Makatukilu 14:28 - O Mikanda Ikola

²⁸ Kuma menha ma vutuka, makalu ma boba, ni asambedi a jikabalu, ni kilômbo kioso kia Falaó, ene oso a kaiela ni kukutuka mu kaẋi ka kalunga; né muthu ngó ka subhuka-ku.

Makatukilu 14:28 ပူးပေါင်းရင်းမြစ်များ

Dimatekenu 50:9

A bandela kumoxi ni makalu, ni athu a di te ku jikabalu, kífua kilômbo kia dikota muene.

Dimatekenu 7:18

Menha anga a suina, a bobesa ixi ioso; álaka anga i kala mu kuendela ku thandu dia menha.

II Malunda 20:24

Kieneʼokio-phe ue, Juda ua bhixila bhu kilangidilu kia kikangalakata; o kia tale ku kifuẋi, a mono kuila mikutu ngó ia imbi ia fu, ia zeka bhoxi, ni umoxi ngó ka subhuka.

Nehemiia 9:11

Eie anga u bula o musanza ua kalunga bhu pholo iâ, ene hé a bhita mu kaẋi ka kalunga, bhoxi diòkukutu; a kexile mu kuiza ni ku a kaiela, anga u a bobesa mu dikungu dia zongo, mukua ni ditadi dia sonokena mu mafutʼa menha.

Jisálamu 106:22

ni madiuanu mʼoxi ia Hame, ima ia undanda muene i kuata uoma, bhu ndundu ia Kalunga Kakusuka.

Jisálamu 136:15

Maji Falaó ni kilômbo kiê ua a kukumuina muʼAlunga kakusuka; kuma kulenduka kuê ki kuene kúbhua.

Jisálamu 78:53

U a songuela jinga mu iluezu, ene ka kala ngó ni hele; jinguma jâ-phe ua ji bobesa mu menha.

Makatukilu 14:13

Mozé anga u ambela o mundu, uixi: Ki mu kale ni uoma; ximbakatenu nda mu mone o ubhuluilu ua Jihova, ua-nda ku mi bhanga lelu; kuma o akua Ijitu mua-lu mona lelu, ku pholo ku tuia nuka dingi mua kà a mona.

Makatukilu 15:10

Ua bhusu ni kitembu kié, kalunga ka a bhiti ku thandu; a njoboka kala xumbu mu mabhuku a makota.

Makatukilu 15:19

Kuma o jikabalu ja Falaó, ni makalu mê, ni jikavalelu jê, a a bobesa; anʼa Izalaiele-phe ni muʼaxaxi ka kalunga endela bhoxi dia kukuta.

Habakuke 3:13

Eie ueza phala ubhulukilu ua povo ié, Eie ueza phala ubhulukilu ua ió ua mʼundu ni maji; o inzu ia mukua phulu, eie ua i bukula o mukambu ua hongo, eie ua i vulumuna o madisesa mê katé koxi.

Matendelelu 11:4

nuka amuene ue kioso kia bhange Jihova o kilômbo kia masoladi a ita a akua Ijito ni jikabalu jâ, ni makalu mâ, kia a lundumuka o menha ku thandu, mu Musanza-ua-Kalunga-ka-Kusuka kioso kia mi landamekene, Jihova anga u a jima mbutu, katé kiki aia muene nzaká;

Jihebeleu 11:29

Kiejila mu kuxikana, anʼ a Izalaiele kia zauka o Musanza Uakusuka kala bhoxi dia kukuta. O akua Ijitu kia fikisa ue kuzauka, a boba mu menha a kalunga.

Afundixi 4:16

Balake-phe uia ni kukaia makalu, ni kukaia kilombo kioso kia kifuẋi kia Xixela katé bhu Halosete ia matumbu; kifuẋi kioso kia Xixela anga a ki leleka ku mazu a xibhata; ki bhuala diiala dia xala-bhu, né umoxi ngó.