Makatukilu 13:18 - O Mikanda Ikola

¹⁸ Kala kiki, Nzambi-phe ua nhungisa o mundu mu njila ia kikangalakata, njila ia Kalunga Kakusuka; anʼa Izalaiele-phe mu kutunda mʼoxi ia Ijitu, ene oso a maneka ibhakatu iâ.

Makatukilu 13:18 ပူးပေါင်းရင်းမြစ်များ

Dimatekenu 50:25

Zuze anga u lokesa anʼa Izalaiele, uixi: Hinu Nzambi kia mi zungila, ni ifuba iami mu i ambata, ki i xale mʼoxi mumu.

Jisálamu 107:7

Hé u a songuela mu njila ia iuka, katé kia bhiẋila-nâ ku mabhata kua tungu athu, mu sanzala mua fuama ene kukala.

Jisálamu 136:16

Uendesa o mundu uê mu kikangalakata; kuma kulenduka kuê ki kuene kúbhua.

Jisálamu 68:8

Ixi i kala mu tunguta, ku diulu ku sonoka mvula, mu kumona Nzambi ua tukuluka; Sinai iú u teketa iuná mu kumona Nzambi, Nzambi ia Izalaiele.

Makatukilu 12:51

Anga ki bhita kuila, mu kizuua kienhókio, Jihova u katula anʼa Izalaiele mʼoxi ia Ijitu, kala kia di te mu ilombo iâ.

Makatukilu 14:2

Tangela anʼa Izalaiele phala a te honda, a te o kibangu kiâ bhu mbandu ia Pihahilote, bhu kaẋi ka Mingidole ni kalunga, bhua lulama ni bhu Baale-Zefone; bhu sámbua diê bhene bhu mu ta o kibangu, bhu mbandu muene ia kalunga.

Makatukilu 14:9

Akua Ijitu anga a kaiela kuoso kuala ene, ni jikabalu ni makalu a Falaó, ni akua kusambela o jikabalu, ni kilombo kioso, anga a a kuatela bhua te o kibangu kiâ bhu mbandu ia Pi-hahilote, bhua lulama ni bhu Baale-Zefone.

Matendelelu 17:16

O muene-phe ka di vudixile jikabalu; kana kuvutukisa o mundu mu Ijitu, mu kuvudisa dingi jikabalu; mukonda Jihova ua mi ambela, kuila: Njila iii ki mungu dingi mu i vutukila.

Matendelelu 32:10

Ua mu sange mʼoxi ia kikangalakata kiahatu, ixi ia kukuta ia ngene ni ngene, muala kubuza ngó iama! Ua mu ongeka, ua mu lange, hé u mu sasa mukuâ ni mona diesu.

Josuué 1:14

Ahetuʼenu, ni anʼenu, ni ibhaku ienu, i xale mʼoxi ienu ia mi bhana Mozé, ku sámbua kunu dia Njolodá; maji enu-phe mu zaúka, ni mu tuamenena akuenu ku pholo, enu oso mua maneka, oso mala a nguzu a tena kubhânga, mbé mu kuatekese akuenu,

Josuué 4:12

Anʼa Lubene, ni anʼa Ngadi, ni mbandu ia muiji ua Manasa, anga a zaúka uâ, a maneka, ene a tuamenena ku pholo ia anʼa Izalaiele, kala kia a tangelele Mozé.

Josuué 4:13

Makuinhi auana a midi ia makuenze, a meneka mu kúlua ita, a zaúka bhu pholo ia Jihova, anga a tula mu ngânga ia Jedikó.