Makatukilu 13:16 - O Mikanda Ikola

¹⁶ Ki kala kidimbu ku lukuaku lué, kala fita ia ku bhiti bhu dibhomo; kuila nguzu ia lukuaku lua Jihova ia bhiti-bhu, mu ku tu katula mu Ijitu.

Makatukilu 13:16 ပူးပေါင်းရင်းမြစ်များ

Nehemiia 1:10

Athu iá-phe ene hanji abhikʼé, ni kifuxi kié ki ua kula mu kutena kué ni lukuaku lué lua nguzu.

Jisálamu 136:11

Iu ua katula Izalaiele muʼaxaxi kâ; kuma kulenduka kuê ki kuene kúbhua.

Makatukilu 12:13

O manhinga-phe ma kale kijimbuete ku jinzo joso mu mualʼenu; o ki ngi mona manhinga ngi mi somboka, kana dibhebhu di mi tula enu mu ku mi buidisa, kioso ki ngi kuama o ixi ia Ijitu.

Makatukilu 12:41

O mu kukala-kukala-phe, kiabhu o hama jiuana ja muvu ni makuinhi atatu, mu kizuua kienhókio muene, kiene kia tundu o ilombo ioso ia Jihova mu Ijitu.

Makatukilu 13:14

O ki kala anʼenu hádia a mʼibhula, exi: Kiki kima kiahi? mua kèla kuma: Nguzu ia lukuaku lua Jihova ia bhiti-bhu, mu ku tu katula mu Ijitu, mu dibhata dia ubhika.

Makatukilu 13:9

Kia kà kala kidimbu ku lukuaku luenu, ni kijimbuete bhu dibhomo, phala ngonge ia Jihova i mi kale mu kanu; kuma Jihova ua mi katula ni lukuaku lua nguzu mu Ijitu.

Makatukilu 6:1

Jihova anga u ambela Mozé, uixi: Eie ua-nda ki mona-ke, kioso ki ngi bhanga Falaó, kuma ku a eha kikale lukuaku lua nguzu lu bhita-bhu, mu kuívua lukuaku lua nguzu kiene kia-nda ku a kaia mʼoxi iê.

Makatukilu 6:6

Kala kiki, ambela anʼa Izalaiele, kuma: Eme Jihova, mu imbamba ia mi xina akua Ijitu nga-nda ku mi katula-mu, ngi mi jituna mu ubhika uâ, ngi mi kula ni lukuaku lua sununuka, hé ngi londekeza ubatuilu ua kidi ni isunji ia makota;

Jisabhu 6:21

Imʼiii kutila-iu muene ku muẋima ué, u xalele na-iu mu thembu joso; nhenga-na-iu mu xingu ié.

Daniiele 9:15

Ni kidi kiene, Jihova, Nzambi ietu, eie muene ua katula o mundu ué kʼoxi ia Ejito, ni lukuaku lua undanda, dijina dié diʼdia fumana, katé mu kizuua kia lelu; tua te kituxi, tu akua ikuma ia phekalu!

Matesu 23:5

Ikalakalu iâ ioso-phe, a i bhangela ngó phala athu ku a mona: Talenu o iẋimbu ia zanze ia Maka ma Nzambi, ia soneka phala ku ita bhu mabhômo ni ku maku! Kengelelenu kioso kia kulu o mixiku ia izuatu iâ!

Jipoxolo 13:17

O Nzambi ia mundu iú ua Izalaiele ua sola jitata jetu, iú ua sokolola mundu uâ kia kexile hanji mu inhunginu iâ, mʼ oxi ia Ijitu, anga u a katula momo ni lukuaku luasuina.

Matendelelu 11:18

Inda lundenu maka mamiʼama ku miẋima ienu, ni mu mienhu ienu, maka iá kutilenu-nâ ku lukuaku luenu phala a mi kale kijimbuete, endenu-nâ bhu dibhomo phala ka mi bhue ku mesu.

Matendelelu 26:8

Jihova iú ua tu katula ku Ijito ni lukuaku lua suina, ni isunji, ni ijimbuete, ni madiuanu.

Matendelelu 5:15

Kuma-phe eie-muène ue ki ki ku jimbi dingi kuila ua kexe u mubhika mʼoxi ia Ijito, eué Jihova Nzambi ié ua sunununa o lukuaku luê lua undanda, iú ua ku katula-mu ni ʼkuaku luê lua suina. Mukonda dia kiki-phe, Jihova Nzambi ié iu ua ku tendelela uixi, u aiuka jinga o kizuua kia sabhalu kia dinhohenu.

Matendelelu 6:21

Eie-phe bhenhobho o monʼê u mu ambela, uixi: Tua kexi tu abhika a Falaó mu Ijito. Nguzu kiá ia lukuaku lua Jihova ia bhiti-bhu phala ku tu katula mu Ijito.

Afundixi 2:12

Jihova, Nzambi ia jitata jâ, ua a katula mʼoxi ia Ijitu, a mu xi; a kaiela jinzambi jengi, o jinzambi ja mundu uamukuá ua a kala mu jimbandu, a kala mu ji fukamena; Jihova anga a mu thathamesa.