Makatukilu 14:12 - O Mikanda Ikola

¹² Ki kiene ki tua ku ambela mu Ijitu, tuixi: Tu ambule, tu kale kubhikila akua Ijitu? Kifua ki kota kubhikila akua Ijitu, ki soka ni kufuila mumu mu kikangalakata?

Makatukilu 14:12 ပူးပေါင်းရင်းမြစ်များ

Jisálamu 106:7

Jitata jetu ka tongolola kiambote, o madiuanu mé, mʼoxi ia Egito; ka xinganeka dingi o nzungule ia jihenda jé, maji a ku kuata phata, bhu ndundu ia kalunga, xi, bhene bhu Kalunga Kakusuka.

Makatukilu 13:17

Kia bhiti-phe kiki kuila, Falaó kia zubha kueha o mundu nʼaiâ, Nzambi ka a songuela mu njila ia akua Fidíxia, sumbala iene ia batulula; kuma Nzambi ua-mbe, uixi: Sumba mundu a diela, kia-ndu takana ni ita, a mesena a vutukila mu Ijitu;

Makatukilu 3:9

Kiki-phe ijiia na-kiu, kuila, o kudikola kua anʼa Izalaiele kua ngi sange; o kuzukuta ue nga ku mono kiala ku a zukutisa akua Ijitu.

Makatukilu 5:21

anga a ambela, exi: Jihova a ki suue, a mi bhange kioso kia tokala; mukonda mua tu nuhisa dizumba diaiibha kua Falaó, ni akua mbèle ku mbanza, kífua mua a bhana xibhata bhu maku, ia ku tu jibha etu.

Makatukilu 6:9

Mozé anga u ambela anʼa Izalaiele kala kia mu ambelʼiki: Ene-phe ka ẋikina kuívua Mozé, mukonda dia kikote ku muxima ni kubhondalala mu ubhika.

Hozeia 4:17

Ifalaíme ua di bhakula kiá ku mahamba; mu ehienu!

Jona 4:3

Nga ku diondo-phe, u Jihova, ngi batule muenhu uami, mbata kota ngafu kulaia kiki, kana.

Jona 4:8

Anga ki bhita-phe kuila, kiatu muanha, Ngana Nzambi u tumikisa kitembu kionéne kia tema kia thunda, o misongo-songo ia muanha ua dikumbi anga i tula mu mútue ua Jona. Muene anga u ambuka ni kizuza kia muanha, hé uinda kúfua ni muẋima uê uoso, uixi: Kota ngafuʼami kiá, kukola muenhu kiki, kana.

Marku 1:24

Etu tua kuata-hi ni eie Ngana, u Jezú dia Nzalae? Kífua eie ueza ku tu muanga? Eme nga ku ijiia muene kiambote! Eie u Muthu Ukola a ku tumikisa kuala Nzambi.

Marku 5:7

anga u di kola ni dízui dia suina, uixi: Eme nga kuata-hi ni eie, u Jezú, u Monʼa Nzambi, ua suka ku ukota? Nga ku bhingi mu dijina dia Nzambi, kana ku ngi talesa hadi.