Makatukilu 13:14 - O Mikanda Ikola

¹⁴ O ki kala anʼenu hádia a mʼibhula, exi: Kiki kima kiahi? mua kèla kuma: Nguzu ia lukuaku lua Jihova ia bhiti-bhu, mu ku tu katula mu Ijitu, mu dibhata dia ubhika.

Makatukilu 13:14 ပူးပေါင်းရင်းမြစ်များ

Dimatekenu 30:33

O hinu-phe ki uiza kutala ibhaku iami i nga nganhala, muene mu ngi lungilʼumu; se u sanga-mu mbudi ia kambe kuxikelela mba ia kambe mabaka, mba hombo ia kambe mabaka, uʼijiia kuma nga i nhana.

I Malunda 16:12

Lembalalenu o madiuanu mê mene mu kubhanga, ni isumua iê, ni mabatuilu ma dikanu diê.

Nehemiia 1:10

Athu iá-phe ene hanji abhikʼé, ni kifuxi kié ki ua kula mu kutena kué ni lukuaku lué lua nguzu.

Jisálamu 136:11

Iu ua katula Izalaiele muʼaxaxi kâ; kuma kulenduka kuê ki kuene kúbhua.

Jisálamu 145:4

Muiji umoxi u tanga o ikalakalu ié, muiji uamukuá nʼa ijiie, ni undanda ué u uene mu kubhanga.

Jisálamu 78:4

Etu uetu ki tu i dingila anʼâ, tu tangela muiji uengi ueza-ku o fuma ia Jihova, ni uzonda uê ni madiuanu mê ma kalakala.

Makatukilu 10:2

Eie muene hinu u ki tangela ue anʼé ni alaulʼé, ima ioso i nga kalakala mu Ijitu, ni ijimbuete iami i nga mu bhanga muʼaxaxe kâ phala mu kʼijiie kuma eme ngi Jihova.

Makatukilu 12:41

O mu kukala-kukala-phe, kiabhu o hama jiuana ja muvu ni makuinhi atatu, mu kizuua kienhókio muene, kiene kia tundu o ilombo ioso ia Jihova mu Ijitu.

Makatukilu 13:3

Mozé anga u ambela o mundu, uixi: Lembalalenu kizuuʼiki kia lelu, kizuua ki mua tundu mu Ijitu, mu dibhata dia ubhika; kuma Jihova ua mi katula-mu ni nguzu ia lukuaku luê; kana kúdia jimbolo ja felemendo, kizuua kienhiki.

Makatukilu 13:8

Kizuua kienhókio mua kʼàmbela anʼenu kuma: Tua ki bhangela mukonda dia kidiuanu kia tu bhange Jihova, mu ku tu katula mʼoxi ia Ijitu.

Makatukilu 13:9

Kia kà kala kidimbu ku lukuaku luenu, ni kijimbuete bhu dibhomo, phala ngonge ia Jihova i mi kale mu kanu; kuma Jihova ua mi katula ni lukuaku lua nguzu mu Ijitu.

Makatukilu 20:2

Eme Jihova, Nzambi ié, nga ku katula mʼoxi ia Ijitu, mu dibhata dia ubhika.

Makatukilu 6:1

Jihova anga u ambela Mozé, uixi: Eie ua-nda ki mona-ke, kioso ki ngi bhanga Falaó, kuma ku a eha kikale lukuaku lua nguzu lu bhita-bhu, mu kuívua lukuaku lua nguzu kiene kia-nda ku a kaia mʼoxi iê.

Makatukilu 6:6

Kala kiki, ambela anʼa Izalaiele, kuma: Eme Jihova, mu imbamba ia mi xina akua Ijitu nga-nda ku mi katula-mu, ngi mi jituna mu ubhika uâ, ngi mi kula ni lukuaku lua sununuka, hé ngi londekeza ubatuilu ua kidi ni isunji ia makota;

Makatukilu 6:7

eme anga ngi mi tambula kukala mu mundu uami, anga ngi kala ngi Nzambi ienu; hinu mu kʼijie kuma eme Jihova, Nzambi ienu, nga tena ku mi katula bhoxi dia imbamba ia mi xina akua Ijitu.

Jelemiia 34:13

Jihova, Nzambi ia Izalaiele, uambe kiki: Eme nga ta kikutu ni jitata jenu, mu kizuua ki nga a katula mu ixi ia Ijitu, mʼonzo ia ubhika, ngixi:

Daniiele 9:15

Ni kidi kiene, Jihova, Nzambi ietu, eie muene ua katula o mundu ué kʼoxi ia Ejito, ni lukuaku lua undanda, dijina dié diʼdia fumana, katé mu kizuua kia lelu; tua te kituxi, tu akua ikuma ia phekalu!

Jipoxolo 13:17

O Nzambi ia mundu iú ua Izalaiele ua sola jitata jetu, iú ua sokolola mundu uâ kia kexile hanji mu inhunginu iâ, mʼ oxi ia Ijitu, anga u a katula momo ni lukuaku luasuina.

Matendelelu 5:15

Kuma-phe eie-muène ue ki ki ku jimbi dingi kuila ua kexe u mubhika mʼoxi ia Ijito, eué Jihova Nzambi ié ua sunununa o lukuaku luê lua undanda, iú ua ku katula-mu ni ʼkuaku luê lua suina. Mukonda dia kiki-phe, Jihova Nzambi ié iu ua ku tendelela uixi, u aiuka jinga o kizuua kia sabhalu kia dinhohenu.

Matendelelu 5:6

Eme Jihova Nzambi ié, nga ku katula mʼoxi ia Ijito, mu dibhata dia ubhika:

Matendelelu 6:12

kienhokio-phe dimuka u di lange, Jihova kà ku-bhue ku muxima hé u mu jimba, Muthu ua ku katula mʼoxi ia Ijito, mu dibhata dia ubhika.

Josuué 22:24

Inda kia tu bhangesa-kiu, kiki: Hádia anʼenu a-nda kuâmba anʼetu, exi: Enu muala dingi ni kima kiahi ni Nzambi ia Izalaiele-á?

Josuué 24:17

Mukonda Jihova muene Nzambi ietu. Muene ngó ua tu katula nʼetu ni jitata jetu kʼoxi ia Ijitu, mʼonzo ia ubhika, iu uabhange o ijimbuete ionène ioso iii ku mesuʼetu a kutala, iu ua tu ingi mu uenji uoso mu tua bhiti, ni muʼaxaxi ka ifuẋi mu tuejila.

Josuué 4:6

Mbé ki kale kijimbuete mudienu; hádia anʼenu, ku pholo ku muia, kia kèla: Matadi enhá, edi kiebhi?

Afundixi 2:12

Jihova, Nzambi ia jitata jâ, ua a katula mʼoxi ia Ijitu, a mu xi; a kaiela jinzambi jengi, o jinzambi ja mundu uamukuá ua a kala mu jimbandu, a kala mu ji fukamena; Jihova anga a mu thathamesa.

Afundixi 6:8

Jihova muene u tuma polofeta kua anʼa Izalaiele, u a ambela, uixi: Eme Jihova, ngi Nzambi ia Izalaiele, ngambe kiki: Eme muene nga mi katula mu Ijito, nga mi katula mu dibhata dia ubhika,