Makatukilu 13:12 - O Mikanda Ikola

¹² Kienhókio mua ká lumbila Jihova oso a tuama kujikula o divumu, ni anʼ oso a ibhaku a tuama ku a vuala, jindumbe ji kala jangene ja Jihova.

Makatukilu 13:12 ပူးပေါင်းရင်းမြစ်များ

Nehemiia 10:36

ni jithungunu jetu ja mala, ni ja ibhaku ietu, tu bhanga kala ki a ki soneka mu kitumu; ni kuila o ʼthungunu jetu, ni ja ʼmbudi jetu, tu ji bheka mʼonzo ia Nzambi ietu, ku jinganga, ene mu bhanga o ukunji mʼonzo ia Nzambi ietu.

Nehemiia 10:37

Ni kuila ue o dikènde dietu dia kutomona, ni maujitu metu ma kubhuka, ni kibundu kia muxi uoso, ni vinhu ni maji, tuiza na-iu ku jinganga, mu maxilu ma inzo ia Nzambi ietu; ni kakuinhi ka mábhia metu ku akua Leví: ni kuila o mbandu ia kakuinhi ka idima itunda ku mábhia, tu i bhana kua akua Leví, kuma ene a a lekelela kutambula o kakuinhi ka tunda mu jisanzala jetu joso.

Makatukilu 13:1

Jihova anga u ambela Mozé, uixi:

Makatukilu 13:2

Ngi lumbile ana oso a phande-kumbi, oso a tuama kujikula divumu mu anʼa Izalaiele, a kale athu, a kale ibhaku; kuma ami.

Makatukilu 22:28

Afundixi kana ku a bhubhidila; muthu a mu zangeleka kutumina o mundu kana ku mu zuela kiaiibha mba ku mu longolola.

Makatukilu 22:29

Kana kukokoloka mu kulumba ku idima ié ia dianga ni ku izunzu ié i u zunza mu matangi ma kukama jiúva. Anʼé a mala, a phande-kumbi, u ngi lumbila-nâ eme.

Makatukilu 34:19

Ima ioso i tuama kujikula divumu, iami eme; ni ibhaku, se ndumbe, ioso i tuama kujikula divumu iami, né ngombe mba mbudi;

Makatukilu 34:20

se monʼa bulu u tuama kujikula divumu, u mu kula ni mona mbudi mba hombo; o ki uila kana ku mu kula, u mu bukula xingu; anʼenu oso a phande-kumbi mu a kula. Kana muthu uiza bhu pholo iami ni maku a hatu.

Izekiiele 16:20

Sumbala ua bhange iii, maji uate-ku dingi o kukatula anʼé a mala ni anʼé a ahetu u ua vuala nʼeme, eie ua a satela iteka iènhʼoio, phala ku a jikinisa; manhi o undumbu ué iú, ua tolo?

Izekiiele 44:30

Ni ibundu ioso kiá ia mutômo, ku ibundu ienu ioso ia dianga ku mbutu joso, ni maujitu oso ku maujituʼenu, a kala a ngene a jinganga; kumoxi ue ni makènde enu a dianga, mu bhana-ku jinganga; mbé a bhangese o kizediuise kubutama ku thandu dia dibhata dié.

Ijila 27:26

Maji ki bhu kale muthu ulumbila phande-kumbi ia kibhaku kua Jihova, mukonda mona uoso ua kibhaku ujikula divumu dia mamʼâ, ió uangene kiá ua Jihova; né ngombe, né hombo mba mbudi, ioio iangene kiá ia Jihova.

Dialuilu 18:15

Kioso ki jikula o divumu, ku xitu ioso ia bheka kua Jihova, kixi ia athu kixi ia ibhaku, i kala ié; maji, o jiphande-kumbi ja athu ua kà ji kula; o jiphande-kumbi ue ja ibhaku ia iibha ua kà ji kula.

Dialuilu 3:12

Ua mono, eme nga solo jilevita muʼaxaxi ka anʼa Izalaiele, bhu kididi kia ana a phande-kumbi, a tuama kujikula divumu muʼaxaxi ka anʼa Izalaiele; Jilevita a kale ami-eme;

Dialuilu 3:13

kuma ana oso a phande-kumbi a di bhange ami-eme; tundé kizuua ki nga beta ana oso a phande-kumbi mʼoxi ia Ijitu, nga di lumbila ana oso a pande-kumbi mua Izalaiele, ni ku athu ni ku ibhaku; a di bhange kiá ami-eme, eme ngi Jihova.

Dialuilu 8:17

Kuma ana oso a phande-kumbi muʼaxaxi ka anʼa Izalaiele amiʼeme, ni ku athu ni ku ibhaku; tunde mu kizuua ki nga beta ana oso a phande-kumbi mʼoxi ia Ijitu, kiene ki nga di lumbila-nâ.

Luka 2:23

Kala kia ki soneka mu Kitumu kia Ngana kuma, o Mona uoso u dianga kujikula divumu, u kala muthu uangene ua Ngana.

Matendelelu 15:19

Anʼoso a phande-kumbi a jingombe, ni jimbudi, o kia kala ndumbe mu i lumbila Jihova Nzambi ié; monʼa ndumbe ua jikula divumu dia ngombe kana ku mu ta ku kikalakalu kia kudima; o monʼa ndumbe ua jikula divumu dia mbudi, kana ku mu bhuta kindemba.