Makatukilu 14:21 - O Mikanda Ikola

²¹ Mozé anga u sunununa o lukuaku luê ku thandu dia kalunga; Jihova anga u vutula o menha a kalunga ni kitembu kia mutundila-kumbi kia bhuka usuku uosʼô, ki kia bhangesa kuila bhu kaẋi bhua kukuta, menha a di uanununa mbandu ni mbandu.

Makatukilu 14:21 ပူးပေါင်းရင်းမြစ်များ

Dimatekenu 8:1

Nzambi anga u lembalala Noué, ni iama ioso ia muenhu, ni ibhaku ioso iala-nê mu álaka; Nzambi anga u bhangesa kitembu kubhuka mu ngongo, menha ma kala mu sosoloka.

II Jisobha 2:8

Elija bheneʼobho u zangula o divunga diê, u di budika anga u di vunda ku menha, o menha hé a di muanga ku mbandu jiiadi, anga kiiadi kiâ a bhita ku mavu a kukuta.

Nehemiia 9:11

Eie anga u bula o musanza ua kalunga bhu pholo iâ, ene hé a bhita mu kaẋi ka kalunga, bhoxi diòkukutu; a kexile mu kuiza ni ku a kaiela, anga u a bobesa mu dikungu dia zongo, mukua ni ditadi dia sonokena mu mafutʼa menha.

Jobe 26:12

Musanza ua kalunga u u tandula ni nguzu iê, ni kutongoloka kuê, nguma u i diotela muene bhoxi.

Jobe 38:24

O njila iala kuebhi iia kuene mu kutunda o mukengeji u di muanga, o kitémbue kia mutundila-kumbi anga ki di uanena mu ngongo?

Jisálamu 136:13

Ua tena kubatula Kalunga Kakusuka mu kaẋi; kuma kulenduka kuê ki kuene kúbhua.

Jisálamu 148:8

Túbhia ni matadi ma mvula, neve ni mbundu, kitembu kia kibhungu, iene ioso i kumbidila o kizuelu kiê.

Jisálamu 66:6

O kizanga kia kalunga, ua ki kitula mavu a hatu; ni honga ia menha, athu a i zaúka muene bhoxi dia kukuta; bhenhobho tua sanguluka mukonda dié.

Jisálamu 74:13

Eie ua batula o kalunga mu kaxi ni nguzu ié; eie ua bulu o mítue ia midikixi mu menha.

Jisálamu 78:13

Kalunga ua ka batula muʼaxaxi, iú ua a bhitisa mu kaẋi kê; menha ma di lumala kala ditûmbu.

Makatukilu 14:16

eie-phe, zenga o mbangala ié, u sununune o lukuaku lué ku thandu dia kalunga, u ka uanunune mu kaẋi o anʼa Izalaiele a bhite muene mu kaẋi ka kalunga, bhoxi dia kukuta.

Makatukilu 14:20

Kifua a batula bhu kaẋi ka kilômbo kia Ijitu ni kilômbo kia Izalaiele; o dituta diene dimoxi, ku mbandu ia akua Ijitu dia bheka kitombe kiedi bui, o ku mbandu ia Izalaiele mukengeji uia ni ku a muikina; kala kiki, usuku uosʼó a di kalela, ka tena ku di zukama.

Makatukilu 15:8

Mu kubhusa kua mazulu mé, menha ma di lumala, jihungulule jemana muene kala kixitu; mabhuku exi muene ngé muʼaxaxi ka muzanza.

Makatukilu 7:19

Jihova anga u ambela Mozé, uixi: Ambela Alá, uixi: Kuata mbangala ié, u sununune lukuaku lué ku thandu dia menha ma Ijitu, ni ala mu jihonga, ni ala mu milombo, ni ala mu mazanga ni mu majiia, ene oso a kituke manhinga; ku kale manhinga mʼoxi ioso ia Ijito ni mu itutu ia miẋi, ni ia matadi.

Izaía 23:11

Muene ua senununa lukuaku luê ku musanza ua kalunga, mautuminu ua ma titidisa; Jihova ua bhana ngonge ia kúlua Kanana, phala o jimbonge jê jiie bhoxi.

Izaía 43:16

Kiene kia zuela Jihova, ua iudika kikoka mu kalunga, o muʼaxaxi ka mabhuku ma temanana iu ua iudika-mu hoka ia kubhitila;

Izaía 44:27

O musanza uazongo ngi u ila: Kukuta! Eme hé ngi kukutisa o jingiji jê;

Izaía 50:2

Mukonda diahi, kioso ki ngeza, ki ku moneka muthu? ngʼexana, ki bhuala muthu uetaia? mbé lukuaku luami lua kotanana kiavulu, lú lua lémbua kukula muthu? Inga momuami kana-mu dingi nguzu ia kubhulula? tala-ze, eme se ngi bazela lumoxi ngó, Musanza ua kalunga u kukuta, jingiji jithothuena kala oxi ia kisèkele, anga jimbiji jê ji nuha kibuzu, kuma se ja lémbua menha ji di-fuila ni dinhota.

Izaía 51:10

Ki eie-muène ua kukutisa o menha mu musanza ua kalunga, o menha ma mukiukuluku uonéne, o mu nzongolo ia kalunga anga u bhitisa-mu njila phala o jihule muene mua bhitila?

Izaía 51:15

Mbata eme Jihova, Nzambi ié, ngene kutandula o musanza ua kalunga, anga o mabhuku mê ma dizumina. Dijina diê Jihova dia Ilombo Ieta.

Izaía 63:12

Ió ua bhangesa o kuaku luê lua ulamba kuendesa o lukuaku lua kadilu lua Mozé, uala kuebhi? Iuná ua budile o menha mu kaii bhu pholo iâ, phala kubhangesa o dijina diê kukala dijina di nangenena?

Izaía 63:13

Ki muenhó ua a batesele mu makôlo, mukuâ ni kabalu mu ixi ia kisèkele; anga a lémbua muene o ku di-bhukana?

Habakuke 3:8

O kuila, eie Ngana, ua thathamena o jingiji? Mba o jihonga jʼòfele ji ua thathamena, inga o musanza ua kalunga u ua temena, phala eie uendele kiki ku thanduʼa jikabalu jé ku ua mondala ni kuthanduʼa makalu mé ma kutoluela ita.

Jipoxolo 7:36

Muene muthu ua katula anʼ a Izalaiele mu Ijitu, iú ua endesa jinjila, kia zubha kubhanga madiuanu ni isuma mu Ijitu, ni mu Kalunga Kakusuka, ni mu kikangalakata, mu makuinhi a uana a muvu.

Josuué 2:10

Kuma tuevu kioso kia kukutisa o menha ma Kalunga Kakusuka, mbé enu kubhita, ki mua tundu mu Ijito; ni kioso ue ki mua bhange jisobha jiiadi ja a Mamodi, ku sámbua dia Njolodá, ni Sihone ni Hoke, mua a buikisa muene.

Josuué 3:17

Jinganga-phe ambata álaka ia kikutu kia Jihova, anga emana ku mavu abhu menha mu kaẋi ka Njolodá, akua Izalaiele oso anga a zaukila ku mavu akukuta, katé kifuẋi kioso ku sámbua kuku a bhu-ku, hé a tenena ku sámbua koko.

Josuué 4:23

Kuma Jihova Nzambi ienu, ua kukutisa menha a Njolodá bhu pholo ienu, katé mua zubha kuzáuka, kala kia bhange ue Jihova Nzambi ié ku Kalunga Kakusuka, kuma ua ka kukutisa menha katé ki tua zaúka etuʼenhoso;