Makatukilu 14:4 - O Mikanda Ikola

⁴ Eme-phe ngi kolesa o muxima ua Falaó, o muene ua-nda ku a kaiela, eme bhenhobho nda ngi fumane ku thandu dia Falaó, ni ku thandu dia kilombo kiê kioso, akua Ijitu phala à kʼejiie kuma eme Jihova, O ana a Izalaiele anga a bhanga kienhókio.

Makatukilu 14:4 ပူးပေါင်းရင်းမြစ်များ

Nehemiia 9:10

Anga Falaó u mu idikiza ijimbuete ni madiuanu, ni akua mbèle iê oso, ni akua ixi iê oso; mukonda eie uejidile kuma ene a bhangele phulu iavulu ku jitata jetu; eie mu kubhanga kienhiki ua di bhekela dijina dinangenena, kala ki tua mu ki mona leluʼiki.

Makatukilu 10:2

Eie muene hinu u ki tangela ue anʼé ni alaulʼé, ima ioso i nga kalakala mu Ijitu, ni ijimbuete iami i nga mu bhanga muʼaxaxe kâ phala mu kʼijiie kuma eme ngi Jihova.

Makatukilu 10:27

Maji-phe Jihova ua kolesʼê o muxima ua Falaó, ka ẋikina ku a eha.

Makatukilu 12:28

Anʼa Izalaiele anga a tunda-bhu, a ki bhanga; kioso kia tumu Jihova kua Mozé ni Alá, a ki bhange muene.

Makatukilu 14:23

O akua Ijitu a kexi mu ku a kaiela, anga a kutuka uâ mu kaẋi ka kalunga, ni jikamelo ja Falaó, ni makalu, ni kavalelu jê.

Makatukilu 14:25

Anga u mbonjomona o malola ku makalu mâ, katé aia ni ku a kukila bhoxi, akua Ijitu anga a zuela, exi: Tu lengienu o pholo ia Izalaiele; kuma Jihova uala ku a bhangela, iú u a mu bhondeleka akua Ijitu.

Makatukilu 14:3

Falaó-phe mu kutala anʼa Izalaiele, ua-nda kuila, uixi: A sukamena, a batukila mu kingalakata, kuma o kikangalakata kia a kondoloka.

Makatukilu 14:5

O kia ki tangela Falaó kuila o mundu ia lenga, muxima ua Falaó ni ua akua mbêle iê anga u aluluka, exi: Tua bhange kiebhi, tueha Izalaiele kuiê, ua kexi mu ku tu bhikila?

Makatukilu 14:8

Kuma Jihova ua kolesa o muxima ua Falaó, muenexiʼa Ijitu, anga u kaiela anʼa Izalaiele, mukonda muene ua fika kuma anʼa Izalaiele a mu baluka; manhi sai lukuaku lua nguzu lua a katula.

Makatukilu 18:11

O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.

Makatukilu 6:7

eme anga ngi mi tambula kukala mu mundu uami, anga ngi kala ngi Nzambi ienu; hinu mu kʼijie kuma eme Jihova, Nzambi ienu, nga tena ku mi katula bhoxi dia imbamba ia mi xina akua Ijitu.

Makatukilu 7:17

Jihova uambe kiki: Bhene bhu ua-nda ku ngʼijidila kuma eme Jihova; bheniabha-phe, mbangala i nga kuatʼiii nga-nda kubeta na-iu ku menha ala mu honga, ene-phe a-ndu kituka manhinga.

Makatukilu 7:3

Eme-phe ngi kolesa o muxima ua Falaó, ngi vudisa ijimbuete iami ni madiuanuʼami mʼoxi ia Ijitu.

Makatukilu 7:5

O akua Ijitu-phe a kejiia kuma eme ngi Jihova, kioso ki ngi sunununa lukuaku luami ku thandu dia Ijitu, mu katula anʼa Izalaiele muʼaxaxe kâ.

