Makatukilu 13:15 - O Mikanda Ikola

¹⁵ Mukonda o mu kuiza ku ki bhanga, kia thathamana Falaó, iú ua di tunuʼê ku tu eha, Jihova ua jibha ana oso a phande-kumbi mʼoxi ia Ijitu, ni ku anʼathu, ni ku anʼa ibhaku; kiene kia ngi bhangesa kuila ana oso a tuama kujikula o divumu, ngʼa a lumbila Jihova, se jimdumbe; o anʼa phande-kumbi ku athu-phe, ngʼa a kula.

Makatukilu 13:15 ပူးပေါင်းရင်းမြစ်များ

Jisálamu 105:36

U jibha ana oso a phandekumbi mʼoxi iâ, ene ana a dianga, a nguzu iâ ioso.

Makatukilu 12:29

Anga ki bhita-phe kuila, o usuku uenhó, mu kaẋi ka kizuua, Jihova u kuama ana oso a phande-kumbi mʼoxi ia Ijitu, tunde ku thungunu ia Falaó, ua xikama bhu kiandu kiê, katé ku monʼa hutile a mu kutila mu kaleia; ni anʼa phande-kumbi ku ibhaku.

Makatukilu 3:19

Eme nga kʼijiia-phe kuma muenexiʼa Ijitu ka-nda kuẋikina ku mi eha, se a kamba ku mu bhinjika kuala lukuaku lua nguzu.

Makatukilu 34:20

se monʼa bulu u tuama kujikula divumu, u mu kula ni mona mbudi mba hombo; o ki uila kana ku mu kula, u mu bukula xingu; anʼenu oso a phande-kumbi mu a kula. Kana muthu uiza bhu pholo iami ni maku a hatu.

Makatukilu 4:23

Nga tumu ku ku ambela kuila: Eha monaʼami, phala a ngi kalakele; eie-phe ki ua ditunu ku mu eha, eme nga-nda kujibha monʼé ua phande-kumbi.

Dialuilu 18:15

Kioso ki jikula o divumu, ku xitu ioso ia bheka kua Jihova, kixi ia athu kixi ia ibhaku, i kala ié; maji, o jiphande-kumbi ja athu ua kà ji kula; o jiphande-kumbi ue ja ibhaku ia iibha ua kà ji kula.

Dialuilu 3:46

Kuma ana phande-kumbi ala kota mu kuvula, Jilevita ndenge, o hama jiiadi ja mona ni makuinhi sambuadi ni kitatu, a di te-ku a bhingi ku a kula.