Makatukilu 13:9 - O Mikanda Ikola

⁹ Kia kà kala kidimbu ku lukuaku luenu, ni kijimbuete bhu dibhomo, phala ngonge ia Jihova i mi kale mu kanu; kuma Jihova ua mi katula ni lukuaku lua nguzu mu Ijitu.

Makatukilu 13:9 ပူးပေါင်းရင်းမြစ်များ

Nehemiia 1:10

Athu iá-phe ene hanji abhikʼé, ni kifuxi kié ki ua kula mu kutena kué ni lukuaku lué lua nguzu.

Jisálamu 136:11

Iu ua katula Izalaiele muʼaxaxi kâ; kuma kulenduka kuê ki kuene kúbhua.

Jisálamu 136:12

Ni kànda dia nguzu, ni lukuaku luasununuka; kuma kulenduka kuê ki kuene kúbhua.

Jisálamu 89:13

Eie o lukuaku lué luala ni nguzu ia kindanda; o lukuaku lué lua suína, o lua dilu se ua lu sunununa lu bhanga muene madiuanu!

Makatukilu 12:14

Kizuua kienhiki ki mi kala kizuua kia di tungula, mu kiʼimununa jinga ni kizokola kia Jihova; ku miji ienu ioso katé ku hádia ni hádia, mu kuata jinga fesa iê, ki kale kijila kia mi bhana.

Makatukilu 12:41

O mu kukala-kukala-phe, kiabhu o hama jiuana ja muvu ni makuinhi atatu, mu kizuua kienhókio muene, kiene kia tundu o ilombo ioso ia Jihova mu Ijitu.

Makatukilu 13:14

O ki kala anʼenu hádia a mʼibhula, exi: Kiki kima kiahi? mua kèla kuma: Nguzu ia lukuaku lua Jihova ia bhiti-bhu, mu ku tu katula mu Ijitu, mu dibhata dia ubhika.

Makatukilu 13:16

Ki kala kidimbu ku lukuaku lué, kala fita ia ku bhiti bhu dibhomo; kuila nguzu ia lukuaku lua Jihova ia bhiti-bhu, mu ku tu katula mu Ijitu.

Makatukilu 13:3

Mozé anga u ambela o mundu, uixi: Lembalalenu kizuuʼiki kia lelu, kizuua ki mua tundu mu Ijitu, mu dibhata dia ubhika; kuma Jihova ua mi katula-mu ni nguzu ia lukuaku luê; kana kúdia jimbolo ja felemendo, kizuua kienhiki.

Makatukilu 3:20

Maji eme nga kà sununa lukuaku luami, Ijito ngi mu kuama muene ni madiuanu mami oso u ngi kalakala muʼaxaxi kê; katé ki a bhua kubhita, kiene kiua ki a mi eha.

Makatukilu 7:4

Falaó-phe ka-nda ku mʼivua, eme ngi tula lukuaku luami ku thandu dia Ijitu, hinu ngi tundisa ilombo iami, o mundu uami ua anʼa Izalaiele mu ixi ia Ijitu, ku isunji ia vulu i bhita-bhu.

Jisabhu 1:9

Kuma ima ienhiʼii ia kà di bhanga kiene o kitundu kia kuzediua ku mútue ué, ni jinzenzela ja kunhenga mu xingu ié.

Jisabhu 3:21

Monʼami ima ienhiʼii ki i kubhue ku mesu; lunda o unjimu ua kidi, ni kukala ni kilunji kiambote.

Jisabhu 7:23

Uia muene ni kuenda katé kia mu asa o musongo mu izavu, kala njila i lengela o kuia mu fua bhu ngoji, ka kʼijiia kuila a mu kotekela mubhetu u mu dia o muenhu.

Mukumbi ua Mikumbi 8:6

Ngi te ku muẋima ué kala kidimbu, ngi te ku lukuaku lué kala kimaku mukonda o henda iala ni nguzu kala kalunga; o difuba mu ku di kaka dia soko ni mbila; o makala mê makala ma túbhia; diene di di fuangana mukuâ ni milengo ia túbhia.

Izaía 27:1

Mu kizuua kienhókio, Jihova ua kà sunga xibhata iê ia kolo, iónene, ia nguzu, iene ia kà bhana na-iu o njumbu kua Leviatane, o kinhoka ki lenga lusolo, ni kua Leviatane, muene kinhoka kia di jinga lukata, anga o mudikixi uene muʼalunga ue, nʼa u jibhe.

Izaía 40:10

Talesa, muadi Jihova ua-nda kuiza kala dizonda, o lukuaku luê-phe luene lua-nda kutumina. Tala-phe o futu iê uiza na-iu, o kisakidilu kiê ua ki tuamekesa ku pholo iê.

Izaía 44:5

Muenhú ua kèla: Eme nga tokala kua Jihova; mukuá ua kà di-luka dijina dia Jakobo; mukuá dingi uà di-soneka ni lukuaku luê, uixi: Eme ngi mukua-Jihova, muiji uami ua tambula o dijina dia Izalaiele.

