Makatukilu 14:22 - O Mikanda Ikola

²² O anʼa Izalaiele anga a kutuka mu kaẋi ka kalunga, mua kukuta; o menha emana kala phalelu, ku mbandu ia kúdia, ni ku mbandu ia kiasu.

Makatukilu 14:22 ပူးပေါင်းရင်းမြစ်များ

II Jisobha 2:14

Anga u zangula o divunga dia Elija dia mu sonuena, anga u di vunda menha, uixi: O Jihova, Nzambi ia Elija, iú kué? Bhenhobho kia di vundu ku menha, ene a di muange mu mbandu jiiadi; anga Ilizeu u bhita.

II Jisobha 2:8

Elija bheneʼobho u zangula o divunga diê, u di budika anga u di vunda ku menha, o menha hé a di muanga ku mbandu jiiadi, anga kiiadi kiâ a bhita ku mavu a kukuta.

Nehemiia 9:11

Eie anga u bula o musanza ua kalunga bhu pholo iâ, ene hé a bhita mu kaẋi ka kalunga, bhoxi diòkukutu; a kexile mu kuiza ni ku a kaiela, anga u a bobesa mu dikungu dia zongo, mukua ni ditadi dia sonokena mu mafutʼa menha.

Jisálamu 106:9

Kalunga Kakusuka ua ka temena, ka kukuta; iú ua a bhitisa koxi a menha kala ku mukáu kuala.

Jisálamu 136:13

Ua tena kubatula Kalunga Kakusuka mu kaẋi; kuma kulenduka kuê ki kuene kúbhua.

Jisálamu 136:14

Iú ua bhangesa Izalaiele kubhitila mu kaẋi ka menha; kuma kulenduka kuê ki kuene kúbhua.

Jisálamu 66:6

O kizanga kia kalunga, ua ki kitula mavu a hatu; ni honga ia menha, athu a i zaúka muene bhoxi dia kukuta; bhenhobho tua sanguluka mukonda dié.

Jisálamu 74:15

Eie ua jikula otho phala mu fuafue menha ma di bhange ngiji; eie ue ua kukutisa jihonga nuka mua kambele menha.

Jisálamu 78:13

Kalunga ua ka batula muʼaxaxi, iú ua a bhitisa mu kaẋi kê; menha ma di lumala kala ditûmbu.

Makatukilu 14:29

Maji o anʼa Izalaiele-phe muene mua bhitiʼâ, endela bhoxi dia kukuta mu kaẋi ka kalunga, menha ma di bhange phalelu, ku mbandu ia kúdia, ni ku mbandu ia kiasu.

Makatukilu 15:19

Kuma o jikabalu ja Falaó, ni makalu mê, ni jikavalelu jê, a a bobesa; anʼa Izalaiele-phe ni muʼaxaxi ka kalunga endela bhoxi dia kukuta.

Makatukilu 15:8

Mu kubhusa kua mazulu mé, menha ma di lumala, jihungulule jemana muene kala kixitu; mabhuku exi muene ngé muʼaxaxi ka muzanza.

Izaía 11:15

O Jihova ua kà jikinisa lalá o kisanga kia musanza ua Ijitu, ua kà zambesa lukuaku luê mu kubilukila o Ngiji, ni nguzu ia kibhungu kiê; o kia-nda kuila ua i kuama, u i uana mu lusambuadi; sambuadi diê dioso dia mijinga, u i kukutisa katé athu enda ni kubhitila-mu ni jisabhatu ku inama.

Izaía 11:16

Anga ua kà jikula-mu kikoka kia sokelela, phala tumbalumbalu tua mundu uê tua kà subhuka kua Asídia, kala kia bhitile kua Izalaiele kioso kia tundile mʼoxi ia Ijitu.

Izaía 43:16

Kiene kia zuela Jihova, ua iudika kikoka mu kalunga, o muʼaxaxi ka mabhuku ma temanana iu ua iudika-mu hoka ia kubhitila;

Izaía 51:10

Ki eie-muène ua kukutisa o menha mu musanza ua kalunga, o menha ma mukiukuluku uonéne, o mu nzongolo ia kalunga anga u bhitisa-mu njila phala o jihule muene mua bhitila?

Izaía 63:12

Ió ua bhangesa o kuaku luê lua ulamba kuendesa o lukuaku lua kadilu lua Mozé, uala kuebhi? Iuná ua budile o menha mu kaii bhu pholo iâ, phala kubhangesa o dijina diê kukala dijina di nangenena?

Izaía 63:13

Ki muenhó ua a batesele mu makôlo, mukuâ ni kabalu mu ixi ia kisèkele; anga a lémbua muene o ku di-bhukana?

Zakadiia 2:5

O Eme-phe, nga kà mu kala ngi kimbaka kia túbhia mu jimbandu; o fuma iê, Eme-muène-muene nga kà kala mu kaxi kê, kiene kia tange Jihova.

Dialuilu 33:8

Anga a tunda bhu Hahilote, a bhita mu kaii ka menha a kalunga, a bokona mu kikangalakata; anga enda izuua itatu mu kikangalakata kia Etanu, a ta kibangu bhu Mahala.

I Kolindo 10:1

Kuma nga mesena, enu jiphange, kuila mu xinganeka hanji kioso mʼ ukulu kia bhitile na-kiu o jitata jetu a kexi mù kaiela Mozé. Ene oso a bhitile moxʼ a dituta dia mvula, ene oso a bhitile mu kalunga kakusuka.

Jihebeleu 11:29

Kiejila mu kuxikana, anʼ a Izalaiele kia zauka o Musanza Uakusuka kala bhoxi dia kukuta. O akua Ijitu kia fikisa ue kuzauka, a boba mu menha a kalunga.

Josuué 3:16

Bhenhobho menha oso ala kutunda ku thala emana, a di lunjika kala mulundu, anga a di zala ku thala muene, katé mu kuia bhu mbonge ia Adane bhua lulama ni Zeletane; o menha-phe ala kuia ku luiji a batuka ku akuâ, anga aia ni honga katé mu kizanga kia môngua; kifuẋi anga a zaúkila bhabha bhua lulama muene mu Jedikó.

Josuué 3:17

Jinganga-phe ambata álaka ia kikutu kia Jihova, anga emana ku mavu abhu menha mu kaẋi ka Njolodá, akua Izalaiele oso anga a zaukila ku mavu akukuta, katé kifuẋi kioso ku sámbua kuku a bhu-ku, hé a tenena ku sámbua koko.

Josuué 4:22

Mua kʼèjidisa-phe anʼenu, kuma: Izalaiele ua zaúkile Njolodá muenhú bhoxi dia kukuta.

I Samuuele 25:16

Ene kifua a kexile kimbaka kietu kia ku tu xitila mu usuku ni mu muanha, thembu ioso i tua kalanâ mu kuinga jimbudi.