Makatukilu 14:13 - O Mikanda Ikola

¹³ Mozé anga u ambela o mundu, uixi: Ki mu kale ni uoma; ximbakatenu nda mu mone o ubhuluilu ua Jihova, ua-nda ku mi bhanga lelu; kuma o akua Ijitu mua-lu mona lelu, ku pholo ku tuia nuka dingi mua kà a mona.

Makatukilu 14:13 ပူးပေါင်းရင်းမြစ်များ

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 46:3

Nzambi anga u kuata ku mu zuelesa, uixi: Eme Nzambi, Nzambi ia tatʼenu; kana kukala ni uoma ua kukulumuka ku Ijito; kuma nga kà ku sokolola koko, u di bhanga u kifuẋi kia dikota.

Dimatekenu 49:18

Nga kinga ubhulukilu ué, u Jihova.

II Jisobha 6:16

Muene-phe, uixi: Ku kale ni uoma. Mukonda ala ni etu a beta kota, o ala ni ene ala ndenge.

I Malunda 11:14

Muene-phe ni Davidi a di-te mu kaẋi ka kamukáu kenhoko, mbé ku ka bhângela, o akua Fidíxia hé a a jibha-jibha; Ngana anga u bhanga kikalakalu kiónene mu ku a bhângela.

II Malunda 20:15

Anga uila: Enu Juda ioso bhanenu mátui, ni enu mua tungu mu Jeluzaleme, nʼeie sobha Jozafate: Jihova uambe kiki: ki mu kale ni uoma mba mu sasumuka mukonda dia kifuẋi kiki kia dikota, mukonda o mvunda ki ienuʼenu, maji ia Nzambi.

II Malunda 20:17

Mu mvunda iii, enu ki mua-nda kubhânga; mu sukila ngó mu kanga, hé muʼimana, nda mu mone kiá o ubhulukilu ua-nda ku mi bhana Jihova, eie Juda ni Jeluzaleme, ki mu kale ni uoma bha mu sasumuka; mungu muene ndé-nu mu kutakana-nâ, mbata Jihova ua kà kala ni enu.

Nehemiia 9:9

Anga u mona dilamba dia jitata jetu mu Ijito, anga uívua o kudikola kuâ ku mbanduʼa Kalunga Ka Kusuka.

Jisálamu 3:8

Kubhuluka ku tunda kua Jihova; o ku thandu dia mundu uê ku kale dibesá. (Selah.)

Jisálamu 68:21

Xi, Ngana Nzambi phe hinu u bula o mútue ua jinguma jê, u mu ṗhuṗha muene mu mútue mua safunukʼomo, uoso ua jijila jinga o ku mu lokalala ni kuenda mu kubhuma kuê.

Jisálamu 78:53

U a songuela jinga mu iluezu, ene ka kala ngó ni hele; jinguma jâ-phe ua ji bobesa mu menha.

Jisálamu 91:8

U tala ngó ni mesu, hé u mona abhukumuka kia bonga o kaxtiko.

Makatukilu 14:30

Kienhiki Jihova kia bhulula Izalaiele mu kizuua kienhókio bhu maku a akua Ijitu; Izalaiele anga a mona ngó o imbi ia akua Ijitu ia takuka bhu ndúndu ia kalunga.

Makatukilu 20:20

Mozé anga u ambela mundu, uixi: Kana kukala ni uoma; kuma Nzambi ueza ku mi lola, phala uoma uê u kale bhu pholo ienu, phala ki mu te ituxi.

Izaía 26:3

Eie, Jihova, uoso ua te muẋima ua tenena kokué, eie ua kà mu bhaka ni kutululuka kua kidi, mukonda muene ua ku dielela eie.

Izaía 30:15

Kuma kiene kiambe Muadi Jihova, ʼLemba dia Izalaiele, uixi: Se muedile mu vutuka anga mu ximbakata, mueje ku bhuluka; mu kudielela ni mu kuximbakata, kieji ku mi bhekela uzonda, enu-phe nguenu.