Izaía 49:16

Talesa, nga ku soneka bhu mákanda a maku mami; o imbaka ié ia ngi kala ku mesu usuku ni muanha.

Izaía 51:9

Phaphumuka, phaphumuka, u maneke ukuenze, eie u lukuaku lua Jihova; phaphumuka muene kala mu thembu ia xahulu, kala ki ua bhanga jinga mu miji iòkulu. Abha, ki eie-muène ua batujula Lahabe, anga unemeka o mudikixi?

Izaía 59:21

Kienhiki, kiene kikutu kiami eme ki ngi ta-nâ, eme ngi Jihova: O Nzumbi iami ia ku tula ku thandu, ni maka mami, u nga-te mu kanu dié, ka kà tunda-mu né mu kanu dia mbutu ié, né mu kanu dia mbutu ia mbutu ié, a xalela muene tundé kiki katé ku hádia ni hádia, kiene kia tange Jihova.

Jelemiia 22:24

Kala ki ngala ku muenhu eme ngi Jihova, Jekoniia mona a Nzuakí, sobha ia Juda, né hanji se ua kexile kadimbu ka nela ia lukuaku luami lua dilu, ngeji ku ku thathumuna-ku muene.

Daniiele 9:15

Ni kidi kiene, Jihova, Nzambi ietu, eie muene ua katula o mundu ué kʼoxi ia Ejito, ni lukuaku lua undanda, dijina dié diʼdia fumana, katé mu kizuua kia lelu; tua te kituxi, tu akua ikuma ia phekalu!

Jouele 2:11

Jihova-phe ua tuamenena bhu pholo ia kifuẋi kiê, u zangumuna mbimbi iê kuma o ilômbo iê kuvula kuahi! Mukonda muene Dizonda mu kubhanga kioso kia zuela! Mbata kizuua kia Jihova kionéne, ki bheka uôma! Nanhi ua kà tena kuimana-bhu?

Dialuilu 15:39

ki kale kusangunuka kua kuila ki mu tala-ku mu banza jinga o ijiia ioso ia Jihova, mu i kuata, ki mu kaiele dingi ki mi tuma o muxima uenu, mba ki mu mona ni mesu; kuma kiene ku ki kaiela kiala ku mi bhangesa undumbu.

Matesu 23:5

Ikalakalu iâ ioso-phe, a i bhangela ngó phala athu ku a mona: Talenu o iẋimbu ia zanze ia Maka ma Nzambi, ia soneka phala ku ita bhu mabhômo ni ku maku! Kengelelenu kioso kia kulu o mixiku ia izuatu iâ!

Loma 10:8

Kuambe kuila: O kizuelu kia Nzambi kia ku zukama, ki ala mu kanu dié ni mu muẋima ué—kiene-phe o kizuelu kia kuxikana ki tuene mù kola.

Matendelelu 30:14

Mbata o kizuelu kiki kia ku kala muene bhua zukama, mu kanu dié-muène mu ki ala, ni mu mu muxima ué phala u tene ku ki bhanga jinga.

Matendelelu 5:15

Kuma-phe eie-muène ue ki ki ku jimbi dingi kuila ua kexe u mubhika mʼoxi ia Ijito, eué Jihova Nzambi ié ua sunununa o lukuaku luê lua undanda, iú ua ku katula-mu ni ʼkuaku luê lua suina. Mukonda dia kiki-phe, Jihova Nzambi ié iu ua ku tendelela uixi, u aiuka jinga o kizuua kia sabhalu kia dinhohenu.

Matendelelu 6:21

Eie-phe bhenhobho o monʼê u mu ambela, uixi: Tua kexi tu abhika a Falaó mu Ijito. Nguzu kiá ia lukuaku lua Jihova ia bhiti-bhu phala ku tu katula mu Ijito.

Matendelelu 6:6

Maka u ngala ku ku tendelela leluʼidi u ma lunda ku muxima ué.

Matendelelu 6:8

A kala ue kidimbu ki ua kutila mu lukuaku lué; u a nhenga muene bhu kaẋi ka mesu mé maiadi, phala a kale kijimbuete ki ua kutila bhu dibhomo dié.

Dijingunuinu 18:8

Kienhiki, mu kumbi dimoxi, kua-nda ku mu tulukila o kingûmba kiê kia mabhebhu: Makukata, misusu ni nzala! A kà mu oha mu túbhua katé ua buila. Kuma o Ngana Nzambi, ua mu mu fundisa, ua suina.

Afundixi 2:12

Jihova, Nzambi ia jitata jâ, ua a katula mʼoxi ia Ijitu, a mu xi; a kaiela jinzambi jengi, o jinzambi ja mundu uamukuá ua a kala mu jimbandu, a kala mu ji fukamena; Jihova anga a mu thathamesa.