Makatukilu 13:3 - O Mikanda Ikola

³ Mozé anga u ambela o mundu, uixi: Lembalalenu kizuuʼiki kia lelu, kizuua ki mua tundu mu Ijitu, mu dibhata dia ubhika; kuma Jihova ua mi katula-mu ni nguzu ia lukuaku luê; kana kúdia jimbolo ja felemendo, kizuua kienhiki.

Makatukilu 13:3 ပူးပေါင်းရင်းမြစ်များ

Dimatekenu 15:16

O ku muiji ua kauana-phe kiá, kiene kia kà bhongoloka dingi mʼoxi mumu, kuma o kizongelu kia kubhukumuka kua Mamodi kiluua ki tenena.

I Jisobha 8:42

(Mukonda hádia a kʼevua kutumbula o dijina dié dionéne, ni lukuaku kué lua nguzu, ni lukuaku lué lua sununuka), anga eza mu sambela kualela inzo iii,

I Malunda 16:12

Lembalalenu o madiuanu mê mene mu kubhanga, ni isumua iê, ni mabatuilu ma dikanu diê.

Nehemiia 1:10

Athu iá-phe ene hanji abhikʼé, ni kifuxi kié ki ua kula mu kutena kué ni lukuaku lué lua nguzu.

Nehemiia 9:10

Anga Falaó u mu idikiza ijimbuete ni madiuanu, ni akua mbèle iê oso, ni akua ixi iê oso; mukonda eie uejidile kuma ene a bhangele phulu iavulu ku jitata jetu; eie mu kubhanga kienhiki ua di bhekela dijina dinangenena, kala ki tua mu ki mona leluʼiki.

Jisálamu 105:5

Xinganekenu o madiuanu mê ma bhanga jinga; ni isuma iê, ni kuzuela kuê mu batula o milonga,

Jisálamu 114:1

Kia tunda Izalaiele mu Ijito, ni dibhata dia Jakobo, mu matumbu a dingula;

Jisálamu 136:11

Iu ua katula Izalaiele muʼaxaxi kâ; kuma kulenduka kuê ki kuene kúbhua.

Jisálamu 136:12

Ni kànda dia nguzu, ni lukuaku luasununuka; kuma kulenduka kuê ki kuene kúbhua.

Jisálamu 89:14

Ni kufundixa kua kidi ni kutetuluka kua ku fikidila o kiandu kié; ni kulenduka ni kidi a ku tuamenena kuoso-kuoso ku u di tela.

Makatukilu 12:15

O jimbolo ja kambe o felemendu mu ji dia mu sambuadi dia izuua; tunde kiá kizuua kiene kia dianga, felemendu ioso i bhua-mu mu jinzu; kuma uoso u dia jimbolo ja felemendu tunde kizuuʼokio kia dianga katé kizuua kia kasambuadi, muenhó muthu ua ku mu batula mu undandu ua Izalaiele.

Makatukilu 12:17

O fesa ia jimbolo ja kambe felemendu, mu i kuata kienhiki; kuma kizuua kimoxʼiki, kiene kizuua ki nga katula o ilombo ienu mʼoxi ia Ijitu; mukonda dia kiki, mu kuata kizuuʼiki ku miji ienu ioso, katé ku hádia ni hádia; ki kala kijila ki nga mi bhana.

Makatukilu 12:19

Mu sambuadi dia izuua iii, ki mu kale ni felemendu mu jinzo jenu; kuma uoso udia kima nʼa te-mu felemendu, muthu ió muthu ua ku mu batula mu kionge kia Izalaiele, a kale nzuangiza, a kale muthu a mu vuala ku bhata.

Makatukilu 12:2

Mbeji iii muene, iene i kala ienu ia kamoxi ku jimbeji joso; phala enu iene o mbeji ia dianga ku muvu.

Makatukilu 12:41

O mu kukala-kukala-phe, kiabhu o hama jiuana ja muvu ni makuinhi atatu, mu kizuua kienhókio muene, kiene kia tundu o ilombo ioso ia Jihova mu Ijitu.