Makatukilu 9:16

maji-phe kiene ki nga ku bhakela ku muenhu, phala ku ku idikiza kutena kuami, mbé o dijina diami di fumane mu ngongo ioso.

Izekiiele 20:9

O ki nga bhange-phe kiá, nga ki bhangela ngoho o henda i nga kuatela o dijina diami, mbé ka di kasanese bhu mesuʼa akua jixi, mua kexile ene, mu kaxi kâ, a mono kioso ki nga di tukulula kua ene, phala ku a katula mʼoxi ia Ijitu.

Izekiiele 28:22

u zuele, kuma: O Jihova, Nzambi, uambe kiki: Emʼiú mu kuzoka nʼeie, éʼSidone, a-nda ku ngi zangeleka muʼaxaxe ké; inga a kà kʼijiia kuila eme ngi Jihova, kioso momuʼé ki nga kà fundisa-mu ni mabhatuilu ma kidi, hé ngi kala ni kukola momuʼé.

Izekiiele 32:15

Kioso eme o ixi ia Ijitu ki nga-nda ku i bilula jingùndu, anga o ixi iosololo mu kutenena kuê kuoso i kituka jingûndu, o kioso ki nga-nda kunemeka ene oso a tungu-mu, kuabhu-phe, kiene kiua kia í kà kʼijiia kuila emiʼeme ngi Ngana.

Izekiiele 38:16

Anga eie ua kà banda mu kúlua ni mundu uami ua Izalaiele, mukuâ ni dituta phala kuvungina o ixi iami iene, mbé o akua jixi a tene ku ngʼijiia eme, kioso eme ki nga-nda ku di kolêsa, bhu mesu mâ, eie u Ngongo, tata!

Izekiiele 38:23

Mu kienhiki eme nga-nda ku di kudisa anga ngi di kolêsa, anga ngi bhangesa kuila a ngʼijiia bhu mesu a miji ia vulu; hé a kà kʼijiia kuila eme-muène ngi Ngana.

Izekiiele 39:13

Kiene muene, o mundu uoso mu ixi, ene a kʼènda ni ku a funda; anga ene a kà kʼi-ta ku mukumbi, o kizuua kia-nda ku ngi fumanesa, ene Jihova Nzambi ua ki tange.

Ijila 10:3

Mozé anga uambela Alá, uixi: Kiki kiene kia tange Jihovaʼiki, kuila: kuzela kuami nga-nda ku ku londekeza ku ió oso a ngi zukama anga bhu pholo ia mundu uoso ngi kala ni kijingo. Maji Alá-phe ua di xibhʼê.

Loma 11:8

Kala kia ki soneka mu Mikanda Ikôla, exi: Nzambi ua a kolesa o miẋima ni ilunji iâ. Katé ni lelu mesu mâ ma lémbua o kumona, o matui ma lémbua kuiva.

Loma 9:17

Kala kia ki soneka mu Mikanda Ikôla kuma Nzambi ua tangela Falaó, uixi: Kiene ki nga ki bhangela o ku ku zangeleka ku usobha, phala o nguzu iami ni i monekene ko-kué, mbé dijina diami ni di fumane mu ngongo ioso.

Loma 9:18

Uila kiki, Nzambi u lendukila uoso ua mu andala, o ka mu andala u mu kolesa o muẋima.

Josuué 11:20

Mukonda kia tundile kua Jihova kuene, o ku a kolesa muẋima, mbé a solomoke mu kauidila Izalaiele ni mvunda; ia a di bhange-kiu, oso muene buí, sé ngó dingi ku a kuatela henda; mbé o ku a jima mbutu ene oso, kala kia ki tendelela Jihova kua Mozé.

Afundixi 4:7

Eme-phe ngi bhangesa kuila Xixela, kabhitangu ka kifuẋi kia Jabine, ni makalu-mê ni mundu uê, ngʼa bheka mu honga ia Kixone, hé ngi mu bhakula bhu lukuaku lué.