunuinu 15:4

Nanhi u kamba kukala ni uôma ué, eie Ngana? Uebhi, Ngana, ka mesena kutanga o unéne ué? Mukonda eie-muène ngó ubheka ué ukôla! Akua jixi joso a kèza bhu pholo ié mu ku ku ximana, mbata o ikalkalu ié iaiuka, athu enhoso a mu i mona.

Dijingunuinu 4:8

Kala kiama ki kala ni mabhabha masamanu ezala mesu ni moxi ni ku kanga. Muanha ni usuku ki iene kunhoha, ia kuata kuila: U kôla, u kôla, u kôla, Ngana Nzambi Muteni-a-ioso, ua kexile-ku, kiki iú-é, hádia muene uà kala-ku!

I Samuuele 2:2

Ua kambe ituxi kala Jihova ka moneka, kuma eie u Nzambi ku moneka mukuenu a ku fika-nê; kana-ku ndánji iengi i soka ni Nzambi ietu.