Makatukilu 14:14 - O Mikanda Ikola

¹⁴ Jihova muene ua-nda ku mi bhangela, enu di xibhienu ngó.

Makatukilu 14:14 ပူးပေါင်းရင်းမြစ်များ

II Malunda 20:15

Anga uila: Enu Juda ioso bhanenu mátui, ni enu mua tungu mu Jeluzaleme, nʼeie sobha Jozafate: Jihova uambe kiki: ki mu kale ni uoma mba mu sasumuka mukonda dia kifuẋi kiki kia dikota, mukonda o mvunda ki ienuʼenu, maji ia Nzambi.

II Malunda 20:17

Mu mvunda iii, enu ki mua-nda kubhânga; mu sukila ngó mu kanga, hé muʼimana, nda mu mone kiá o ubhulukilu ua-nda ku mi bhana Jihova, eie Juda ni Jeluzaleme, ki mu kale ni uoma bha mu sasumuka; mungu muene ndé-nu mu kutakana-nâ, mbata Jihova ua kà kala ni enu.

II Malunda 20:29

O uoma ua Nzambi anga u tulukila ku thandu dia mautuminu moso mu jixi jeneʼojo, kioso ene kievu kuila Jihova ua bhângela Izalaiele ku jinguma jê.

Nehemiia 4:14

Eme-he ngixi suíin, o ki nga zubha kutonginina ioso, anga ngi balumuka, hé ngi tangela o jingana, ni afundixi, ni kifuxi kiamukuá; ngixi: Enu kana ku a kuata uoma; mu xinganeka ngó Ngana, muene Langala-ngongo, u kuata uoma, anga mu bhângela phange jenu, ni anʼenu, ni akajʼenu ni jinzo jenu.

Nehemiia 4:20

Bhu kididi bhuoso bhu muivuila mbungu ia xiki, bhene bhu tu di bhongoluela; o Nzambi ietu muene ua kà tu bhângela o mvunda.

Nehemiia 9:11

Eie anga u bula o musanza ua kalunga bhu pholo iâ, ene hé a bhita mu kaẋi ka kalunga, bhoxi diòkukutu; a kexile mu kuiza ni ku a kaiela, anga u a bobesa mu dikungu dia zongo, mukua ni ditadi dia sonokena mu mafutʼa menha.

Jisálamu 35:1

Fúnda o mulonga uami, eie u Jihova, ni iá u nga di kuata-nâ, bhânga, Ngana, ni iá ala kubhânga ni eme.

Jisálamu 50:3

Nzambi ietu iú uiza, ka xikina kudixibha; ku pholo iê túbhia tuia ni kuaúla, mu jimbandu jê uenda ni kibhûngu kiavulu.

Jisálamu 83:1

U Nzambi, tata, kana ku di xibha; zuela Ngana, u balumuke mu bhanga kima, ku kale ngó kiókio, u Nzambi.

Makatukilu 14:15

Jihova anga u ambela Mozé, uixi: Uala ku ngi kolelaʼhi eme? Ambela anʼa Izalaiele ende ni kuenda;

Makatukilu 14:25

Anga u mbonjomona o malola ku makalu mâ, katé aia ni ku a kukila bhoxi, akua Ijitu anga a zuela, exi: Tu lengienu o pholo ia Izalaiele; kuma Jihova uala ku a bhangela, iú u a mu bhondeleka akua Ijitu.

Makatukilu 15:3

Jihova kindanda kia ita; jina diê Jihova muene.

Izaía 30:15

Kuma kiene kiambe Muadi Jihova, ʼLemba dia Izalaiele, uixi: Se muedile mu vutuka anga mu ximbakata, mueje ku bhuluka; mu kudielela ni mu kuximbakata, kieji ku mi bhekela uzonda, enu-phe nguenu.

Kuditenda 3:26

Kima kiambote o ku kala ni kudielela, ni kuxibhidila sé jibuia o kubhuluka ku tunda kua Jihova.

Matendelelu 1:30

Jihova Nzambi ienu, uoso ua-nda ku mi tuamenena, muene ua-nda ku mi bhangela o mvunda, kala kia mi bhange mu ima ioso ia bhange kiá, ki mua di muena ku mesuʼenu mu Ijito;

Matendelelu 20:4

Mbata o Jihova Nzambi ienu muene uala kuia nʼenu mu kúlua ita ni jinguma jenu, phala ku mi bhulula.

Matendelelu 3:22

Kana ku a kala-phe ni uoma; mbata Jihova Nzambi ienu, muene ua kà mi luila o ita.

Josuué 10:10

Jihova anga u a titidisa bhu pholo ia Izalaiele, u a kuama kiavulu, mu Ngibiione; u a ambatesa ni njila i banda ku Mbetolone, hanji kia oseka katé mu Azeka ni mu Makeda tulʼé.

Josuué 10:14

Né mʼokulu ki kua kexi luua kizuua kinana kala kiki, o ki kia bhiti ue kiluua dingi kukala kia mukuá, kia bhingi Jihova nʼa kʼévua kiókio dízui dia muthu; mbata Jihova ua kexi mu zokela Izalaiele.

Josuué 10:42

Jisobha josuʼojo Josuué ua ji kuatela-bhu kiá muene ni jixi jâ, mu kithangana kimoxi, mbata Jihova Nzambi ia Izalaiele muene ua kexi kuluila Izalaiele o ita.

Josuué 23:10

Muthu umoxi mudienu, uasoko-bhu ku kaiesa midi; mbata o Jihova Nzambi ienu, muenʼié-muène u mi luila jinga o ita, kala kiene ku mi ambela kiá.

Josuué 23:3

Enu-phe mua di muena kiá o ima ioso-lolo Jihova Nzambi ienu ia bhange ku ifuẋi iii, mu ku mi banda enu; mbata Jihova Nzambi ienu, muene ua mi luila o ita.

Afundixi 5:20

Katé ni jithéthembua ku diulu ja di te-mu, jithéthembua mu ʼnjila jâ jala kúlua ni Xixela.

I Samuuele 4:7

Akua Fidíxia anga a kala ni uoma, kuma exi: Nzambi ueza bhu kibangu. Anga ela, exi: Kokolo dietu! Kiluua ku kala kima kala kiki!