Makatukilu 15:10 - O Mikanda Ikola

¹⁰ Ua bhusu ni kitembu kié, kalunga ka a bhiti ku thandu; a njoboka kala xumbu mu mabhuku a makota.

Makatukilu 15:10 ပူးပေါင်းရင်းမြစ်များ

Dimatekenu 8:1

Nzambi anga u lembalala Noué, ni iama ioso ia muenhu, ni ibhaku ioso iala-nê mu álaka; Nzambi anga u bhangesa kitembu kubhuka mu ngongo, menha ma kala mu sosoloka.

II Samuuele 18:8

Kuma ita ia di zalala mu mukáu uoso uenhó, o mundu uadiua mu ditutu kizuua kienhokio ala kota mu ku vula, a diua ku mazu a xibhata ndenge.

Nehemiia 9:11

Eie anga u bula o musanza ua kalunga bhu pholo iâ, ene hé a bhita mu kaẋi ka kalunga, bhoxi diòkukutu; a kexile mu kuiza ni ku a kaiela, anga u a bobesa mu dikungu dia zongo, mukua ni ditadi dia sonokena mu mafutʼa menha.

Jisálamu 135:7

U bhangesa mbundu kutuka jinga ku maẋokololo a jixi; u bhangesa nzaji ienda ni mvula; u katula kitembu mu dibhakelu diê.

Jisálamu 147:18

U tuma dingi kizuelu kiê, a sengumuka; kitembue kiê ki bhuka, menha mê ma kunguluka.

Makatukilu 14:21

Mozé anga u sunununa o lukuaku luê ku thandu dia kalunga; Jihova anga u vutula o menha a kalunga ni kitembu kia mutundila-kumbi kia bhuka usuku uosʼô, ki kia bhangesa kuila bhu kaẋi bhua kukuta, menha a di uanununa mbandu ni mbandu.

Makatukilu 15:5

Mabhuku ma a bhiti ku thandu; a boba muʼ alunga ka zongo mukuâ ni ditadi.

Jisabhu 30:4

Mukuahi ua bandele kiá ku diulu iu ua tuluka? Mukuahi ua koteka o kitembu bhu maku mê? Mukuahi ua kutila menha bhu kizuatu kiê? Mukuahi ua xikika o jihota joso jaʼxi? Dijina diê nanhi, mba o dijina dia monʼê nanhi, se eie ua mu ijiia.

Izaía 11:15

O Jihova ua kà jikinisa lalá o kisanga kia musanza ua Ijitu, ua kà zambesa lukuaku luê mu kubilukila o Ngiji, ni nguzu ia kibhungu kiê; o kia-nda kuila ua i kuama, u i uana mu lusambuadi; sambuadi diê dioso dia mijinga, u i kukutisa katé athu enda ni kubhitila-mu ni jisabhatu ku inama.

Jelemiia 10:13

O Muene kievisa dizui diê, mu diulu mu kala kilungutu kia menha, o ku a suku oxi ifuke iia ni kubanda: muene u bhanga itelu-tèlu ia nzaji phala o mvula, hé u tubhula o kitembu mu malundilu mê.

Jelemiia 46:17

Anga a di kola bheneʼobho, exi: Falaó, sobha ia Ijitu, ua di bhangiʼé ngó muxindu ua hatu; kuma kithangana kia xindile ua ki bhitisa.

Amoji 4:13

Kuma Muene, muene uombu o milundu iu ua iudika ue o kitémbue, u tanga ixinganeku ia muthu, kimene u ki bhilula usuku, mavu u a bhita bhu thalʼèlele; dijina diê Jihova, Nzambi ia Ilômbo Ieta.

Matesu 8:27

Mala enhá anga a diuana, exi: Muenhú muthu ua kídifua kiahi, ua bhingi kuila ni kitembu kiá ni menha ma kizanga ma mu belesela?

Matendelelu 11:4

nuka amuene ue kioso kia bhange Jihova o kilômbo kia masoladi a ita a akua Ijito ni jikabalu jâ, ni makalu mâ, kia a lundumuka o menha ku thandu, mu Musanza-ua-Kalunga-ka-Kusuka kioso kia mi landamekene, Jihova anga u a jima mbutu, katé kiki aia muene nzaká;