Makatukilu 15:1 - O Mikanda Ikola

¹ Kizuuʼokio Mozé ni anʼa Izalaiele emba muimbu iú, mu kuximana Jihova, exi: Ngʼimbila Jihova, kuma Muene ua di jingisa kinéne; ni kabalu ni iú ua sambela-ku ua a texe mu menha.

Makatukilu 15:1 ပူးပေါင်းရင်းမြစ်များ

Nehemiia 9:11

Eie anga u bula o musanza ua kalunga bhu pholo iâ, ene hé a bhita mu kaẋi ka kalunga, bhoxi diòkukutu; a kexile mu kuiza ni ku a kaiela, anga u a bobesa mu dikungu dia zongo, mukua ni ditadi dia sonokena mu mafutʼa menha.

Jobe 36:24

Ta-kiu ku muxima, o ku jingisa ikalakalu ia Nzambi ia di monekena ku athuʼoso.

Jisálamu 105:43

Kala kiki, uendesa mundu uê ni ngalasa ioso, anʼê angene enda ni kuta nzongo ia kikóue.

Jisálamu 106:12

Bhenhobho a xikana kiua o maka mê; anga emba hanji ni ku mu ximana.

Jisálamu 107:15

Tamano-phe a ximana jinga Jihova, ni kuxinganeka jimbote jê, ni madiuanu oso ene mù bhanga ku anʼathu mu ngongo!

Jisálamu 107:8

Tamano-phe a ximana jinga Jihova, ni kuxinganeka jimbote jê, ni madiuanu oso ene mù bhanga ku anʼathu mu ngongo!

Jisálamu 32:7

Kuma uoso ua kondamena ko kué, eie u mu bhaka kididi; ka mu tatesa dingi, maji u kala mu kuimba, mu kusangulukila o ubhulukilu ué. (Selah.)

Jisálamu 76:6

Eie, u Nzambi ia Jakobo, ki ua a temena, ni dikalu, ni kabalu, ene oso aia kilu kia muiokoioko.

Jisálamu 76:7

Eie, eie Ngana, Ukôla! U kuata uôma! ki ku kuata o njinda ié, nanhi u tena kuimana-bhu?

Makatukilu 14:26

Jihova anga u ambela Mozé, uixi: Sunununa dingi lukuaku lué ku thandu dia kalunga, phala menha ma vutuke mu bobesa akua Ijitu, ni makaluʼâ, ni kavalelu jâ.

Makatukilu 14:27

Bhenhobho Mozé anga u sunununa lukuaku luê ku thandu dia kalunga, kalunga anga ka vutuka ni nguzu bhu kididi kiê, kuila kuma ku kúkia; akua Ijitu anga a sota kulenga, maji Jihova ua bobesa akua Ijitu mu kaẋi ka kalunga.

Makatukilu 15:21

Midiiana anga u tambuijila, uixi: Imbidienu Jihova o kikóue kia undanda; kuma ni kabalu ni iú ua sambela-ku, ua a texi mu menha.

Makatukilu 18:11

O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.

Jisabhu 29:6

Muthu ua iibha o muẋima, o kutondala kuê ku di bhanga díbhebhe; maji o muthu ua iuka-phe, ukala jinga mu kuimba ni kutana.

Izaía 42:10

Imbilenu Jihova mukumbi uobhe, o diximanu diê diende muene ni ku tokomoka tundé kua suku oxi; teketenu enu ue mua mu kuendela ku thanduʼa kalunga mu jinaviiu ni ima ioso iene-mu, nʼenu ue mu ikolo ni oso a tunga-mu.

Jelemiia 51:21

Ni kabalu ni iú ua sambela-ku ngʼa sasujula nʼeie; ni dikalu ni uoso uia mu dikalu ngʼa sasujula nʼeie.

Hozeia 2:17

O majina ma mahamba mê, mu kanu diê nga-nda ku ma katula-mu, majina ma iteka ioio ka kà muiza dingi mu kilunji kiê.

Habakuke 3:18

né kienhókio, eme hanji nga kà sangulukila mua Jihova; nga kà tumbujuka ni ngalasa mua Nzambi ia ubhulukilu uami.

Dialuilu 21:17

Bhenhobho Izalaiele emba mukumbi uâ, exi: Imbilenu-kiu! Fuafua, u kixima,

Kolose 2:15

O jinguzu ja maukota ni maungana ji fudisa mu nzumbi, Kristu ua ji tolola, ku dikulusu diê. O maukota ni maungana enhó a fudisa mu nzumbi, iú ua a bhake mu kanga ni ku a tadika ku jisonhi kioso kia kola o kikoue ku dikulusu dienhodio, ni ku a bhanga jihutile jê.

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!