Makatukilu 12:42

Kifua usuku ió Jihova ua a tele muxima mu ku a katula mʼoxi ia Ijitu; usuku iú-phe usuku ua Jihova, ua tokala anʼa Izalaiele oso a mu ta muxima katé bhua kà suka o miji iâ.

Makatukilu 12:8

Xitu a i dia usuku uenʼió, ia uóhe ku túbhia, ni jimbolo ja kambe felemendu; a i elela mafe a lulu.

Makatukilu 13:14

O ki kala anʼenu hádia a mʼibhula, exi: Kiki kima kiahi? mua kèla kuma: Nguzu ia lukuaku lua Jihova ia bhiti-bhu, mu ku tu katula mu Ijitu, mu dibhata dia ubhika.

Makatukilu 13:9

Kia kà kala kidimbu ku lukuaku luenu, ni kijimbuete bhu dibhomo, phala ngonge ia Jihova i mi kale mu kanu; kuma Jihova ua mi katula ni lukuaku lua nguzu mu Ijitu.

Makatukilu 20:2

Eme Jihova, Nzambi ié, nga ku katula mʼoxi ia Ijitu, mu dibhata dia ubhika.

Makatukilu 20:8

Aiuka kizuua kia sabhalu, nda u ki kôlese.

Makatukilu 23:15

Kizokola kia dianga ki mu kuata, kia jimbolo jʼòsusu; sambuadi dia izuua mu dia jimbolo jakambe felemendu, kala ki nga mi tumu, izuua i nga xindi ku mbeji ia Abibe, kuma iene o mbeji i mua katuka mu Ijitu; ki bhu kale muthu uiza-phe ni maku a hatu bhu pholo iami.

Makatukilu 3:20

Maji eme nga kà sununa lukuaku luami, Ijito ngi mu kuama muene ni madiuanu mami oso u ngi kalakala muʼaxaxi kê; katé ki a bhua kubhita, kiene kiua ki a mi eha.

Makatukilu 34:18

U kuata jinga o kijila kia fesa ia jimbolo ja kambe felemendu. Sambuadi dia izuua u dia jimbolo ja kambe felemendu, kala ki nga ku tumu, thembu ioso i nga mi lekela bhu mbeji ia Abibe; kuma mbejí ioio, ia Abibe, iene i mua tundu na-iu mu Ijitu.

Makatukilu 6:1

Jihova anga u ambela Mozé, uixi: Eie ua-nda ki mona-ke, kioso ki ngi bhanga Falaó, kuma ku a eha kikale lukuaku lua nguzu lu bhita-bhu, mu kuívua lukuaku lua nguzu kiene kia-nda ku a kaia mʼoxi iê.

Makatukilu 6:6

Kala kiki, ambela anʼa Izalaiele, kuma: Eme Jihova, mu imbamba ia mi xina akua Ijitu nga-nda ku mi katula-mu, ngi mi jituna mu ubhika uâ, ngi mi kula ni lukuaku lua sununuka, hé ngi londekeza ubatuilu ua kidi ni isunji ia makota;

Makatukilu 6:7

eme anga ngi mi tambula kukala mu mundu uami, anga ngi kala ngi Nzambi ienu; hinu mu kʼijie kuma eme Jihova, Nzambi ienu, nga tena ku mi katula bhoxi dia imbamba ia mi xina akua Ijitu.

Makatukilu 7:4

Falaó-phe ka-nda ku mʼivua, eme ngi tula lukuaku luami ku thandu dia Ijitu, hinu ngi tundisa ilombo iami, o mundu uami ua anʼa Izalaiele mu ixi ia Ijitu, ku isunji ia vulu i bhita-bhu.

Jelemiia 34:13

Jihova, Nzambi ia Izalaiele, uambe kiki: Eme nga ta kikutu ni jitata jenu, mu kizuua ki nga a katula mu ixi ia Ijitu, mʼonzo ia ubhika, ngixi:

Daniiele 9:15

Ni kidi kiene, Jihova, Nzambi ietu, eie muene ua katula o mundu ué kʼoxi ia Ejito, ni lukuaku lua undanda, dijina dié diʼdia fumana, katé mu kizuua kia lelu; tua te kituxi, tu akua ikuma ia phekalu!

