Makatukilu 14:31 - O Mikanda Ikola

³¹ Izalaiele anga a mona o kidiuanu kia kalakala Jihova mu kubuidisa akua Ijitu; mundu anga a kala ni uoma ua Jihova; anga a xikana Jihova, ni selevende iê Mozé.

Makatukilu 14:31 ပူးပေါင်းရင်းမြစ်များ

II Malunda 20:20

Mu kimenemene kia selu anga a balumuka, hé a tunda mu kuia ku kikangalakata kia Tekoua; kioso ene kia mu tunda, Jozafate u nzongamana hé u handekela, uixi: Ngʼivienu, eie Juda, ni enu mua tunga mu Jeluzaleme; xikanenu kua Jihova, Nzambi ienu, nda mu kale bhua kondama; xikanenu ku jipolofeta jê mua kà zediue.

Nehemiia 9:9

Anga u mona dilamba dia jitata jetu mu Ijito, anga uívua o kudikola kuâ ku mbanduʼa Kalunga Ka Kusuka.

Jisálamu 119:120

Xitu ja ngi teketa mukonda dia uoma ué, kuma o kufundisa kué, Ngana, ku kôla.

Makatukilu 19:9

Jihova anga u ambela Mozé, uixi: Eme nga-nda kuiza kokué; ngi ku tulukila mu dituta dia kitombe, phala o mundu a dʼivile kioso ki ngi ku zuelesa, phala eie ue a ku xikane katé ku hádia ni hádia. Kuma Mozé ua tangela Ngana kioso kia vutula o mundu ue.

Makatukilu 4:31

Kifuẋi anga a xikana; o kia zubha kuívua kuma Jihova ua suu anʼa Izalaiele iú ua mono o jiphaxi jâ, ene a bheteka o mítue, anga a bheza.

Luka 8:13

Oso ala ku thanduʼ a matadi, ene, ki évua o maka, a ma tambulula kiambote; ene-phe kuma a kambe jindanji, a xikana ngó kathangana, o bhu kumbi dia phaxi, a lémbua-ku kiá.

Nzuá 11:45

Avulu ku Jijudé, eza mù kunda Madiia, kia zubha ku mona Jezú kia bhangʼ iki, a mu xikana.

Nzuá 2:11

Jezú ua bhange kidiuanuʼiki, kia dianga, mu Kaná ka Ngalileia. Mu kubhanga kiki, ua tukulula o ungana uê, o jixibulu jê anga ji mu xikana.

Jipoxolo 8:13

Ni muene Ximá, anga u xikana. O kia mu batizala, u kala mu kuenda ni Felipe, hé u kala mu talesa o isuma ni madiuanu ma makota mala kubhanga, anga u diuana.

Jihebeleu 3:5

O Mozé kidi kiene, ua kexi fiiele mu kikalakalu kiê mu dibhata dioso dia Nzambi. Ua kexi-phe selevende ia kidi, hé u kala mbangi ia Nzambi ia ima ioso ia xedi-ku mu ku i zuela ku hádia.

Josuué 24:7

Ene anga a di kola kua Jihova, muene iú ua te kitombe bhuʼaxaxi kenu ni akua Ijitu, usunga kiua o musanza ua kalunga ku thandu diâ, anga ua vunga; enu-phe mesu enu a di muena kioso ki nga bhange ku akua Ijitu. O ki kia bhiti, mua nakina ndumba ia izuua mu kikangalakata.

Josuué 4:14

Mu kizuua kienhókio Jihova ua jingisa Josuué ku mesuʼa Izalaiele ioso; anga a mu kala ni uoma, kala kia kexi ni uoma ua Mozé katé bhu ufuilu uê.

Josuué 4:24

mbé ifuẋi ioso mu ngongo ejiie kuma lukuaku lua Jihova lu kôla; enu uenu ni mu kale ni uoma ua Jihova, izúua ioso, katé ku hádia ni hádia.

I Samuuele 12:16

Kiki-phe imanenu, mu mone madiuanu ma-nda kubhanga Jihova ku mesu menu. Bhu kumbiʼabha manhi ki kixibhu, thembu ia kubhongolola tiliku?

I Samuuele 12:18

Bhenhobho Samuuele anga u dikola kua Jihova; Jihova anga u tumikisa inuminu ni mvula kizuua kienʼokio. Mundu uoso anga a kala kiavulu ni uoma ua Jihova, ni uoma ua Samuuele.