Izaía 35:4

Ambelenu a botomoka o miẋima: suinenu, ki mu kale ni uoma; talesenu, o Nzambi ienu iu uiza mu vutula o phonzo, ni futu ia Nzambi uiza na-iu; muene ua kʼèza hé u mi bhulula.

Izaía 43:11

Eme, eme-muène ngi Ngana, kana-ku Mubhuludi uengi, kale eme ngó.

Izaía 7:4

U mu ambela kuila: Aiuka, u ximbakate, ku kale ni uoma, ku bhuile muẋima ki u mona o tu-iẋinji tuiadi tua ibunji ia mu xongota, mukonda dia kutemanana kua njinda ia Lejime sobha ia Sídia, ni ia monʼa Lemadiia.

Jelemiia 3:23

Kia kidi kiene, kingoho o kudielela o tuthuthulundu ni ku nzungule ia i-milundu; kuma o kubhuluka kua Izalaiele kuala mua Jihova Nzambi ietu.

Kuditenda 3:26

Kima kiambote o ku kala ni kudielela, ni kuxibhidila sé jibuia o kubhuluka ku tunda kua Jihova.

Hozeia 1:7

Inda dibhata dia Juda nga-nda ku mu lendukila, nga-nda ku a bhuluila ku lukuaku lua Jihova Nzambi iâ; kuma ki nga-nda ku a bhulula mu ku a bhángela ni uta ua mufula, ku xibhata ue ki kuene, ku ita ki kuene, ku jikabalu kana, ku akua jimonde ue kana.

Hozeia 13:4

Sumbala kiene, hanji tunde koxi ia Ijito, eme Jihova Nzambi ié; kala kiki, kana ku di tambulula dingi ni nzambi iengi nʼu ngi xi eme, mbata ki kuene dingi Mubhuludi uengi, kale eme-muène ngó.

Hozeia 13:9

Ua di bhange-kiu-ze, eie Izalaiele, ki ua ngi kitukila emeʼokio, eie ua ngi balukila eme ngi Mukuatekexi ué.

Habakuke 3:13

Eie ueza phala ubhulukilu ua povo ié, Eie ueza phala ubhulukilu ua ió ua mʼundu ni maji; o inzu ia mukua phulu, eie ua i bukula o mukambu ua hongo, eie ua i vulumuna o madisesa mê katé koxi.

Habakuke 3:8

O kuila, eie Ngana, ua thathamena o jingiji? Mba o jihonga jʼòfele ji ua thathamena, inga o musanza ua kalunga u ua temena, phala eie uendele kiki ku thanduʼa jikabalu jé ku ua mondala ni kuthanduʼa makalu mé ma kutoluela ita.

Dialuilu 14:9

Hé kima, kana kukitukila Jihova, kana kukala ni uoma ua akua-xi; kuma a kala mbolo ietu ia kúdia, kilembeketa kiâ kia tundu-ku, kala na-kiu dingi, etu-phe Jihova tuala-nê; ki mu kale ni uoma.

Matesu 28:5

Anju-phe i zuelesa ahatu, uixi: Ki mu kale ni uôma! Kuma nga mʼijiia, mua-lu sota Jezú a mu phaphele ku dikulusu.

Matendelelu 20:3

kuamba: Ivua, u Izalaiele, lelu mueza kúlua ita ni jinguma jenu; muxima ki u mi botomoke, mba mu kala ni uoma, ki mu tekete, kana; kioso ki mu a mona, ki mu kale ni kimbuua.

I Samuuele 11:13

Saúlo-phe, uixi: Kana, ki mu jibhe-bhu muthu lelu; mukonda lelu Jihova ua kalakala ubhulukilu mua Izalaiele.

I Samuuele 12:16

Kiki-phe imanenu, mu mone madiuanu ma-nda kubhanga Jihova ku mesu menu. Bhu kumbiʼabha manhi ki kixibhu, thembu ia kubhongolola tiliku?