Matesu 10:12

Ki mu bokona dibhata, mu di menekena, muexi: O paze i tunge mu bhatʼumu.

Luka 22:19

Anga u katula o mbolo, u sakidila Nzambi, anga u i uana, u i bhana o maxibulu, uixi: Iú uene o mukutu uami, [uòbhane mukonda dienu. Bhangenu jinga kienhiki mu ku ngi banza eme.

I Kolindo 11:24

O kia zubha kusakidila Nzambi, anga u i bukula, uixi: Iú uene o mukutu uami uobhane mukonda dienu. Mu bhanga jinga kienʼiki mu ku ngʼ imununa Eme.

I Kolindo 5:8

Uila kiki, tu bhangienu o fesa ia Phasu ietu, kana ni mbolo ia kifulu-fulu kiokulu, o kifulu-fulu kia ituxi ni jiphanda, maji ni mbolo ja hangala, o mbolo ja kuiuka ni kidi.

Efezo 1:19

ni kioso kiavulu o kutena kuê kua mu kalakala mu ʼaxaxe ketu etu tua xikana.

Matendelelu 13:10

Anga mu mu bûba ni matadi katé kiafua, kuma-phe ua sotele ku ku ẋanjula kua Jihova Nzambi ié, Ió ua ku katula kʼoxi ia Ijito, mu dibhata dia ubhika.

Matendelelu 13:11

Bhanga-kiu muene, nda Izalaiele ioso a kʼivue, a kale ni uoma, mbé kʼalukile kubhanga kisunji kala kiki mudienu.

Matendelelu 13:5

O Polofetʼoio-phe, mba ka-jinzojʼó mu mu jibha, mukonda ua tange ima ia kubhumina Jihova Nzambi ienu, ua mi katula mʼoxi ia Ijitu, iú ua mi kula mu dibhata dia ubhika mu mua kexi; muene iú ualu sota ku mi katula mu njila ia mi xindila Jihova Nzambi ienu. Mu kubhanga kiki, mua katula o ku-ibha muʼaxaxe kenu.

Matendelelu 13:6

O ki ku funhisa phangʼié, monʼa mamenu, mba monʼé eʼmuène, ua diiala mba ua muhatu, mba-phe mukajiʼé ua kazola muene kiá ua tokala bhuʼhata jé, mba kamba dié ua di kata-nê kala o muenhu ué eʼmuène, anga u ku fuetela, uixi: Tuende, tu bhandulule jinzambi jengi, o jene eie kua jʼijiia, né eie né jitata jé,

Matendelelu 15:15

Uxinganeka jinga, ulembalale kuma eie ue ua kexi u mubhika mʼoxi ia Ijito, maji Jihova Nzambi ié muene ua ku kula. Eie ue nga ku tumu kubhanga jinga kienhiki.

Matendelelu 16:1

Aluka mbeji ia Abibe, ubhange jinge o fesa ia Phasu kua Jihova Nzambi ié; mukonda bhu mbeje ia Abibe bhene bhua ku katula Jihova Nzambi ié ku Ijito, mʼusuku.

Matendelelu 16:12

Uenda jinga ni kulembalala kuila eie uakexe u mubhika ku Ijitu; kala kiki jingonge jiji u ji bhaka kiambote, uenda-phe ni ku ji bhanga.

Matendelelu 16:3

Bhu fesa ii kana kúdia mbolo i kala ni felemendu, sambuadi dioso dia izuua muenda ni kúdia jimbolo ja hângala, jimbolo ja dilamba, (mukonda mua tunda ni lusolo mʼoxi ia Ijito) jene ji mi lembalesa kizuua ki mua tundu ku Ijito; kienhiki nuka ki mi jimba, izuua ioso ia muenhu uenu.

