Makatukilu 12:7 - O Mikanda Ikola

⁷ Hé a kuata-phe o manhinga-mê anga a ma sangela ku mikangala ia dibhitu iene kiiadi kiâ, ni ku phidika ja thandu ja mabhitu ma jinzo muoso mu ala ku dila.

Makatukilu 12:7 ပူးပေါင်းရင်းမြစ်များ

I Jisobha 6:31

O bhu muelu ua dibhezelu uate-bhu mabhitu a mabaia ma muxi ua mudiva; o mikambu ni mikangala kífua iatambula o mbandu ia katanu ku mutôto.

Makatukilu 12:13

O manhinga-phe ma kale kijimbuete ku jinzo joso mu mualʼenu; o ki ngi mona manhinga ngi mi somboka, kana dibhebhu di mi tula enu mu ku mi buidisa, kioso ki ngi kuama o ixi ia Ijitu.

Izekiiele 9:4

Ngana hé u mu ambela, uixi: Bhita mu kaxi ka mbonge, muʼaxaxe ka Jeluzaleme, u te kidimbu bhu mabhômo ma athu oso a mu di tula muenhu ni kukema, mukonda dia isunji ioso iaiibha ialuʼia ni kubhanga athu mu kaxi ka mbonge mumu.

Efezo 1:7

Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!

Matendelelu 11:20

Mu a soneka ku thanduʼa mielu ienu ni ku mabhitu menu.

Jihebeleu 10:14

Uila kiki, ni kilumbu kiê ngó kimoxi, muène ua a zelesa bhoxi bhuabhu, ene oso a a zelesa ku ituxi.

Jihebeleu 10:29

Abha-phe kia kà bhita kiebhi ni ió ua ditunu o Monʼ a Nzambi, iú ua mono kuila o manhinga ma kikutu kia Nzambi ma mu kolêsa, kima kia ngoho? Kia kà bhita kiebhi ue ni uoso u lokalala o Nzumbi ia kiadi kia Nzambi? Xinganekenu-phe, se o kaxtiku kê ka mu tokala, ka kà soka kiebhi!

Jihebeleu 11:28

O mu kuxikana, muène ua bhitisa o Phasu ia dianga, iú ua tumine kutesa o kidimbu kia manhinga ku mabhitu a jinzu ja anʼ a Izalaiele phala o Anju ia Kibuika ki ia a jibhile o ana a jiphande-kumbi.

Jihebeleu 9:22

Mu kidi, kala kia tumu o Kitumu, kifua ima ioso muène ia bhingi ku i bonza ni manhinga. Mukonda sé kulundulula manhinga, ki ku kala muloloko ua ituxi.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.