Makatukilu 14:25 - O Mikanda Ikola

²⁵ Anga u mbonjomona o malola ku makalu mâ, katé aia ni ku a kukila bhoxi, akua Ijitu anga a zuela, exi: Tu lengienu o pholo ia Izalaiele; kuma Jihova uala ku a bhangela, iú u a mu bhondeleka akua Ijitu.

Makatukilu 14:25 ပူးပေါင်းရင်းမြစ်များ

II Malunda 20:29

O uoma ua Nzambi anga u tulukila ku thandu dia mautuminu moso mu jixi jeneʼojo, kioso ene kievu kuila Jihova ua bhângela Izalaiele ku jinguma jê.

Nehemiia 4:14

Eme-he ngixi suíin, o ki nga zubha kutonginina ioso, anga ngi balumuka, hé ngi tangela o jingana, ni afundixi, ni kifuxi kiamukuá; ngixi: Enu kana ku a kuata uoma; mu xinganeka ngó Ngana, muene Langala-ngongo, u kuata uoma, anga mu bhângela phange jenu, ni anʼenu, ni akajʼenu ni jinzo jenu.

Nehemiia 6:16

Anga ki bhita kuma, o jinguma jetu joso, ki a kʼivu, uoma u a kuata, matumbu oso muene a tu kondolokele mu jimbandu, anga a bhuila ku mixima iâ-ene muene; mbata a tetuluka kuma Nzambi ietu muene ua bhange o kikalakalu kiki.

Nehemiia 9:11

Eie anga u bula o musanza ua kalunga bhu pholo iâ, ene hé a bhita mu kaẋi ka kalunga, bhoxi diòkukutu; a kexile mu kuiza ni ku a kaiela, anga u a bobesa mu dikungu dia zongo, mukua ni ditadi dia sonokena mu mafutʼa menha.

Jobe 11:20

Maji-phe o isuéia, mesu mâ ma kà zonda; disuamu diâ ki dia kà moneka; kudielela kuâ, kua kà kala ngoho o kúfua kuene.

Jobe 20:24

O kia kà lenga mata a utadi ua felu, mufula ua ngôndo ua kà mu tundidila kumbandu ia mukuá.

Jobe 27:22

Ima iosuʼiii, Nzambi u mu lunduluila-iu muene ku thandu diê, ka muʼehela, kana; sumbala muene u sota kulenga bhu lukuaku lua Nzambi.

Jisálamu 35:1

Fúnda o mulonga uami, eie u Jihova, ni iá u nga di kuata-nâ, bhânga, Ngana, ni iá ala kubhânga ni eme.

Jisálamu 46:9

Ita ua i suikika katé ku maẋokolo aʼxi; uta ua mufula ua u bukula, dionga ua di batula mu kaẋi; o makalu a ita ua oha mu túbhia.

Jisálamu 68:12

Jisobha ni ilómbo iâ, a a bhesa lusolo; o ndona ua xedi ku bhata, muene uala mù uana kiá imbamba ióbhunde.

Jisálamu 76:6

Eie, u Nzambi ia Jakobo, ki ua a temena, ni dikalu, ni kabalu, ene oso aia kilu kia muiokoioko.

Makatukilu 14:14

Jihova muene ua-nda ku mi bhangela, enu di xibhienu ngó.

Makatukilu 14:18

O akua Ijitu à kʼijiia kuma eme Jihova, kioso ki nga-ndu tambula o fuma ku thandu dia Falaó, ni ku makalu ê, ni ku jikavalelu jê.

Makatukilu 14:4

Eme-phe ngi kolesa o muxima ua Falaó, o muene ua-nda ku a kaiela, eme bhenhobho nda ngi fumane ku thandu dia Falaó, ni ku thandu dia kilombo kiê kioso, akua Ijitu phala à kʼejiie kuma eme Jihova, O ana a Izalaiele anga a bhanga kienhókio.

Makatukilu 15:3

Jihova kindanda kia ita; jina diê Jihova muene.

Izaía 31:4

Mbata Jihova kiene kia ngʼambelʼiki, uixi: Kala hoji ni monʼa hoji kia zulumina kulu dia mbole iê ia kuata, né-phe kiá a mu bhongolokela kuala kilunga kia abidi, mázui mâ ki ma mu titidisa ni kima; o kuvula kuâ ki ku mu kuata uoma: Kiene ue Jihova dia Ilombo Ieta ua kà tuluka mu zokela mulundu ua Ziione, ni kathuthu-lundu kê.

Jelemiia 51:21

Ni kabalu ni iú ua sambela-ku ngʼa sasujula nʼeie; ni dikalu ni uoso uia mu dikalu ngʼa sasujula nʼeie.

Amoji 1:14

Mukonda dia kiki, kimbaka kia Labá nga kà ki ta mu túbhia, tuene ni tu jimisa jinzu jâ ja matala-matala, ni ku di kola mu kizuua kia ita, ni kibhungu mu kizuua kia kubhondalala.

Amoji 5:19

Kia kʼèla mukuâ ni muthu kia lenga hoji, hé u takana ni kitôto; mba-phe kia di fu ni muthu ualengela mʼonzo, o mu ku tula lukuaku ku mutôto, nhoka anga i mu numata.

Amoji 9:1

Jihova nga mu mono, uemana ku thanduʼa Kalatódio, iu ua ngi tangela, uixi: Mútue ua philadi bukulau, ifikidilu ia mabhitu i tekete, phala ima ioso bhulu diaʼnzu i lundumukine bhu thala ia mítue iâ ene oso! Oso a subhuka-ku Eme ue nga-nda ku a jibha ni xibhata katé ku kasule kâ. Mu kaxi kâ se mu kala muthu ulenga, ka kà subhuka, né mu kala iú u subhuka, ka kà tena kubhuluka.

Matendelelu 1:30

Jihova Nzambi ienu, uoso ua-nda ku mi tuamenena, muene ua-nda ku mi bhangela o mvunda, kala kia mi bhange mu ima ioso ia bhange kiá, ki mua di muena ku mesuʼenu mu Ijito;

Matendelelu 3:22

Kana ku a kala-phe ni uoma; mbata Jihova Nzambi ienu, muene ua kà mi luila o ita.

Matendelelu 32:31

Kuma o ditadi dia-êne, ka soka ni ʼTadi dietu-etu; o kiki ni jinguma jetu jene kia a tetulukila uâ.

Josuué 10:14

Né mʼokulu ki kua kexi luua kizuua kinana kala kiki, o ki kia bhiti ue kiluua dingi kukala kia mukuá, kia bhingi Jihova nʼa kʼévua kiókio dízui dia muthu; mbata Jihova ua kexi mu zokela Izalaiele.

Afundixi 4:15

Jihova anga u dimbula Xixela, ni makalu mê moso, ni kifuẋi kiê kioso, ku mazu a xibhata bhu pholo ia Balake; Xixela muene anga u tuluka mu dikalu diê, hé u lenga lusolo ni inama bhoxi.