Makatukilu 14:27 - O Mikanda Ikola

²⁷ Bhenhobho Mozé anga u sunununa lukuaku luê ku thandu dia kalunga, kalunga anga ka vutuka ni nguzu bhu kididi kiê, kuila kuma ku kúkia; akua Ijitu anga a sota kulenga, maji Jihova ua bobesa akua Ijitu mu kaẋi ka kalunga.

Makatukilu 14:27 ပူးပေါင်းရင်းမြစ်များ

Nehemiia 9:11

Eie anga u bula o musanza ua kalunga bhu pholo iâ, ene hé a bhita mu kaẋi ka kalunga, bhoxi diòkukutu; a kexile mu kuiza ni ku a kaiela, anga u a bobesa mu dikungu dia zongo, mukua ni ditadi dia sonokena mu mafutʼa menha.

Jisálamu 106:11

Menha a bhita ku thandu dia jinguma jâ; né muthu umoxi ngó ka subhuka-ku.

Jisálamu 136:15

Maji Falaó ni kilômbo kiê ua a kukumuina muʼAlunga kakusuka; kuma kulenduka kuê ki kuene kúbhua.

Jisálamu 78:53

U a songuela jinga mu iluezu, ene ka kala ngó ni hele; jinguma jâ-phe ua ji bobesa mu menha.

Izaía 10:26

Kuma Jihova dia Ilômbo Ieta ua kà mu fundumuina mabhebhu a soka ni kijibha kia bhitile mu Midiiane, bhua zukama ni ndanji ia Olebe; mukuâ ni mbangala ié ku thandu dia Kalunga Kakusuka; kiene kia kà bhanga Asídia kala kia bhangele akua-Ijitu.

Matendelelu 11:4

nuka amuene ue kioso kia bhange Jihova o kilômbo kia masoladi a ita a akua Ijito ni jikabalu jâ, ni makalu mâ, kia a lundumuka o menha ku thandu, mu Musanza-ua-Kalunga-ka-Kusuka kioso kia mi landamekene, Jihova anga u a jima mbutu, katé kiki aia muene nzaká;

Jihebeleu 11:29

Kiejila mu kuxikana, anʼ a Izalaiele kia zauka o Musanza Uakusuka kala bhoxi dia kukuta. O akua Ijitu kia fikisa ue kuzauka, a boba mu menha a kalunga.

Josuué 24:7

Ene anga a di kola kua Jihova, muene iú ua te kitombe bhuʼaxaxi kenu ni akua Ijitu, usunga kiua o musanza ua kalunga ku thandu diâ, anga ua vunga; enu-phe mesu enu a di muena kioso ki nga bhange ku akua Ijitu. O ki kia bhiti, mua nakina ndumba ia izuua mu kikangalakata.

Josuué 4:18

Mu ku ki bhanga-phe, jinganga ambata álaka ia kikutu kia Jihova, kiedi a zaúka, mu kaẋi ka Njolodá a tundu-mu, inama iâ anga i tula ku mukáu kua kukuta, menha a Njolodá a vutuka dingi ni ku kunguluka mu honga iê; ni sámbua ni sámbua diezala dingi kala kia kexile.