Makatukilu 14:18 - O Mikanda Ikola

¹⁸ O akua Ijitu à kʼijiia kuma eme Jihova, kioso ki nga-ndu tambula o fuma ku thandu dia Falaó, ni ku makalu ê, ni ku jikavalelu jê.

Makatukilu 14:18 ပူးပေါင်းရင်းမြစ်များ

Makatukilu 10:2

Eie muene hinu u ki tangela ue anʼé ni alaulʼé, ima ioso i nga kalakala mu Ijitu, ni ijimbuete iami i nga mu bhanga muʼaxaxe kâ phala mu kʼijiie kuma eme ngi Jihova.

Makatukilu 14:25

Anga u mbonjomona o malola ku makalu mâ, katé aia ni ku a kukila bhoxi, akua Ijitu anga a zuela, exi: Tu lengienu o pholo ia Izalaiele; kuma Jihova uala ku a bhangela, iú u a mu bhondeleka akua Ijitu.

Makatukilu 14:4

Eme-phe ngi kolesa o muxima ua Falaó, o muene ua-nda ku a kaiela, eme bhenhobho nda ngi fumane ku thandu dia Falaó, ni ku thandu dia kilombo kiê kioso, akua Ijitu phala à kʼejiie kuma eme Jihova, O ana a Izalaiele anga a bhanga kienhókio.

Makatukilu 6:7

eme anga ngi mi tambula kukala mu mundu uami, anga ngi kala ngi Nzambi ienu; hinu mu kʼijie kuma eme Jihova, Nzambi ienu, nga tena ku mi katula bhoxi dia imbamba ia mi xina akua Ijitu.

Makatukilu 7:17

Jihova uambe kiki: Bhene bhu ua-nda ku ngʼijidila kuma eme Jihova; bheniabha-phe, mbangala i nga kuatʼiii nga-nda kubeta na-iu ku menha ala mu honga, ene-phe a-ndu kituka manhinga.

Makatukilu 7:5

O akua Ijitu-phe a kejiia kuma eme ngi Jihova, kioso ki ngi sunununa lukuaku luami ku thandu dia Ijitu, mu katula anʼa Izalaiele muʼaxaxe kâ.

Izekiiele 28:22

u zuele, kuma: O Jihova, Nzambi, uambe kiki: Emʼiú mu kuzoka nʼeie, éʼSidone, a-nda ku ngi zangeleka muʼaxaxe ké; inga a kà kʼijiia kuila eme ngi Jihova, kioso momuʼé ki nga kà fundisa-mu ni mabhatuilu ma kidi, hé ngi kala ni kukola momuʼé.

Izekiiele 32:15

Kioso eme o ixi ia Ijitu ki nga-nda ku i bilula jingùndu, anga o ixi iosololo mu kutenena kuê kuoso i kituka jingûndu, o kioso ki nga-nda kunemeka ene oso a tungu-mu, kuabhu-phe, kiene kiua kia í kà kʼijiia kuila emiʼeme ngi Ngana.

Izekiiele 38:16

Anga eie ua kà banda mu kúlua ni mundu uami ua Izalaiele, mukuâ ni dituta phala kuvungina o ixi iami iene, mbé o akua jixi a tene ku ngʼijiia eme, kioso eme ki nga-nda ku di kolêsa, bhu mesu mâ, eie u Ngongo, tata!