Makatukilu 13:19 - O Mikanda Ikola

¹⁹ Mozé ue ua katula o ifuba ia Zuze, iu ua i ambatesa; kuma Zuze ua lokesa jinga anʼa Izalaiele, uixi: Nzambi hinu u mi zungila, o mu kuia, ni ifuba iami mu i ambata, muia na-iu.

Makatukilu 13:19 ပူးပေါင်းရင်းမြစ်များ

Dimatekenu 48:21

Izalaiele anga u ambela Zuze, uixi: Tala, eme-ze, kúfua kua ngʼiza kiá; maji o Nzambi phe ua-nda kukala ni enu, o hádia u mi bheka dingi mu kuvutuka, mʼoxi ia jitata jenu.

Makatukilu 4:31

Kifuẋi anga a xikana; o kia zubha kuívua kuma Jihova ua suu anʼa Izalaiele iú ua mono o jiphaxi jâ, ene a bheteka o mítue, anga a bheza.

Luka 1:58

Akua bhata ni jindandu jê, anga évua kuma Ngana ua mu vudixila o henda iê, anga ene oso a sanguluka-nê kumoxi.

Luka 7:16

Uôma anga u a kuata ene oso, a kala mu tondela Nzambi, exi: Mueza polofeta ia dikota mu ʼaxaxe ketu! Nzambi a tane-ku! Ua zungila o kifuẋi kiê!

Jipoxolo 7:15

Jakobo anga u kulumuka mu Ijitu, o muène anga u fila momo ni jitata jetu.

Jipoxolo 7:16

Imbi iâ anga a i ambata hé eza na-iu mu Xikeme. Anga a a funda mu mbila ia sumbile Mbalahamu, mu kitadi kia phalata kua anʼ a Hamolo, mu Xikeme.

Jihebeleu 11:22

Kiejila mu kuxikana, Zuze kia mono o kufua kuê kua zukama, u tanga o kukatuka kua anʼ a Izalaiele mu Ijitu, anga u a lekelela kioso kia bhanga o kimbi kiê.

Josuué 24:32

O ifuba ia Zuze a i fundile ue mu Xikeme, kuma anʼa Izalaiele a tundile na-iu ku Ijitu, hé a i funda mu mukáu iunhá uasumbile Jakobo kua anʼa Hamolo, tata ia Xikeme, mu hama ia itadi ia phalata; kuma ue o mikáu ioio iene iabhiti ku mbandu ia ubhinganu ua anʼa Zuze.