Matendelelu 24:18

Maji uenda ni ku lembalala jinga kuila eie uakexe u mubhika mu Ijito, eué Jihova ua ku katula-ku; kiene ki nga ku tendelela kuila eie ue bhanga jinga kienhiki.

Matendelelu 24:22

Ki ki ku jimbe jinge kuila uakexe u mubhika mʼoxi ia Ijito. Kiene ki nga ku bhela o kijila kiki; eie ue bhanga jinga kienhiki.

Matendelelu 26:8

Jihova iú ua tu katula ku Ijito ni lukuaku lua suina, ni isunji, ni ijimbuete, ni madiuanu.

Matendelelu 4:34

Inga kua kexi kiá Nzambi ua xikina o kutambula kifuẋi phala muene nuʼaxaxe ka athu engi, ni jipolova ni isuma, ni madiuanu, ni kúlua mvunda, ni lukuaku lua suina, lua sununuka, ni ima iavulu i kuatesa uoma kala ia bhange Jihova Nzambi ienu, ku mesuʼenu, mu Ijito?

Matendelelu 5:15

Kuma-phe eie-muène ue ki ki ku jimbi dingi kuila ua kexe u mubhika mʼoxi ia Ijito, eué Jihova Nzambi ié ua sunununa o lukuaku luê lua undanda, iú ua ku katula-mu ni ʼkuaku luê lua suina. Mukonda dia kiki-phe, Jihova Nzambi ié iu ua ku tendelela uixi, u aiuka jinga o kizuua kia sabhalu kia dinhohenu.

Matendelelu 5:6

Eme Jihova Nzambi ié, nga ku katula mʼoxi ia Ijito, mu dibhata dia ubhika:

Matendelelu 6:12

kienhokio-phe dimuka u di lange, Jihova kà ku-bhue ku muxima hé u mu jimba, Muthu ua ku katula mʼoxi ia Ijito, mu dibhata dia ubhika.

Matendelelu 6:21

Eie-phe bhenhobho o monʼê u mu ambela, uixi: Tua kexi tu abhika a Falaó mu Ijito. Nguzu kiá ia lukuaku lua Jihova ia bhiti-bhu phala ku tu katula mu Ijito.

Matendelelu 7:8

Jihova muene-ku ua mi te muxima kuma ua mi zola, mu ku kumbidila o muloko uê ua lokela jitata jenu; Jihova iu ua mi katula ni lukuaku luê lua suina, iu ua mi kula ku dibhata dia ubhika ku mua kexile, bhu lukuaku lua Falaó, sobha ia Ijito.

Matendelelu 8:14

kana-phe ku di zangeleka miẋima ienu, ni mu jimbe Jihova Nzambi ienu, ua mi katula kʼoxi ia Ijito, ku dibhata dia ubhika.

Matendelelu 9:12

Bhenhobho Jihova, anga u ngʼambela, uixi: Balumuka, kulumuka muene lusolo, mbata o mundu ué u ua katula ku Ijito, a dianguka kiá; o njila i nga a xindile ka nange-mu, a i xi kiá kindala kienhiki; a di iudikila kiteka kia kuzunza.

Josuué 24:17

Mukonda Jihova muene Nzambi ietu. Muene ngó ua tu katula nʼetu ni jitata jetu kʼoxi ia Ijitu, mʼonzo ia ubhika, iu uabhange o ijimbuete ionène ioso iii ku mesuʼetu a kutala, iu ua tu ingi mu uenji uoso mu tua bhiti, ni muʼaxaxi ka ifuẋi mu tuejila.

Afundixi 2:12

Jihova, Nzambi ia jitata jâ, ua a katula mʼoxi ia Ijitu, a mu xi; a kaiela jinzambi jengi, o jinzambi ja mundu uamukuá ua a kala mu jimbandu, a kala mu ji fukamena; Jihova anga a mu thathamesa.

Afundixi 6:8

Jihova muene u tuma polofeta kua anʼa Izalaiele, u a ambela, uixi: Eme Jihova, ngi Nzambi ia Izalaiele, ngambe kiki: Eme muene nga mi katula mu Ijito, nga mi katula mu dibhata dia ubhika,